Chapter Sixteen
Sorry
PAGKATAPOS NAMING bumili ay pumunta na kami sa sasakyan. Wala pa ang mga kabigan namin na nag-grocery kaya tumambay muna kami sa waiting shed na malapit habang kumakain ng biniling street foods ni Kit. Patapos na kaming kumain nang dumating ang mga kasama namin.
Agad pinatunog ni Owen ang sasakyan at in-unlock ang mga pinto kaya nilagay na namin ang mga pinamili sa likod saka kami pumasok sa loob at agad kaming umalis doon. Pagkapark ni Owen sa van ay bumaba na kaming lahat.
"Bukas ang pinto?", pansin ni Rey.
"Nanakawan na yata tayo", nataranta namang sabi ni Page.
"Ni-lock mo ba kanina ang pinto, Wen? Ikaw ang nahuli", tanong ni Kit.
"Ni-lock ko naman", sagot ni Owen.
"Check it, guys", sabi ni Faith.
"Ano ba kayo? Si Gunther 'yan. Nandoon ang sasakyan niya", sabi naman ni aling Trining na tinuro ang sasakyang nakapark sa may gilid.
Hindi namin iyon napansin agad dahil hindi makikita mula sa pwesto namin. Baka chineck muna ni aling Trining kaninang natataranta na kaming baka nanakawan na kami.
Pumasok na kami sa loob. Si aling Trining ay nagpaalam na uuwi muna. Ang mga lalaki na daw kasi ang bahala sa mga pinamili. Naabutan namin si kuya Gunther na umiinom ng tubig sa kusina.
"Hi", bati niya sa amin.
"Hi, Gunther!", bati din nina Faith at Page.
"You should've told Gaea that you'll come. You made us worry. Akala namin ay nanakawan na kami", naiinis na sabi ni Kish.
Nagtaas ako ng kilay. Nagtataka ako sa reaction ni Kish. Si kuya Gunther naman ay kumunot ang noo.
"Oh. Sorry, my fault.. but first, I'm here to check on Gaea and surprise her that's why I didn't plan on telling her I'm coming. Second, hindi ko alam na wala akong madadatnang tao dito. Third, I never expect na may mga bisita si Gaea dito. And lastly, this is our house", naiinis ding sabi ni kuya.
"I'm sorry, then.. because first, we came here to visit Gaea. Second, hindi namin alam na may darating nung umalis kami. Third, we never expect na darating ka. Ang lastly, we should've asked your permission before we came here", sarcastic na rebut ni Kish.
Siniko ako ng mahina ni Page at sinenyasan akong pigilan ang dalawa kaya bago pa man makapag-salita ulit si kuya Gunther ay pumagitna na ako.
"Awat na, guys. Chill lang", sabi ko.
"Uh.. Gaea?", tawag sa akin ni Kit nang makapasok siya sa kusina.
Tumingin ako sa kaniya. "Bakit, Kit?"
"You might wanna see who's outside", alanganin niyang sabi.
Kumunot ang noo ko bago sinunod ang sinabi ni Kit. Lumabas ako at nasa likod ko sina Faith, Page, Kish at kuya Gunther. Nakita namin si Hunter na bumaba ng sasakyan niya. Nakapamulsa siyang humarap sa amin.
