طاقة تحمل

مقدمه

طاقة تحمُل
الكاتبة؛العباديه

طاقة تحمُل
الكاتبة؛ العباديه

زينه؛ لك ليش هيچ تسوي قصرت وياك بشي !!

كاظم؛كااافي خبصتيني قصرت وياك قصرت وياك تعبت منچ مااريدچ كفيني شرچ !

زينه بصدمه ؛شنوو ! اكف شري !! يعني اني جايبتلك الشر

كاظم ؛ اي انتي اصل الشر سودتي عيشتي عمي كاافي مليت منچ ردت ازوج يعني كفرت ؟!

زينه؛ اي كفرت لك عايف اطفالك وتركض وره النسوان عايف بيتك ومرتك وعائلتك تريد تجيبلهم زوجة اب !! بس گوللي اكو شيء احلى من الدفئ العائلي اكو أحلا من اللمة العائلية ؟!! جهالك مثل الورود ومدللتك شتريد بعد لخاطر اللللله؟؟

كاظم ؛ اريد اتزوج لان الشرع حلل اربعه

زينة؛ الشرع !! لك انت دصلي بالاول حتى تعرف الشرع انتم الزلم كلكم هيچ كل ماحچيتوا ركضتوا ع الشرع !! اذا معناتهه الشرع حللك اربعه تهدم عائلتك ؟ليشششش

(حكمة؛ إذا الشرع حلل لك اربعه فلتكن هي ودينها واخلاقها وقلبها )

عاط بقوة هز المكان بصوته الغاضب

_كافي اتزوج وخلاص

زينه.. اذا اتزوجت ف ماابقى على ذمتك لو اموت

رد ببرود _شتريدين تسوين سوي

زينه بصوت مجروح مليء بالعبرات .. باع اطفالك شلون خايفين ويتراعشون بسببك هاي العياط والعرك يوميه بالليل شنو ذنبهم !؟؟

كاظم ؛ اسمعي وخلي هالكلمه ببالج زين اذا تريدين تتطلگين اتطلگي بس جهالي ميبقون عندچ !

زينه ؛ جهالك !! لك شوكت عرفت جهالك من تخابر وتراسل بالنسوان مفكرت بيهم !!

كاظم؛ كاافييي

هاي حياتي اليوميه اقضيها عرك.ومشاكل بين امي وابوي الهاملنه ويركض.وره النسوان .. عشنه عمرنه وحدنه مابيوم التفت النه ولا سألنه شنريد ؟ حرمنه حنانه وانطاه لملذاته وصديقاته .. الرجفه هاي يوميه نعيشهه خايفين ونتراعش خاف يضرب امنه واحنه نخاف عليهه لان نحبهه حيل حنينه .

اسمي سارة من مواليد 2002 يعني عمري 17 سنه ونص وبشهر السادس ادخل 18 من المحافظات الجنوبية عندي أخت أكبر مني ب4 سنوات إسمها زهراء واخ واحد ابوية يشتغل مهندس بالنفط وماما ربة بيت عايشين ويه بيت عمي
عندي اربع اعمام وعمتين عماتي متزوجات اثنينهم واعمامي هم كلهم متزوجين ونسوان اعمامي خبيثاتتت حيل ...

دائماً نشوف امي وابوي يتعاركون ومشاكل... واحنه من يتعاركون نبقى نبچي ونتحاضن وهمة مستمرين بالعرك بسبب بابا دائماً يدور نسوان ويخابر الليل كله دائماً أسمعه يگللهه بالليل اخابرچ ويتغزل بيهه ويگلهه احبچ طلع داخل بگروب للموزينات ويراسلهم وامي تتخبل تغار بشكل مو طبيعي آخر شيء گال اريد اتزوج ف صارت مشكلة جبيره حيل ادت الي طلاقهم ..

امي خلص صبرها وتعبت ف انجبرت تطلب الطلاگ .. هو گاللهه يطلگ بس الا ياخذنه عباله يضغط عليهه بينه وتبقى بس ماكدرت بقت تبچي وتگله هسه توك حنيت على اطفالك وشگد حاولت وياه علمود يبقينه عدهه ماانطانه ف تطلگوا وللأسف امي تخلت عنّه مجبرة .

بقينا احنه حال الضيم حالنا بين الاعمام وابوية مو دائماً ويانه يشتغل بالبصرة لان علمود النفط اكثر محافظة بيهه نفط ف راحت امي لبيت اهلهه عاشت وياهم حاولت اخر مره ورادت ترفع دعوه علمود تاخذنه اهلهه عارضوا گالولهه وين نخليهم واحنه بيتنه صغير وگوه مكفينه ف بقينا يم بابا الي هاملنا خلف الله على بيبي شوية تهتم بينه هذا الحچي اني بصف الثاني متوسط بنصف السنه  ..

استمرت المشاكل بين امي وابوي گالولي بطلي بعد منعرف شنو مصيرج لو عند امج لو عند ابوچ اگعدي واسكتي ف بطلت بقيت يوميه ابچي اموت على الدراسة واشوف صديقاتي جيرانه اليمشن ويايه يومية يروحن واني اتحسر وابقى ابچي وبيبي (ام ابوية) تصبر بيه  ووعدتني اذا تنحل المشاكل وابقى يمهم ترجعني للمدرسة السنه الجاية يعني صديقاتي الويايه يصيرن بالثالث صح انقهرت بس اهم شي ارجع فرحت وبقيت ادعي انشاء الله تنحل المشاكل

چانت امي طيبة گلب وحنينه علينا بششكل حتى صوتهه حنين تمموووت علينا خصوصي أني معتبرتني صديقتهه اني اقرب بنت الهه ف من تطلگت خلت بيه أثر حيل چبير يوميه چنت انام بحضنها وفجأه مالكيت الحضن اليحتويني !

من راحت بقيت ابچي حتى ضعفت وتغيرت حيل .

شكلي عادي عيوني كبار حواجبي ثخان انفي متوسط احلى شي بيه اسناني يخبلن كل اليشوفني يحسدني عليهن كلش حلوات حتى اني احبهم من اضحك تخبل ضحكتي .... ناعمه كلش.. قزمه...وزني 47... أخوية اسمه علوش يطلع عمرة 12  سنه بالسادس ابتدائي نسوان عمامي

مرت عمي الچبير ؛ هيفاء تنگط سم وعدهه جهال 3

مرت عمي الوسطاني ؛تغريد معدهه جهال شوية حبابة شووووية

بابا بعد الوسطاني ؛

مرت عمي الصغير ؛ فاطمة : هي وهيفاء مسويات حزب علينا اني وزهراء وشابعاتنا ضيم ذابات كل الشغل على زهراء دائماً ينكسر خاطري عليهه ابدد متحچي من چانت ماما ميتجرأن يحچن ويانه وچانن يتلوگن النه هسه لا انفتح الهن المجال وصارن براحتهن يتصرفن وحتى ضرب يضربنا لو ماما هسه هنا محد يحجي.ويانه بس الـ (لو) متفيد زرعوها وماخضرت !

يتبع..

        عـبـرات الـعـبـادي 🌻🌼
alabadyia_09