طاقة تحمل

بارت تصبيره

الـسـلامُ علـيـكم

طاقة تحمل
الـعـباديـ،،ـه
بارت تصبيره لـ32

ساره

ممدده بالكاع ومأيسه من الدنيا كلهه ماكو شي اعيش علموده غير العذاب لو بيدي جان كمت انتحرت بس مسنسليني اني المن عايشه ؟
دموعي جفت گمت من ابچي ماكو دموع جف الدمع
ممدده وعيوني ثابته ع السكف وافكر بحالتي ..
ودخلت زهراء !
هيه شافتني تفاجئت !
صرخت متفاجئه
والجنطه وگعت من إيدها وگعدت على ركبهه !
اني شفتهه ودموعي گامن يجرن بغزاره بعدمـا چانن جافات !
ركضت عليه حضنتني واني حضنتهه واثنينه نبچي ايديها تتراعش وتتلمس بوجهي !

- عزززه ماما. ساره حبيبتي شمسوين بيج بله باعيلي.سوده بوجهي سوودة مصخمه شلون عفتج

كل شويه تحضني وتحط راسي على صدرهه وتبچي حضنتها حيل ... احتاجيتها بهذا الوقت يمي واجت

شهكت وبجيت
-ليش عفتيني ليششش ؟

لمت شفتهه للداخل ودموعهـه تنزل
بقينا نتعاتب وسألتهه شلون عرفت ؟

-ليش اجيتي منو گاللج ؟

-جدو اتصل على محمد وكاله

مباشرةً درت وجهي وبقيت ابجي فضحني گدام محمد شلون بعد اباوع بيه واحچي وياه ؟

-زهراء اذا جايه تلوميني ف اطلعي احسن خليني بضيمي !!

-انتي شدتحچين ؟
اني ألومج ؟ليش الملامه شتفيد ؟!
شي راح وإنتهى لاتفيد ملامه ولاشي غلطتي وغلطج جبير ونحاول نصلحه

-تصلحونه تزوجوني لـكرار ؟؟

-اي اكيد

-كرار شنو ذنبه يتحمل وحده متطيقه ؟؟!

-شنو هذا الحچي ؟!
تعرفين بـكرار يموت عليج ليش هيج تسوين بيه ؟
وبعدين مو انتي گلتي بس اخلص ثالث اوافق ونتزوج شنو غيّـر حچيچ هذا ؟
بلال انسيه انسـيه دمرج ودمر حياتج

-مااگدر انسـاه مااگدر !
تقبلين اگلچ انسي محمد ؟

-محمد زوجي ومالعب عليه ولايشرب ولامصادق بنات العراق كلـه

-مااتخلى عنه منـا لما يزفوني لـكرار يله

ضربتني راشدي !!
عطت بصوت عالي

-إطلعي بررره شنو فرقج عنهم شنووو ؟
كلكم حقراء كلكمممم

بقت تبجي بغزاره ودموعها تصب والراشدي الضربتني بيه رجعت ضربت نفسهه بيه وتدك على روحهه وتصرخ وتبجي

-لج ساره اصحي كـافي دمرتي حياة اشخاص كافي
كرار يريد يعيش فترة خطوبه وانتي تكولين لما يزفوني يله يعني كرار خطيبج وتخونين بيه ويه هذا السگط ؟!

-هذا السگط اذا مااراسله اموت

تقربت يمي وهزتني هززز