طاقة تحمل

33 الاخير

الـسـلامُ عـليكم

طاقة تحمُل
العباديــ،،ــه
البارت //33// والأخير

ساره

طلع كرار معصب ..
رحت راسلت زهراء سولفتلهه ..محتاجه شخص ينصحني محتاجه شخص يوكف وياي حتى لو يلومني ميخالف اتحمل خل يلوم بس مااريد ابقى هيج وحيده ..
تخبلت زهراء من گتلهه حظرته !!

زهراء
-لج وين اكو واحد يقبل تنهان كرامته ويين
متت قهر عليه انتي شلون سويتي بيه هيج ؟
شلون تحظريه ؟
هسه هو اكيد شك انو اكو سبب جبير يستدعي الحظر ؟ اشو ديتغزل بيج يعني لامتعاركين ولامضوجج بكلمه وانتي الغلطانه ولو انتي دائما غلطانه بس هالمره غلطج جبير ..

-والله مو نيتي احجي ويه بلال او ارجعله اصلا رزلته بس بجيت من كال السويتوه بيه لان اعتصرت ألم

-يستاهل ...
وبعدين مو انتي بنفسج كلتيلي مااترك بلال
لما يزفوني لـكرار شنو الي تغيير ؟ ساره تصرفاتج متناقضه كلشش حيرتيني !

-لج مو داكلج فكرت وقررت اتأقلم ويه حياتي الجديده وماكو ببالي اي شيء من بلال والله حتى بلشت انساه بس ممتقبله كرار گلت فتره واتقبله ومن يصير زوجي يصير تقارب روحي بيناتنه واحبه بس ماتوقعت بلال اليوم يرجع يذكرني بمأساتي العشتـهه ويذكرني بنفسه

-روحي هسه راسليه وگليله طلعت حسابه وحظرته من حسابي الجديد لاراسلته ولاشي بس اخذت حذر خاف فد يوم يضايقني او يعكر مزاجك مثل ماصار هسه وسأت الظن بيه !
واكدي إله گوليله :- اذا اريد اخلي حسابي ذاك نفسيته مااغيره واخلي بلال بيه ومااقبل اتزوجك اذا ممتأكده من قراري واعرف الزلمه الحوك واعرفك گد كلمتك ورجال بمعنى الكلمه.. هيح ارفعي معنوياته...
وخلي كلامج بيه مصداقيه واضربيله امثله

- قنعتيني بكلامج والله تصلحين مدرسه

-ايي عشت ويه كرار ومحمد 3 أشهر كفيله تخليني اعرف كل شخص وشخصيته

-ماشي هسه اراسله

رحت مباشرةً فتحت الحظر عن كرار ودخلت راسلته ..
ادز رسائل ماكو ..
ميجاوب

دزيتله كل الكلام الي گالتلي عليه زهراء وتوسلت بيه وشويه اسلوبي لينـّته وياه طلعت وبقيت ابچي ..
كل مره يغفرلي ويفوتها بس لا هالمره يعاند ..
بعد ماقررت انسى بلال هسه اخسر كرار ؟!!
لا مامستعده هيج يصير بيه ..
رحت أتصلت على زهراء وسألتهه عليه گالت (ماموجود) گتلهه سألي محمد گالت محمد ماموجود ..
إتصلت بمحمد وهم گال ماندري بيه ..
بقيت أكل بروحي من القهر ..
معقوله يعوفني بعدما قررت انسى واتمسك بيه

بقيت انتظر الليل كله منتظرته يجاوب بس موبايله مامتصل بالانترنت من الأصل ..
دموعي صبن واني اتخيل سجى شلون تباوع عليه ونظراتهه الجريئه الفصلته تفصال !