طاقة تحمل

30

السـلامُ عـلـيـكم

طاقة تحمل
العـبـاديـ،،ـه
البارت//30//

ساره

الفراق..من امـام اعيـننا الاحـلام ومـن حبـنا اوصـلنـا الحـب إلـى الـفراق ومـن نبـضـات أنيـن اعتـلت القـرار ومـن قصـة حُـبنا التـي تجبـر علـى الاحتظـار ...

شهرين اني وبلال على تواصل رجع كلامنه.. يحجي بشوقنه ولهفتنه على بعض ..
لهفـة عاشـق ولهـفـة مُحـب ..

علوش وكرار لحد الآن مارجعوا من بغداد
يوميه جدو يتصل بيهم ويتطمن عليهم وزهراء ومحمد رجعوا من أربيل بس خدعناهم انو كرار وعلوش راحوا يشتغلون ببغداد ..

حتى الجذبه مكشوفه بس زهراء من گـد مافقيره صدگتهه أما محمد ف يـعرف بالموضوع ..

آني ولامره اتصلت عليهم استحي من كرار وخايفه احچي وياه كلـمه ... مااگدر اواجهه بعد ماانطيته أمـل ووافقت وتالي خنته ورجعت لـبلال من اگول مااگدر اعوفه محد يصدكني .. الـكل يگوللـي ماكو هيج حُـب بس لااكو حُـب واكو ازيد من هيج حبيته لحد الجنون مااگدر اتخلى عنّـه .

شلون اتخلى عنه وهو اول شخص عشقـه كـلبي وهو صغير ... راح يصير سنتين اني وياه من اول اسبوع بالثاني متوسط وهسه راح اخلص الثالث متوسط شلون انـسى كلشي صار بهالسنتين شلـون ؟!!.

گعدت الصبح شرجيه حاره ثوبي ناگع من الحـر ركبتي تنـث عرگ والغرفه كلهه رطوبة وبوخه الكهرباء طافيه دائماً الضحى يطفوها وابو المولده مايشغل ... توجهت للمطبخ متذمره واعيط

ساره
-المن مشترين مولد منزلي ليش ماتشغلوه ؟

هيفاء
-لازم نمشي بكيفج عيني ست ساره ؟!!

ساره : تره هذا مو حال متت من الحر

هيفاء : بعدلج شهرين وروحي يم رجلج هناك ماكو كهرباء تطفى ماشاء الله كل غرفه سبلتين وين لاگياتهه بنات كويظم

باوعت عليهه بأنتصار واستهزأت بيهه

ساره : وليش مضغوطه هـه ...

رحت غسلت وجهي وصاحت وراي

-تعاي تعاي سوي الريوگ وياچ مابيه حيل

ساره : واني شعليه ؟

-ليش جايبينج خطار هنا ييمه ؟
دفوتي فوتي لاتشوفيني ساكتتلج هاي الفتره يله بسرعه بدون كلام سوي الريوگ

-مااسوي

تقربت على وجهـي وتحچي بخبث وتخصم بعينهه اليمنـىٰ وترفع بحاجبهه بخبث

هيفاء : سويه لااگول لـجدچ على التدندن مال تالي اللـيل عبـالچ مااعرف سوالفج صارلج فتره طويله مو على بعضج وتتختليـن

اني وجهي شحـب وصار أصفر بلعت ريكي لما طـگن بلاعيمي من الخـوف رمشت بعيوني ومباشرةً انطيتهه رد