طاقة تحمل

21

الـسـلامُ علـيـكـم

طاقة تحمل
تعويض البارت // 21 //
#بـقـلمـي_الـعـبـاديـه

زهراء

الجو بالبيت صاير عباره عن مشاحنات هيفاء تضغط على جدو علمود يوافق ببلال وجدو ميقبل ومـصّر على كرار ومقرر

گاعدين آني وبيبي بالكراج البره هيه تحوك ملابس واني انسف تمن ومانحس الا الرزه مال الباب انفتحت ودخل كرار وجهه احمر ومعصب اول مادخل يعيط ....

كرار _وين جدددي؟

بيبي _بغرفته شتريد منه؟

دخل بدون ميجاوب أحد وطنش الكل واحنه ركضنه وراه اول موصلنه دخل وسد الباب بوجوهنه ظلينه اني وبيبي وحده تباوع بوجه اللخ مصدومين

شويه وسمعناه يعيط بعلو صوته وهو صوته مو كلش عالي ف صار صوته مبحوح وانشحط شحط وگوه يطلع .. بس نسمع كلامه من وره الباب يگول لجدو.

كرار _ آني اريد اخطب بنيه اعرفها وحاط عيني عليهه بكيفكم تقررون ؟!!

الجد _اسمع ولك .. بنات بغداد عوفهن على جهه وتتزوج بنت خالك رجليك على رأسك .

كرار _ لا مااريد اتزوجها مو بكيفكم تقررون .. لاهيه تريدني ولااني رايدها

الجد : اي وره ماتتزوجون هيه تبقى تحبك لان انته منتهين منك تحبهه من زمان بس تتقشمر .. ولاتنسى نظراتك انه ملاحظهه كلش زين خاف عبالك جدك غشيم ومايعرف .. بس هاه هالفتره تغيرت من عرفت هالبغداديه لهسه .. وتحبك من تتزوجك الحب يجي بعد الزواج ...

كرار : نسيتهه وخلاص

الجد : ذني سوالفك قشمر بيهن زعطوط مو تقشمر جدك ... واخذت قرار وهاي هيه محد يجادل ..

كرار : لا والله تعذرني مااتزوجهه

الجد : اكلك شو چنك مانّ علي وتريد تتزوجهه شكالولك بناتي بايرات وانته هسه جاي مسوي فضل شو ولي .. بس من تقشمرك هالبغداديه وتجيني متندم وتخطب انطيك جير بنص وجهك .. تعلمني بالبغداديات شافت فليساتكم وطمعت بيهن .. لاميته عليك ولاميته على وجهك ..
يلا فوت منا ولاجدك ولااعرفك

كرار _ انته ليش مدتفهمني ليش؟!

الجد : احترم نفسك ولك .. شنو ماافهمك شقصدك ماافهم ؟

كرار : وهسه هم مافهمتني هاك شوف ..

الجد : فوت اطلع بره مااريد اشوف وجهك عود انه ادور مصلحتك وحاسبك مثل رفيجي بس انته الظاهر تمشي بس بالرزايل ..

كرار : مصلحتي اني اعرفهه !

الجد : اه ؟
هاي هيه .. هاي هيه .. يلا بره وبعد لاجدك ولااعرفك ولاتطب بيتي ابدد ..

كرار : بكيفك

،،،،،،

كلنه تفاجئنه بتصرف كرار جدو اكثر شخصين مدللهم محمد وكرار وحاسبهم مثل اصدقائه وخصوصا محمد يحترمه ويعتبره شخص مميز ويأخذ رأيه بأمور بيناتهم .. وهسه كرار فاجئه بتصرفه هذا !!