طاقة تحمل

2 ج2

الـسـلامُ عـلـيكـم 🌼🌻

طاقة تحمُل
الكاتبه_العباديه
البارت_2_ج2

سـامـح حنـيـنيَ إن أتـاك وأزعَـجـك
أو مـرّ فـي أذنـيـكَ صوتـي المُرتَـبك

أخفيـتُ أشـواقـي وتـفـضـحُ نبـرتـي
والدربُ خان خُطاي حين مررتُ بك

~~~~~~~~~~~~~~~~~~~~~~~~~~~~~

زهراء

ثاني يوم الساعه بـ3 لگيت محمد متحضر وبكامل أناقته مستعد أتم الاستعداد حتى يشوف شنو النتيجه مال عدم الحمل ..

گمت من فراشي مااباوع بوجهه وكلساع اتمغط .. امط إيديه لوره وتتقلص أضلاعي وترتفع عضلات صدري .. لاحظت عيونه متمركزه على منطقة الصدر .. خزرته ومشيت من يمه مامهتمه .. صدر صوت ضحكه خفيفه بإستهزاء ..

دخلت للحمام سبحت وگعدت بالبانيو بلكي الموعد يتأخر ويرجعونه ..

شويه ودگ الباب وگال

محمد.. يلا وين صرتي تأخرنه بعد وراچ لبس عشر ساعات وماتفض

زهراء.. اي دقائق خلصت مبقى شي

بسرعه سبحت ولفيت شعري وطلعت من الحمام .. هوَ گاعد ع الچربايه وبإيده موبايله ويهز برجله ع السريع .. حركته الاخذتهه منه .. دائماً من اكون متوتره او محترگ گلبي اسويهه ..

رفع راسه من الموبايل وباوعلي من فوگ لجوه بنظرات فاحصه .. بلع ريقه من خلال تفاحة آدم صعدت ونزلت .. الظاهر المعطر جاب نتيجه .. بقيت اتمشى مقابيله واشوف قبضة إيده على الشرشف مال السرير كله تلملم من قوة قبضة إيده ..

كال بنتر

- يلا بدلي شمنتظره

بقيت اتدلع بصوتي واسوي نبرة دلال وتنعوص

- اي لحظات بس خل امشط شعري

نفخ خده وزفر نفس ويهمس ويه نفس يلعن بالشيطان .. حبيت تأثيري عليه الا اخليه ينجلط ..

وكفت ع المرايه وبقيت امشط بشعري تحت أنظاره والمي يطفر من شعري لان مبلل ..

الظاهر خلص صبره عاط بصوت عالي

- عبيتيني مي متشووفيين

- يـاا قابل ماامشط

- تفضيني لو لا؟

- اي لحظه

وگف على حيله ووجهه غاضب

- كلساع لحظه لحظه لحظه ماطلعت لحظه صار سنه إذا نتيج الببالج تحققيها ف شي مستحيل ولهنا خلص صبري هسه تبدلليين والچ خمس دقائق لااكثر

- وين الحگ بخمس دقائق ؟

- مشكلتج هسه الساعه بالـ4 الا ربع وموعدنا ضبط وانتِ تأخرين بينه حتى يتحقق الببالج ف احب اگلچ نروح يعني نروح ونفحص اثنيناتنه