طاقة تحمل

9 ج2

الـسـلامُ عـلـيـكـم🌻🌼

طاقة تحمل
الكاتبه_العباديه
البارت_9_ج2

وكم ذرفنا ليلـة الرحيل من دموعْ
ثم اعتـللنا، خـوف أن نـلامَ بالمـطر

~~~~~~~~~~~~~~~~~~~~~~~~~~~~~~~~

زهراء

مرت ساعه وكلشي ماكو الحمد لله ماسوت شي هيفاء ..

بعدني ماكملت كلمة الحمد لله وسمعت صوت محمد يرج رج مثل العاصفه !!!!!!

ركضت لبره واسمع صوته مثل الصاعقه نزلت باطرائي على راسي.

- وينهااا خل تطللع والحُسين اليوم موتها على إيدي !!

رجف جسمي وباد حيلي من سمعته يصيح بإسمي بعلو صوته

- زهرررررااااااءء اطللعي موتج على إيدي اليوم

ركضت وگفت مقابيله اريد اشوف شكو!؟

بعدني توني كلت

- شـكـ....

ماكملت كلمتي وجابني براشدي فرني فرررر.

شهگت مصدومه !! ولازمه خدي !!

جدو ركض عليه لزمه من ياخته وصاح بيه

- إنتَ شلووون تضربهاااااا؟؟ هاي اني موجود هيج تسووي من اني ماكو شتسووووي

محمد.. إسألهااا شمسوووويه

اعمامي نفس الحاله بس يريدون يهجمون عليه ومحتميه بظهر جدو وابچي بدون ماافهم السالفه شكووو !

شويه ودخل إبن عمي الچبير لازم سلاحه ومتوجهه عليه !! من شفته ظليت ابلع بريگي وميته خوف مافاهمه شنو الموضوع !

تقدم عليه وصاح بعلو صوته

- زهررررراااء تتتشششاااهددددي

متتت خوف .. جسمي كله ينكث ودموعي تصب بغزاره. ظليت اشهك بصوت عالي وكل خليه بجسمي ترعشش.

صارت صدك وسحب إقسام يريد يرمي عليه. ظلوا يحچون على جدو يريدوني اطلع من وره ظهره.

آني من شفتهه هيج كلهه ملتمه عليه وبس اني وحيده بينهم. بلحظة ضعف وخرت من ظهر جدو وصرت مقابيل سلاح ابن عمي .. طلقه وحده تنهي حياتي ..

محمد اول ماشافني ركض عليه سحبني وره ظهره .. صرت مثل اللعبه كلساع بظهر واحد
رفع اصبعه وصوته يهددهم

- محد اله حق يتصرف مرتي واني احاسبهه مو بكيفكم تتصرفون وانتم ماالكم سلطه عليهه

- محمد سلمنياهه لازم نطم عارهه

- معلليييككككمممم اني موجووود شنو ماتحسبون لحسابي!

- بكيفك بس اذا احتاجيت مساعده إحنه موجودين

- لا سلامتك مااحتاج اي مساعده !

كل هـٰذا الحچي واني كلمه مافاهمه.