الـسـلامُ علـيـكم🌻🌼
طاقة تحمُل
الكاتبه ؛ العباديه
البارت//14//
محمد كال لكرار
_ مو كتلك ميعرفوك اني اروح يعرفوني
تريد تروح تتعب نفسك ومتشوفهه تريد تكعد وتجيك زيارة ع الحاضر بكيفك !
تقدم كرار بإتجاهي وگعد بالكرسي الي على يساري وحط رجل على رجل ويحجي بنبرة استهزاء
كرار _ خل نشوفك ياإستاذ محمد
محمد خزره ورفعله حاجب ولاحت على وجهه إبتسامه استهزائيه
دار وجهه ويمشي ببطئ ... حجه ويه الدكاتره وبقوا يتناقشون طولو بالكلام وكرار يأفأف ويحرك برجله متوتر اني دخت احس الكاع تفتر والساعه الي مقابيلي كمت اشوفهه عليهه غشاء وكرار يهز برجله قوي دخت كمشت رجل كرار حيل اوكفها عن الاهتزاز وعصرت عيوني
كرار ركز بنظراته عليه مستغرب سألني
_ زهراء بيج شي؟
احس نفسي تلعب اريد اتقيء
_لا مابيه
إجه محمد أشر لكرار وإليه گال
_ سمحولكم تدخلون اول شي انتي تدخلين وبعدين كرار وراج
اني بدون كلام تقدمت بخطوات متثاقلة وعيوني تغمض وافتحهن اريد اقاوم
محمد أشر لكرار برأسه بمعنى (شكو) وكرار رفع كتفه للاعلى ونزل شفته للاسفل بمعنى (ماادري)
تقدمت خطوتين وماتحملت مباشرةً غمضت عيوني واستسلمت شفت محمد اجه يركض عليه وبعد مااعرف شصار .
____________________________________
كرار
غبت فترة عن البيت كعدت يم صديقي .. بسبب محمد مااريد التقي بيه بس اشوفه اتعارك وياه بسبب تصرفاته بالفتره الاخيره
سمعت بساره متخربطه وبالمستشفى عفت كلشي بيدي وهرولت للمستشفى خطواتي تسرع ونفسي يضطرب بسبب السرعه وصلت سألت زهراء وجفصت بالكلام وكالت منتحرة !!
استغربت حيل زهراء وجهه گام ينطي ألوان ومحمد مباشرةً جاوب حسيته يريد يغطي شي مايريدني اعرفه شكيت بأمرهم وقررت ادخل لسارة واسألهه بنفسي
حجيت ويه محمد بسمرني بكلامه قررت اني اروح امشي متجه لغرفة الدكاتره ومتأكد ميه بالميه يصيحني وميخليني أكمل تقدمت خطوتين ثانيات وصاح بإسمي ضحكت بإستهزاء اعرف طيبة كَلبه
رجعت مستهزأ وكعدت بصف زهراء ومتوتر اهز برجلي ع السريع واباوع لمحمد من يتناقش ويه الدكاتره ماحسيت الا زهراء لزمت رجلي قوي وعصرت عيونهه مثل المتأذيه سألتهه گالت مابيه شي !!
إجه محمد ووياه الاذن للدخول لغرفة ساره گال لزهراء تزورها وبعدين اني شاف زهراء عيونهه متثاقلة وعبالك مدنحجي وياهه فاصلة عن كلشي أشرلي وأشرتله
أنت تقرأ
طاقة تحمل
Mystery / Thrillerقصة عراقيه حقيقيه تتحدث عن فتيات وتحملهن المسؤلية والتعب من عمرهن الصغير مشهد للبطله الاولى صحت وراه (كرار) بقى واگف بمكانه جامد ،، وبدون ميلتفت گال (هـاا) سارة : اريد اشوف علوش كرار : ممنوع خلاني ومشى ! بقيت اهز برجلي من الحرگه شلون هيچ يتجاهلني...
