السلامُ عليـكم
نهـنئـنكم بـولادة الامـام المهـدي (عـج)
طاقة تحمُل
العبـاديـ،،ــه
البارت //28//
اني تكرفصت بالكاع وبقيت ابجي
شعري متناثر على وجهي والدم ترس حلگي
كلما احط ايدي على حلگي يطلعلي دم !!!!
واني اخاف من الدم بقيت اعيط
ساره : لك دم دممممم !! كراارر دمم !!؟؟
ركض عليه مفرفح !!!
بقى يتفحص بيه
كرار : صار بيج شيء ؟
بقيت بس اشهك حسيته جان فاقد ميعرف بنفسه شسوه !
طلع كلنس من جيبه وبقى ينشف بالدم من شفتي وايديه ترتعش !!
حاله مخربط ولمحت عيونه مرقرقه دموع وكل شويه يفتح عيونه ويرمش يحفظ دموعه ماتفشله وتنزل مقابيلي هاي الحاله دائما اسويهه من اريد احفظ دموعي
شكله تحول الى حنين !
من شفته هيج بقيت ابجي
غمض عيونه قوي وعصرهن همس هششش لتبجبين
من گال هيچ ازدادت دموعي وبقيت ابچي بغزاره هو تخبل يمسح الدمعه من خدي وينتقل للثاني يمسح الدمعه المتناثره عليه بهدوء ويتنهد
من شاف دموعي ماتتوقف عصب
نتر كافي لتبججيين مااتحمل اشوف دموعج كاافي رحمه لربج
:هذا السويته بيه كله وماابجي ؟؟!!!
تقرب حضن وجهي بإثنين ايديه وبقى يتلمس بخدي بإصبعه الابهام بلمسات ناعمه ...ويمسح بالدموع المبعثره صوته ارتخى وتحول لنبره هاددددئه
كرار : انتي تعصبيني واني مااگدر اتحكم بعصبيتي !
سكتت لان ماعندي شيء احچيـه ..
كرار : ليش رفضتيني ؟؟
اني رفعت عيونـي باوعت بيه ورجعت خفضت راسـي ..
رفع راسي بإيديه وگـال ...
كرار : بعدج تحبيه ؟؟!
هو گـال هيچ اني تذكرت كل مأساتي ويه بلال وحبـه المترعرع بكلـبي ....
مباشرةً حضنته وبقيت ابچي اشهك بقوه وهو حط إيده على راسـي يواسي بيه ويواسي بـنفسه !
انهمرت بالبجي حسيت بأمان وآني بحضنه ،، بعدين تذكرت نفسـي
مباشرةً دفعتـه وعدلت شعري ومسحت دموعي ..
اصلا هو حتى حرام يشوف شعري وهسه بدون حجاب !!
اني ماانزع الحجاب ابدد بس هو فاجئني بدخوله !
اني طلعت حجـّه ماحبيت اجرحه واگله بعدني احب بلال ... وتهربت من سؤاله
ف گـتله (كرار اني حالياً ممستعده للزواج واريد انتبه لدراستي واكملهه مو وقت زواج هسه )
كرار : عادي انتظرج تكملين الثالث ونتزوج وبعدين انتي مو صغيره مأجله سنه يعني صديقاتج بالاعـدادي
ساره : بس اني أريد اكمل دراسه
هـزز راسه ولـّم شفته للداخل اعتقد فهمني من خلال نظرات عيوني وإلحاحي ع الدراسه ..
لان همه عدهم عادي البنيه تتزوج وتكمل دراسه
مثل ضحى من تزوجت كملت دراسه وكـذٰلـك زهراء مسموح الهه تكمل دراسه ..
أنت تقرأ
طاقة تحمل
Mystery / Thrillerقصة عراقيه حقيقيه تتحدث عن فتيات وتحملهن المسؤلية والتعب من عمرهن الصغير مشهد للبطله الاولى صحت وراه (كرار) بقى واگف بمكانه جامد ،، وبدون ميلتفت گال (هـاا) سارة : اريد اشوف علوش كرار : ممنوع خلاني ومشى ! بقيت اهز برجلي من الحرگه شلون هيچ يتجاهلني...
