طاقة تحمل

9

           السـلامُ علـيـكـم

راقيه بأناملي العباديه

طاقة تحـمُل
الكاتبه : العـباديـه
البارت//9//

تعلمنا أن لانعطي قلوباً بيضاء
بين يد من يتعلق بك لمصلحته
تعلمنا أن نصبح أنانيين نحب أنفسنا فقط
تفوووت علينا مشاعر صادقه كثيره ..
وذلك لأنعدام الثقه ..
تعلمنا إنه ظهر مسميات اخرى جديده للحب
حب فارغ . .حب مصلحه . .حب تقليد . .حب حاجه ..!
تعلمنا أن لانبكي ونندم ونضـع يداً على خد
بل نتجاوزها بكل فخر
تعلمنا إنه سيأتي يوم ويندم ولكن بعد فوات الآوان ..

خيبة الظن تخرسنا ..تؤلمنا ..تصفعنا..
لكنها تعلمك أن لاتكررها مهما كانت الظروف
لأنك خسرت كرامتك . .
خسرت غرورك .

~~~~~~~~~~~~~~~~~~~~~~~~~~~~~~~~

محمد . . .

إنصدمت بيهه من رفعت صوتها !! واني والدي بنفسه ميرفع صوته عليه الكل محترمني ويعرفون اني شخصيتي شنو ..... هانت رجولتي جازتني بطيبتي وياها بكلمة (لزگه) اني لازگ بيهه !!

الكل يتمنى مني كلمه وحده بس وياها انسى شخصيتي انسى غروري انسى منو آني ؟!

لكن بعد هذا اليوم مستحيل أعاملهه بالحسنى مثل قبل واطلع (لزگه)

قررت قرار لارجعه فيه مو اني التذلني مره مو اني الاخسر كرامتي علمود مره مو اني الترفع صوتهه عليه مرة .

اندمها وتعرف شنو خطأها بس بعد فوات الاوان وتعرف قيمتي شنو اخليهه تتمنى كلمه مني

وصلتهم ورحت يم الشجره اخذت وقت قليل ورجعت للبيت طلعت اعمالي وحاولت انشغل بيهه لنسيان شخص مااريـد اتذكره ولااريد اتذكر منو هو اصلا !!

----------------------------------------------------------

زهراء . . .

دخلنا للبيت بيبي مسألت علينه وليش تأخرنا استغربت ف سألت سارة كالت محمد اتصل بيهه وكاللهه اخذنه للمطعم كعدنا
اني وسارة نسولف وهي راحت جابت الاكياس الي اشتراهم محمد

زهراء _ انتي ليش اخذتي من عنده معندج كرامه

سارة _ ياا زهراء شنو هذا الحچي ؟؟
غير ابن عمتي مابينـاتنه كرامه وهيج اشياء اصلا اني وياه اخوه

زهراء _ حتى لو ميصير تاخذين من عنده

سارة _ شصاير متعاركين بيناتكم ؟

زهراء _ لا شعليه بيه

سارة _ لعد شبيج اليوم مطايقه محمد وحتى كلامج وياه معلگ شصاير تره انتي وعدتيني تحچيلي بس دتكذبين عليه

زهراء _ اووف كارهه نفسي والله بسببه

سارة _ تحچيلي لو لا

زهراء _ ماشي احچيلج

سولفتلهه كلشي من اول ماشفته ويه تقى للان