طاقة تحمل

32

السـلامُ علـيـكم

طاقة تحمـُـل
العباديه 《راقيه بأناملي》
الـبارت //32//

ساره

الـندم.. بالـرغـم مـن صُـغرها كـ كـلمـة.. إلا أنَ الإحـساس بهـا جـداً مـؤلـم! يـاتُـرى.. لـماذا نـشعـر بـالنـدم علـى أفعـال فـعلـناهـا ب كـامـل قـوانا العـقـليـة ؟! والأغـرب.. لمـاذا نفـعلهـا ونـحنُ مُـدركـين أنـنا غـداً سنـنـدم عـلـيهـا !!

دخل جدو بأيده اكل وعلاجات گال

-إكلي زين وادهني جسمج بهذني العلاجات علمود الآثار تروح الاسبوع الجاي خطبتكم انتي وكـرار!!

-سويتوهه وتبريتوا لومـا انتم ماجان هيج صار بوجهي ولاتأذى كله هيج

-من سوالفج لو مامسويه شيء ماچـان صار بيج شيء ذيج زهراء اختج حافظت على أدبها وأخلاقهه وصبرت على قسمتهه ماراحت تدور علاقات وهيه بعدهه بطول الفصمه

-اني مادورت هو لحگني ولزگ بيه

-اسكتي لاتفتحين المووضوع وافقد اعصابي واشوه جسمج بعد اكثر

كلّبت عيوني ماعاجبني واخذت منه العلاجات والاكل اصلا مااشتهيه

-مايصير علاج بدون أكـل

-هو مرهم قابل شنو ؟

-اي ميخالف مايصير اكلي

هو يريدني أكل بس بطريقه غير مباشره ظل فوك راسي لما أكلت يله تطمن وارتاح

مـّر إسبوع استخدم علاجات ومرهم للوجه علمود تختفي اثار الضربات ...

الآثار إختفت تقريبا بس الحرگ مال رجلي بقى ولحد الآن يموتني من الألـم

الاسبوع الثـاني جدو گال جهزي نفسـج هذا الاسبوع خطوبتج من گال هاي الكلمه كلبي احسه انقبض !
مداستوعب راح اصير لغير بلال حواسي كلهه ترفض كرار بس عقلي يگلي هو يفيدج وقلبي يگلي ماتگدرين تفارقين بلال كل جزء مني يصيح بشكل وردت انجن
إجه كرار يحضرون للخطوبه هو وجدو
مزين لحيته ومتغير شكله طالع مو حلو ..
تخبلت باللحيه وين ... يخبل هسه مااعرف شصاير من شفته گتله

-إيــعع شنو هاي مزيّن طالع تلعب النفس

هو إبتسم إبتسامه كاذبه ولم شفته.فشلان من الموقف الخليته بيه مقابيل الـكل وقصفني

-من ذوقج

-ولـوو....!!!!

اتفقوا هو وجدو علمود الخطوبه وبسرعه بسرعه .....

مااحس الا من رحنه للصالون اني وزهراء
بطني ممغوصه من القهـر وإحساس يوجع كل مـااتذكر الخطوبه لـكرار مو لـبلال !

وصلنه للصالون بيتين كـبار وفاتحيهن مركز بيه بنات لبنانيات واشكال الخدمات والمكياج والضيافه والنزاكه كلش حلو .