طاقة تحمل

20

السـلام عـلـيـكـم

طاقة تحمُل
العـبـاديـه
البارت //20//

زهراء

بقينا ننتظر الزفه وگالو إجتي .. إنخبصنا نركض منا ومنا.دخلت للغرفه اخذ صايتي ولگيته گاعد ع السرير ويهز برجله انصدمت !! ورفعتله حاجبي

اشر عليه من الطول للطول ..مد شفته وكال

_ تروحين بيه مو ؟

جاوبت بثقه ومتأكده

_ اي

سحبني من إيدي واني اسحب بإيدي وهيه نفسهه المفصوخه مكدرت اقاوم مشيت وياه دخلني لغرفة يم غرفة ضحى

محمد _مدام هيج زفه ماكو وحتبقين هنا

زهراء _ لا محمد لا فدوه ضحى تريدني يمهه لتسوي هيج

_خيرتج وانتي مقبلتي تحملي نتيجة اخطائج

بقيت ابجي وادفع بيه على صدره

_ انت شنو وتتدخل بيه فهمني اني ابتليت من صرت ابن عمتي ابتليييت

تركني وطلع وسمعت صوت القفل يطگ مال المفتاح بقيت ابجي بغزارة لان وعدت ضحى وهسه حبسني بالغرفه كرفصت بالكاع وبقيت أبچي

سمعت هوسه بره وضوضاء وصوت الهلاهل يرج بإذني شويه وهدأ كلشي أيقنت انو الزفه راحت !!

والبيت فارغ حتى صوت ماكو بقيت اشهك بجي واتنفس بصعوبه ودموعي متناثره على وجهي

تمددت ع الكاع وغمضت عيوني اريد افقد بقيت اغمض وافتح بعيوني لما غفيت

___________________________________

محمد

عـنـدمـا يـــراودك إحـسـاس الـغــيــره
مـن الصـعب جـدا السـيطـره علـى افـعالـك

اصعب إحساس لما يكون حبيبك مقابيلك وينخطب وماتكدر تتصرف ولاتمنعهم من شيء كل الي تسوي هو تهز برجلك وتقوي قبضة إيدك حتى لاتتعصب وتطلع عن الطريق وينصدم الكل بيك وإنته عدهم المثل الاعلى .

أشوفهه مقابيل عيوني شلون تبتسم من تتغزل بجمالهه أم أمير ومن تحجي عن الخطوبه تخجل وعيونهه تلمع .. أحترق ألم بس محد يحس بيه

أماا سجى متعبتني حيل مزاجيه ،، متقلبة ،، تعصب على اتفه الاسباب ،، بين قوسين صرت مااطيقهه لان اعتبرهه خاينه شلون خانت اخوي وهي تعشقه من الطفوله حسب كلامها

سمعت أُم أمير وهي تحجي ويه الوالده

أم امير _ اگلج عيوني ام حمودي سامر راح يجي لزواج أخوه ..اليوم يوصل من السفر يحضر الزواج ويرجع يسافر ف اريد منج تدبريلي لقاء ويه زهوره يشوفهه خل ترتب نفسهه وهيج شي يعني بعد انتي تعرفين

ام محمد _ اگلچ اني لحد الآن ممحاچيه والدهه بالموضوع ولاجدها وخصوصاً جدها هو الي يأمر وينهى وهو الي يحدد مصيرهم لان والدهم بالشغل ليل ونهار ف لازم احاچي جدها