طاقة تحمل

6

                الـسـلامُ علـيكـم🌻🌼

طاقة تحمُل
الكاتبة ؛ العباديه
البارت//6//
بيج القصه في فيسبوك ؛ قصص الكاتبة العباديه

زهراء

كعدت بيأس على الثيل تكرفصت وبقيت ابچي منظرة هواي جرحني هو جبل مينهز بس شلون هيج صار معقولة من كلامي الي مثل السكين لو اجاه خبر هيج غير احواله ؟

بقيت كاعده بمكاني وابجي اجاني شعور بالنوم بقـيت اغمض بعـيوني ببـطئ حتى انام اخذت غفوة سريعه ..  حسيت بإيدين لزمني من متوني وبلحظه وكفت على طولي بحركه سريعه بس جـسمي اتكسر منهه(مسك الاكتاف والسحب للاعلى) بقيـت مصدومه باوعت علـيه وجهه رجع لملامـحه المتكبره...

_ كومي نامي شعندج هنا وعليـمن تبجين ناصبتهه مناحه هنا؟؟

_ محمد .....

_ اشش مـااريد اسمع كلمه فوتي دخلي جوه بسرعه

مركزه بوجهه وأكلته بنظراتي اتفحص بوجهه وعيونه وكل تفصيل بيه

_ شـبيك ؟!

_ مابيه شي بس صديقي توفى يلة فوتي نامي اريد اروح اساعد بدفنه

_ ياا خطيه منـو ؟

_ مااعتقد سمحتلج تسألين بس فوتي جووه نامي

_ ماشي بس دير بالك على نفسك تره كلنه لهذا الطريق

_ ان شاء الله

----------------------------------------

محمد . . .

بعد ليلة بائسة حطمت كل احلامي المبنيه من سنين .. بنيـتهه من بعدنـي بُـرعم وهـسه اني رجال تحطـمت كلهه بمـجرد سبع كلمات انطلقن عليه مثل الصاروخ دمر احـلام طفل عمره 10 سنين وشاب عمره 20 سنه

تركت المكـان الي تتواجد بـيه مااريد
اشوفها وجرحي يكبر اكثر طلعت للحديقه افرغ غضبي بالضرب بس اجت بالوقت غير المناسب كلش تأذيـت اولا من كلماتها وثانيا من شافتني بهذا المنـظر !!

رادت تحجي وياي ماطقـت اكون واگف يمهه خليتهه واگـفه وصعدت لغرفـتي نظرتلها من الشبابيك متكرفصه بالكاع وتبجـي !! ولاكأنما هيه السبب بالاسهم الطقلتهن عليه !

ماحبيت اذل من نفسي ازيد من هذا الذل لبست اسود ونزلتلهه طلعت حجة صديقي توفى حتى اخبئ حزني على ايام عمري الخلصت واني انتظر منهه محبـه بداخلهه حتى لو كانت ذره صغيره بـس ماوجدت هـٰذي الذره دخلت للبيت بعد نصيحه وتوصيه مااعتقد جانت من گلبهه مجرد حجي لسان ..

عفت البيت وطلعت بسيارتي توجهت لمكان يشهد بحبي إلهه ...

شجرة الرمان قديمه ،، ازهـارها حمراء وبيضاء جميله ..... بأطـرافها شوك  ..... واغـصانها واوراقها .... تميـل لـلون الاحمر  .... ازهارها حمراء بلون فاتح تسر الناظرين بثمارهـا الكروية الشكل .... تحمل تاج يحتـوي على الثمار من الخريف للشتاء .