طاقة تحمل

8 ج2

الـسـلامُ عـلـيـكـم🌻🌼

طاقة تحمُل
الكاتبه_العباديه
البارت_8_ج2

•
‏أَشْـتَـاقُهـا،
وهْيَ النَّـزيـلُ بأَضْلُعـي
وأقولُ أهـواها، وإنْ لمْ أَنْطِقِ
-
أنـا آخِـرُ الشُّـعَراءِ !!
لَـسْـتُ بـنـادِمٍ .!
لٰكـنَّني في الحُـبِّ، أَوَّلُ أَحْـمَقِ!.

~~~~~~~~~~~~~~~~~~~~~~~~~~~~~~~

زهراء

حسيت الظهر اجت هيفاء تهز بيه بكل قوتهه بدون رحمه عبالك تريد تخلسني .. كعدت مرعوبه اردي استوعب شكو وهي كالت بسرعه

- ولج كومي هذا محمد هنا گلب الدنيا على روسنا

- شكو؟

- البسي وتعالي بسرعه

لبست شالي وطلعت سمعت صريخه واني واكفه

- منووووو كالههه تطلللعع بدون علممي؟؟؟؟

عرفت الجاي شنو واصلاً آني هـٰذا المتوقعته يعني من اطلع بدون علمه قابل يبوسني براسي .. ادري بيه راح يسويهه عليه كلشش.

سحبت نفس وفتحت عيوني على وسعهن حتى اخزر بيه .. وتظاهرت القوه ودخلت..

لگيته واگف وعمي وجدو گاعدين..

جدو يحاول يگعده ويهديه بس هوَ ابد

اول مادخلت كال بحركه ويأشر بإيديه

- اهلاً بـ ست الحسن اهلاً شرفت

- السلامُ عليكم

ردوا عليه السلام وهوَ واگف.

كال جدو
- زهراء إگعدي وفهمينه شصاير

كعدت يلا گعد والا مقابيلي كلشش.

جدو وجهلي سؤاله

- زهراء صدگ طالعه بدون علم زوجج؟

محمد.. شنو تسألهه يعني ماتصدگوني؟

ابو محمد.. محممدددد اهدأ ابني شبييك

عض إصبعه وعصر إيده بكل قوته همس
(اخخ ياحرگة گلبي بيمن اطلعهه؟)

جدو باوعلي منتظر جوابي اني كتله

- اي جدو طلعت بدون علمه لان سبق وگتله اذا تتزوج عليه اروح لاأهلي

محمد.. واني شگتلج؟؟ گتلج طلعه من الباب ماكو مال تخليني اروح للدوام وتطلعين هاي واگفه

رفعت حاجبي ونظرتله بأنتصار

- ليش انتَ رحت للدوام لو تتزوج؟

- ززززهرررراااءءءء

- وووجعا (بگلبي)
لان اذا اگله يمكن ياخذوه للشماعيه رأساً

ابو محمد.. يابه تره محمد لااول واحد ولااخر واحد تزوج اثنين وتدرين بظرفه تزوج علمود بنت خالته وحتى يرضي امه