اولا اعذروني لان اني مو كلش زينة باللهجة الجنوبية بس الرواية رح تكون بين اللهجة البغدادية والجنوبية الي الي جانت تطلع بالتلفزيون يعني مو لهجة بحتة فلذلك رح اكتبها حسب الي سمعته وتعلمته وثانيا رجاء كلولي رئيكم بالرواية لان هاي اول مرة اكتب بالعراقي وثالثا اتمنالكم الاستمتاع
ملاحظة الى كل العرب الي ميعرفون باللهجة العراقية كتبولي بالتعليقات عن الكلمات الي مفتهمتوها ورح ارد عليكمبأحد محافظات العراق الجنوبية ، بأحد مناطقها الراقية بالوكت الحالي
كاعدة على الكاع الباردة ومنتجية على الحايط الي وراية ولامة رجلية لصدري وحاطة عليهن ايدي اليسرة واللاخ متجية عليها راسي وچفي حاطتة بين حلكي و حنچي ودموعي تصب مية مية وصافنة من الشباك على ضوة القمر شلون يلمع بنص الظلمة وضواه تارس السمة السودة الي مليانة غيوم شتة بارد اتذكر شلون جنت مدللة من امي وأبوية وبيبي وجدي الله يرحمهم ولو مو كلش لحكت عليه وين هسة طايح حظي بدونهم اذية ظلم قهر عذاب ضرب حبس شغل انگس من المطي يسوگون عليه تعامل انگس من الزفت كله يگوموني بكفخة ويگعدوني براجدي صياح غلط فشار كلشي شفت
طكيت من البچي بعدما هاجمتني الذكريات كمت اشهگ من الم البچي وشهگاتي علن وحالتي حالة
نمت على الگاع الي تصك من البرد وبقت ارجف ما اعرف لا ارجف من البرد لو من البواچي طگت روحي من الأذية من گعدت اتذكر شلون چانت بيبي حمرة تسولفلي من ولادتي وگبلها أبوية وامي شلون التقوا وشصار وبعد ما ماما الله يرحمها جابتها للدنية و و و سوالف هواي تهضم الواحد بقيت بحالتي الهستيرية ابچي بحرگة گلب لحد ما غفيت واني ادعي على الي اذوني صح ما ادعي مثل بقية العالم يعني مثل الله يأخذهم والله يموتهم وان شاء الله تصيبهم أمراض واشكال انواع لا حشى الله لان يدعي هيچ هذا ما عدة إيمان برب العالمين انو هو الي يكدر ينتقم منهم اشد انتقام وانت گاعد بس تشوف بعيونك وكل الي تگدر تكوله : ربي اني سلمتك امرهم بيديك فانتقم انت لي منهم .
هيچي علمتني بيبي الله يرحمها شلون ادعي على واحد وفعلا بكل مرة ادعي على واحد ربي يأخذني حقي منهم .بأحد مستشفيات بغداد الحكومية بتاريخ ٢٥.٠٨.١٩٧٩ بالظبط
اااااااااااخخخخخ ييييمممممةةةةةةة للللحححححككككيييللليييي ررررحححح ااااممممووووتتتت وووووللللكككك يييااااابببببةةةةة خخخخللللصصصصنننييي بببببععععدددد مممااااتتتتتحححمممملللل ررررببببييييي سسسساااااااععععددددنننييي كككككللللشششش ددددداااا اااااتتتتذذذذةةةةةة
أنت تقرأ
عشكت بت عمي الأربعينية
Randomلمن الناس تعميها الفلوس وتگوم تسوي افضع الاشياء في سبيل تحصلها هنا اعرفوا انو الدنيا انگلبت والنهاية قربت . من يكون عندك مشاكل بالحياة والبشر يچي يكملها عليك اعرف انو طاقتك خلصت وبعد ما بيك حيل تتحمل فأحسن شي تسوي هو تقاتلهم بس السؤال الي يعيد طرح ن...