عشكت بت عمي الأربعينية

الجزء الثالث

مرحبا حبيابي شلونكم ان شاء الله بخير حابة اكللكم انو اني رح احدث كل احد اذا مصار عندي مشكلة بحيل الله وهسة استمتعوا بالبارت وبالمناسبة هذا الصاك بشدة الفوك 👆 هو ذيب🤤😉 بس تخليلوا على اضخم وأطول وعضلات اكثر يعني حاولوا تشفون بالانترنيت على اهل كمال الأجسام بس مو الضخمين كلش منهم لان اكو فعلا كلش ضخمين بس اكو طولهم يعني تقريب الميتين وجسهم ضخم بس يجنن عالعموم كافي صار عدي جفاف عاطفي 😂😂بس الي ردت اگولة انو تخيلوا شكل توني محمود نفسة بس على جسم اضخم بهواي وعضلات اكثر حسب تخليلي علمود من اكتب الاحداث تكدرون تتخيلوها وياية وتعرفون اني شقصد 😉😂😅🤣 بس رجاء لا لحد يذب اللوم براسي اذا صار بيكم شي من جمالة 😂😂🤣🤣😅😅 بروني الذمة من هسة باليز 😅😂🤣
وملاحظة بنات رجاء الي من المحافظات خلي تحاجيني على الخاص عامود تعلمني اللهجة رجاء هذا طلب مو امر واني هم علمودكم لان اريد احسسكم من صدك بالفرق بين اللهجة العربية والبغدادية فلذلك الي حابة تساعدني رح اكون ممنونتلها هواي

قبل اسبوع بالسلف تحديدا ببيت الشيخ محارب :—

ذيب :

رافع راسي للسمة السودة الي مزينتها نجوم الليل الي دتلمع چنها الالماس والگمر متربع بنصهن چنة الملك وآنة امشي بالبستان مالنة الچبير والاظلم وبحلچي الچيگارة واهچعهن انو الگمر يشبهني يضوي وحلو والگِل حاسدتة على جمالة بس ميحسدوه على وحدانيته ميگولون بحويدة لو نصة مضلم لو اصلا ما عندة ضوة وهو ياخذ هالضوة من الشمس لا شلون يدحگون بس على اشياء بسيطة لو بس الي چدام عيونهم .

امشي واهچعن رويحتي مسجونة ومدتگدر تنهزم محبوس بقفص صغيرون والمفتاح ضايع ومحد ديحاول يكسر القفل حتى أتحرر من هالبچان الضيچ الي حتى النفس اجرنة بالگوة الگِل يگِلي هنيالك شيخ عشيرة وابن شيخ والك چلمتك بالدواوين وابن خير وچثير عدة فلوس وخيرة ساد عين الشمس وهيبة وحرمة وفروخ وأهل وفوگ كل هذا شهادة معتبرة وعالية وذكاء بس ميعرفون انو احنة كلنة اولاد تسعة يعني احنة كلنة عايشين بهالدنية وماكو شي بلاش من تنطيك هالدنية شي لازم تاخذ شي بدالها عبن گانون الحياة هذا .

امشي وصافن بدنيتي شلون وبعدني عايش اضكر من چنت بعدني فرخ بالتلاثة ونص سنوات عمري بس لان چنت فطن فاضكر كلشي ومن چنة آنة وبوي وچدي وخواني الكبار بالبساتين علمود نشوف الحلال ونطمن عليه فرحت بسكوت من وراهم العب لان أبوي همام وچدي محارب ميقبلون العب يگولون انريد انطلعك زلمة من ظهر زلمة وشيخ معدل ولهذا السبب من آنة وحديث حرموني من طفولتي وخلوني بس بين الدواوين والحلال فمن چنت العب خلسة اخواني الكبار رزاق ومحارب الي مربيني لان همة اكبر مني بچثير محارب عمرة تلاثة واربعين ورزاق عمرة أربعين فمربيني مثل ولدهم چانو يدرون بية من نروح للبستان وآنة مناك انهزم والعب بس بذاك اليوم طحت ببير غميچ بس الله ستر والمي چان قليل فمن طحت چان المي واصلي للبطن وضليت انشد بكل علو حسي عبن بس اريدنهم يحسون ويچون يطلعوني بس الي كسرني وآنة فرخ انو ابوية وچدي ضلوا واگفين يم البير ويدحگون بية ومن اچوا محارب ورزاق علمود يطعوني چدي رفض رفض قاطع وأمرهم محد يطلعني لو يساعدني غير بس آنة وفعلا منع الكل وبقيت يومين و وراها حاولت وحاولت لحد مطلعت من البير بس اول مطلعت دحگت چدي وأبوي چانوا واگفين بكل فخر ويدحگون بية وذبحوا يم رچلي عچل ومن هذاك الوگت بدت معاناتي وضغوطاتي بالحياة وية چدي محارب وأبوي همام وفد يوم من چان عمري اهدعش فچنت راچع من النادي وية اخواني محارب ورزاق علمود ارتاح من التدريب اي من آنة وحديث جبروني العب حديد عبن يردوني مثل كمال الأجسام لان بنيتي توحي بالهشي هسعت بالصدفة رزاق يتعارك وية بوي وچدي محارب اخوي الچبير الي چدي سماه باسمة لان اول حفيد من همام الة ويصيح استغربت لان محد مسويها ويعلي حسة على چدي لو أبوي حتى بين الإخوان الكبار هم احترامات بس هسعت رزاق يحچي وية چدي بقهر وحسرة انو عمي رائد الله يرحمة ما الة علاقة بالي صار وياهم بس بدة المصايح بين اخواني الكبار وأبوي وچدي وطلع رزاق البيت والطلعة طلعة ومرچع لان اخذ مرتة الحامل وراحوا لان أبوي همام طردة من الدار شلون دافع لعمي الله يرحمة عبن غدر بينة وخان الثقة ومن هاذ اليوم عرفت بعمي رويد شلون خان اهلة وناسة في سبيل فلسين وعرفت هيبة الي بگد رزاق وشلون چنها فص ملح وذاب وملگينالها طريچ ومن هذاك اليوم واني حقدت على هيبة حقد چبير لان آنة كلش احبن اخوي وسندي رزاق واهچعنة مثل أبوي واحبنة اچثر من رويحتي بس هو زعل من أبوي همام شلون مصدچ لا بخوه الي ضحة بحياته ولا بابنة ومن چنت اهدعش لهل يوم مشفتة ولا هسعت حسة ولا اكو الة خبر ولان هو الوحيد الي چان يدافعلي ويوگف بوچه أبوي وچدي وچان يدافعلي ويخففلي من قسواتهم عبن آنة فرخة موش اخوه الحديث يعتبرني چبير تاذيت بغيابة وچثير حقدت على هيبة حسيتها هية الي باگت اخوي مني ومن هذاك الوگت الي هسة آنة اكرهها كره ومن بديت اكبر كثرت قسواتهم علي عبن يردون يطلعوني شيخ من ظهر شيوخ بس ميدرون انو هيچ سووا مني وحش وصدچ اسماً على مُسمى ذيب يدافع لهَله برويحته ويگطع الكل بسنونة بس مدحگوا انو آنة هم بشر وعندي شي اسمة مشاعر واحاسيس وهسة آنة بسببهم صرت بارد حاد قوي انسان مرعب احب بس ما ابين واصلا شالوا مني شي اسمة گلب خلوني أدوسن عليه برچلي وأمشي ولا چن شي صار مشت الايام والسنين وبديتن اكبر وبديت ادور على خوي وسند ظهري وأبوي الي رباني وحن علية اچثرهم رويزق ورة ثمن سنوات لگيته چاعد بدار ببغداد بمنطقة شعبية وية حرمتة الي معتبرها بحسبة خيتي واكثر بعد وفروخة وخاصة زهور الي چانت الي مثل التؤم حتى مچانت تصيحلي عمو بس چدام الاهل لان مرة نشدتني بعفوية بلقبلها الي أحبة من چنة بالأول ابتدائي بذويبان بس هسعها أبوي همام وچدي محارب وچنزوها تچنز عبن آنة موش بس عمها لا آنة ذيبهم بس بهذا الموقف خلوني اكره رويحتي من اهچعن حسها وهية تنشدهم يتركوها بس شيفيد بعد گضوها وخلوا امي عشق وخيتي وامي الثانية طيبة يفرفحن وهنة يتوسلن بس يتركوها للفرخة بس همة ولا چنهم هسعوا شي لحد ما چة خوي محارب وراح سحبها من چواهم صح أبوي همام وچدي محارب يحبونة بس مع الاسف عقليتهم عقليات اهل گبل الي فكرهم انو التربية الصحيحة بالضرب والتخويف والقسوة بس اخوي محارب ورزاق وخاصة رويزق ميقبلون بس بعد لان نحترمهم فلزمن نهسع چلامهم ومن يومها اليوم الي لگيت بي رويزق حاولت اردة للبيت بس مرضة يگولن البيت الي محترموني بي ما ادخِيلة ومشت مرة لخ الايام والسنين واچة اليوم الي سنچنت رويحتي ببچان اصغر من الي چانت يوم الي قرر أبوي همام وچدي محارب انو يزوجوني لبت خالي البكر يوسف بيت خالي آنة احبهم بس بيته الچبيرة ما اطيقنها ابد عبن آنة اعريف انو هية تحبن التراب الي امشي عليه بس سرور آنة ما احبنها لو چانت اخر نثية بالكون عبن موش مثل اسمها ابد المفروض خالي يسميها فگرور مو سرور اوف اوف ستغفرت ربي بس شسوي من يوم الي اخذتها لليوم بس شي واحد صار زين الي هو گتلهم صح آنة محد يجبرني بس لخاطر اخوي رويزق وسند ضهري رح آخذها بس ما يصير العرس اذا مو هو موچود والكل گلتلي غالي والطلب رخيص وانت آمر بوية واحنة ننفذ عبن الشيخ ذيب الي امر وبوگتها محارب اخوي گليش گيف لان هو هم يموتن على رويزق اكثر مني عبن هو يعتبرة تؤمة مو اخوه الصغير وفعلا صار الي أريده ردوه للبيت بكرامة وبهيبة ابن شيخ بس من هذاك اليوم وآنة ابد ممرتاح موتتني هالسرور بس تنگ وتتعارك يبوه الي يگول الله خلقها بس للتناگر والفگر خلفتلي تؤم وسميتهم گمر مثلها وأسد اريدن كوّن مثل ما سيمته يطلع بس مرح اسويلة مثل چدي وأبوي لا بس مع الاسف ما اعرفن شلون ابينلهم عبن آنة جامد وبارد چني الثلج چريت نفس وآنة أتمشى وأخلص الچگاير مالي وحسبة تأخذني وحسبة توديني واضكرت من آنة ومراد الي اعتبرة مثل ابني مو اخوي الحديث تحدينا بعضنا منهو الي يلگة هيبة گبل منو والي يلگاها الخاسر يروح يچيبها بس حسب مواصفات البچان الگاعدة بي بس الشكل ممنوع ينشاف الة بيوم الي الخاسر يچيبها .