عشكت بت عمي الأربعينية

الجزء السابع عشر

هلو حبايبي شونكم ان شاء الله بخير اسفة لان طولت عليكم بس والله مشتاقتلكم كلش هواي
وهذا البارت لعيونكم
😘😘😘😘

الكاتبة :

قبل يوم من رجعة هادي :

هادي بتحذير ونبرة حادة : وچ اهسعيني گِلش زين انتبهي وفتحي اذانات الفيل مالچ موش ترگضين بورة الاچل والقال والقيل و...

البنية بانفعال قاطعته وصوت ناصي حتى لحد يسمعها وهية خاتلة بين الكاونتر والطباخ و وراها قمينة الغاز حتى لحد يشوفها والمطبخ اظلم هندس يعني الي يدخله عبالة جني : اي اي فهمت لتلح چنك معيدي وچلب بطواطة گنالگ محد رح يگضني (يلزمني) وآنة چاي اتجسس عليهم .

هادي بتنهيدة استسلام : مو اعرفن حظي المچيم چا ميدزلي غير بس الغربان .

البنية بعصبية بس بعدها على وضعها : شنهي شنهي ؟ وك هاذ منهو الغراب من همداك موش صوچك صوچ الي يضحي علمود بوزك التربان روح روح من لا بارك الله بيك يالاغم .

هادي وهو يذكر گبل لا يقفل وياها الخط : ها صدِگ صدِگ گبل لا انسة آنة چاي باچر .

البنية بشهگة وهية تلطم على صدرها من الصدمة : ولك شنهي تچي ولك هديوي انتة تريد تطير رچابتنة لو شنهي ؟ وك استر علينة يالخايب چا موش تعرف هالعزيم حاد سنونة عليك واذا يَعرف آنة الي علاقة بيك اروحن چوة الرچلين .

هادي بثقة زايدة وهو عبالة رح يفلت بس بالنهاية نبهها حتى لا تنسة :  لا لا ، لا تخافين آنة مزهب (محظر) گِلشي وها موش تنسين على اتفاگنة .

البنية بتأكيد وبالنهاية حچت بحنية : لا لا ، چا شون انسة آنة الي ادِگن اعليك من يصير مچال حت لحد يشك بينة ، لا تشيل هم بس انتبه على رويحتك .

هادي وهو يطمنها ويوصيها : تطمني خيتي تطمني بس تَضكري زِين اذا صار شي روحي للشيخ ذيب وهو الي رح يطلعني من حلچ السبع لو راد يبلعنة .

البنية تهدي وبعدين عالسريع حچت لان حست بطگطگة (صوت) قريبة عالمطبخ : اي اي ما ناسية والله اگلك هويد روح روح يمكن اچة احد ماحود وآنة لزمن البد (اختل) بغير بچان يلة باي .

وقفلت الموبايل بدون متسمع رده وختلت بالكاونتر فارغ وهذا چان من حسن حضها .

گامت على كيفها من مكانها بحذر اخاف يگعد وأخذت تلفونها بالخفية و وصلت للباب دتريد تطلع وچان تسمع صوت عزام الي فززها يسألها وين رايحة وهية جاوبته تريد تروح تاخذ مي حار لان هاذا المي برد وهو من سمع هيچي سكت ورجع نام وهية نزلت بسرعة خارقة جنها سونك لو پيپ پيپ وخابرت على الي تريده .