عشكت بت عمي الأربعينية

الجزء العشرين

هلو حبايب شونكم ان شاء الله بخير شكو ماكو

أتمنى انو تستمتعون بالبارت

هيبة :

ردت احچي انو بهجة تضل گاعدة بس بنظرة من ذيب سكتتني وگام من الاكل واشرلي الحگة يا حبيبي رحت بالرجلين قريت الشهادة واني وراه واشوفة شلون وصل للغرفة بخطوتين لا هواي يهيبة طلعتي سلامات هية وحدة من الحالتين يا طلعين بتابوت يا بسدية يا أصلاً مرح يلگولچ اثر وأصير ضمن قائمة المفقودين بسبب قوات خارقة للطبيعة وصلت للغرفة الي حسيتها مكان الإعدام مالتي مع انو ممسوية شي بس جسمي يرجف لا ارادياً ما اعرف ليش اخذت نفس عميق وزفرته بتوتر وفتحت الباب وشفتها ظلمة يا الهي رحتي بيها من صدگ هالمرة يا هيبة لان منظرها عبالك جحيم ضغطت عاليدة مال الباب واني مدّا اسمع شي يدل على وجوده لو دا اشوفه من هالضوة الي دخل للغرفة الي مغلفها السواد من كل النواحي ندهت على ذيب بصوت يرجف خارج إرادتي الي يحچي حالتي للمخبل ميصدگ ويضحك بس حقكم لان مشايفين شون الملاك من ينگلب شيطان صدوگوني هيچي كائنات خطرة من تفقد أعصابها واني الحمل الوديع ابو الحظ الأغبر الي لازم يضحون بيه حتى هالشيطان يهده ويرجع ملاك بقيت متصنمة بالباب وصحت عليه مرة لخ بس هالمرة بهمس بس سمعت صوته البارد والحاد يأمرني أفوت لك وين أفوت شنو شايفني بومة وتشوف بالظلمة لگطت اذاناتي نبرته الي احتدت وهو يأمرني مرة لخ ادخل سحبت هوة وحبسته ودخلت وسديت الباب وچمالة الشغلة النگسه انو الغرفة عازلة عن الصوت ربي رحمتك يعني لو يگطعني بسنونه محد يحس بيه الله شنو هالنهاية الحلوة رح انشهر بالأخبار باچر تحت عنوان استشهاد خروف العيد قبل أوانه لوجه الله حسيته وراي بعد ما تقدمت وصرت بنص الغرفة وحاوطني باديه لا ها هية گدرتي تفلتي يا هيبة من دبش اذا اتحركتي مليمتر .

ذيب يحچي بهمس ودافن راسه برگبتها ويشتم قوي بعطرها الي صار اله مثل المهدء وأيديه تسافر على جسمها بخشونة : شمالچ يا هيبتي هيچ چمدتي ؟

هيبة باستغراب وتوتر من هدوئه : ها ؟

ذيب على نفس حالته بس هالمرة دارها اله ورجع دفن راسه برگبتها : شمالچ حبيبتي متيبسة چنچ دچاچة وناسيها بالفرن .

هيبة بصدمة من مراجه التحشيشي هاذ وهية تحط أيدها على گصته بعد ما رفع راسه عنها : حياتي انتة زين مرتفعة حرارتك مضروب على رأسك شي ؟ لان وضعك مقلق بصراحة يعني الي دا اسمعه صح لو شنو انتة دتحشش ؟

انخلقت ابتسامة ماكرة ولعوبة على شفايف ذيب وهو يشلها مثل الأميرة ويحطها على الچرباية وجسمه مغطي جسمها ومبين من وجهه انو ناوي على شر حسب تفكير هيبة : اها چا آنة هيچ صرت من مصخم يلة احشش واضحك چا تعاي اشوفنچ شون تصير صخونة .