عشكت بت عمي الأربعينية

الجزء الثاني

مرحبا حبايبي شلونكم اسفة على التاخير بس التهيت بامتحاناتي المهم سولفولي شلونكم شخباركم ان شاء الله بخير
حبايب گلبي لا تنسون تعلقون البارت شلونة رئيكم بالنسبة الي مهم كلش خلونة نبدي

سنة ٢٠١٨ بالشهر الواحد

هيبة : -

چنت واكفة على السنك الي بالمطبخ اغسل ماعين الريوگ وصافنة على دنياي وين وصلتني و وين حطتني صرت لعبة بيد الي يسوة والي ميسوة صرت مكفخة للرايح والچاي ليش يا ربي ليش هيچي ديصير بية دخيلك ربي مردت شي غير بس انتقم لاهلي يا الله شكوت تنزل رحمتك وافتك من ذولة الي ميخافوك ثنين وعشرين سنة ثنين وعشرين سنة مشن وراحن من عمري واني عدهم عد اهل زياد شفت منهم الوليل يومية عركة واني هم مقصرت كلشي راح من دنياي بعد شنو ضالة فلذلك من يعاركوني اراددهم وأطول لساني صح من عشت ببيت مگطوع چنت ما اختلط وياهم او اطول لساني مو لان خايفة منهم لا لان چنت خايفة على اعز الناس لگلبي على بيبي بس هسة هه بس هسة على منو اخاف على روحي يعني طبها حريشي خلي شيصير بية خلي يصير بلكت الحكهم وأخلص لان زياد كرهني بروحي دومة يگلي اني ممخليچ عايشة لسواد عيونچ اني مخليچ عدي علمود جسمچ جسمچ الشگاگي الي يخلي اكبر واحد ينذل علمودة .

ذبيت حسرة واني اخلص كفكفة المطبخ واذكر شگد عالم تأذوا علمود يحموني ومنهم الشيخ مدافع اخ بوية حتى الچنت متعشمة هو الي رح ينتشلني من بيت زياد هنوب هو الي أكلها خطية لان من بعد ما صارت المصيبة وبعد اغتصاب نهال الي وانتحاري وبعدين اكتشفت انو همة ملحگين علية وراحوا للمستشفى واصلا ما اعرف شلون مشت شغلت اغتصابي هناك وبعد ما تعارك مگطوع وية بيت اهل زياد وهددهم زوجوني الة بس عقد شيخ يعني اني صارلي وياهم ثنين وعشرين سنة زوجة غير قانونية وبعد ما مشت الخدعة على الشيخ مدافع سنة كاملة اكتشف حقيقة مگطوع وبدة يريد يخلصني بس مع الاسف بما انو بيت اهل زياد چانو داخلين بالسياسة بوكت صدام فلذلك محد من الشيوخ البقية مال العشيرة گدروا يفكون حلگهم وياهم بس الشيخ مدافع صدگ من اسمة مدافع لان بوكتها دافعلي بروحة لحد ما ابو مزاد وگعة بمشكلة وكتلوا وهنا متت من ضميري لان الرجال راح بالرجلين من ورة راسي اخ ربي ليش البشر الزينة تروح بغمضة عين والبشر الشينة تعيش سنين حكمة يا الهي بس الشغلة الي فوخت گلبي بعد ما ضَل مگطوع يطلب فلوس زايدة بدوا بيت زياد يضوچون وهمة چانوا بفترة صعبة بالنسبة الهم وبضيقة مالية لان ابن عّم زويد قنعهم انو اكو مشروع معدل بما انو الحرب بدت بين العراق وأمريكا وخسر العراق وبعد سنة من الحرب يعني بعام ٢٠٠٤ ورح يربحون بالملايين بس لازم يحطون مبالغ كلش ضخمة حتى يگدرون يبلشون بالمشروع بس لازم يحطون المبالغ بحسابة الي بدبي لان بوكتها بنوك العراق ما مؤمنة چانن وهمة مثل مطاية العيد وعلى يابو ابنة ومن لحمنة ودمنة وحطوا الفلوس الحرام مال سنين بجيبة وهو الله اشرد ومن شوف غير بس غبار فلتة اخذهن وسافر لاوربة ولان هو جنس بالفترة الي چانوا يدورون بي عليه فمگدروا يوصلولة والرب بعد يريد يكشفلهم مگطوع وبالصدفة من زياد وابوه ديودولة الفلوس علمود يسدون حلگة الچايف سمعوه ديتعارك وية نهال وبضمن العركة ولمن متصايحين وگابة العيطة بينهم ذاكرين سالفتي صح زياد بوكتها حلف لاهلة بيمين انو هو ممغنصبني بس مصدگوه لان هو مسويها گبل بغير بنات مغتصبهن و وراها حالف انو كلشي ممسويلهن فلذلك من حظي الأغبر ومن حظهم الگاع بيت اهل زياد صدگ مگطوع بس من سمعوهم معترفين بلسانهم شاشوا عليهم وچمعوا جماعاتهم وسحلوهم واغتصبوا جوري وهمسة ومرة نهال هم وحدة ادبسز مثلهم گدماهم وبعدها كتلوا نهال ومگطوع گدماهن ولو اني شاكة انو همة مغتصبيهن اذا مو هنة مغتصباتهم بس مع الاسف تالي اني الي وگعت بيها واكلت العذاب وهو اني بلية عدس معدسة همة چانوا بلية ما يعرفون سالفتي چانوا يشوفون العمة ولا يشوفوني مو عاد عرفوا بسالفتي بس والله ولا اسكت كل ما يحچون اراددهم واوگف بوچهم صح تالي اني الي اتاذة بس المهم ما اسكت خاصة من أمة وخواتة ونسوان اخوانة يردن يكتلني اهجم عليهن مثل المخبلة بحيث من نبقة بحدنة اكثر المرات يخافن وصاگرتهن واصلا اني وين ما اروح اتنصت وانقل حچي منا ومنا بحيث شاعلة البيت شعل بالمشاكل من ما هلگد اخبث واشحن بينهم وشگد توسلوا اهل زياد بيه ولك طلگها عوفها وهو ابد قافل علية ابن الكلب الي يشوفة قيس ابن الملوح وما صدك أزوج ليلى وخايف يطلكها وهو لوما البگبگ مالتة هم عود چان هدني بس حظي المصخم چمالة صار عمرة بالأربعين هنوب چولح بزيادة وانمدلة كرش ممدود عشرة كيلو متر اليگدام چنة طوبة گريگر ضخمة ونوبة كملت الحسبة و وگعن سنونة وشعرة من وگت خوش ربي على هيچي قسمة غمة الي يشوفة يگول چنة چاهل رضيع مشوه .