عشكت بت عمي الأربعينية

تكملت الجزء الحادي عشر

مرحبا حبايبي شلونكم ان شاء الله بخير شكو ماكو شلون الصحة أحوالكم اموركم ؟

الصورة الفوك 👆 تعبر عن كبرياء الرجل والمرأة في كل نواحي الحياة وخاصة الحب .

هيبة :

چنت احس بكلشي واسمع كل الي حوالية وعرفت روحي اني بغيبوبة لان دا احس روحي دا اسبح بظلام بس سواد لا غير اتلاطم منا ومنا وما اعرف شسوي تعبت يا بشر تعبت وبعد ما اگدر اكمل كافي والله حرام عليكم يعني حتى الحيوان لو هيچي يعاملوه هم چان هچ ونهزم كافي حرام عليكم حرام والله مسويت شي غلط اني (والله ما ادري ليش كل ما اسمع اشوف لو افكر بهاي الجملة اذكر أغنية حرام آنة ما سويتلك شي آنة ما سويتلك شي 😅😅) حسّيت بشي ضخم كلش على جسمي بس دافي كلش سمعت صوته اي هذا ذيب اني متاكدة سمعته يحچي وياي بحنية ويبوس بيه ياربي والله خبلني هالرجل من شافني وشفته وخبصني بت العدو ما بت العدو وهسة بت گلبي ربي روحلك فدوة مو هسة اني عالاساس ناقصة خبال حتة هنوب يجي يكملها حاربت ضعف جسمي حتى اگعد ما اريد أضل بغيبوبة اريد اگوم اريد أتحرك اروح اجي آكل اشرب اضحك حتى لو ابچي بس ما اريد اعيش واني احس كلشي حوالية بس واني مغمضة بصعوبة فتحت عيوني بالگوة وية صراع اول شي شفت كلة مغوش بس دا اشوف معالم ذيب مو واضحة بس عرفته هوة صوته ضعيف بس ينسمع لهناك وحسيت ببرودة اول مبتعد عني وبعدين الغرفة صارت سنطة الله شگد حلو هيچي لا احد ولا ماحود بس اني ونفسي شگد هاي شنو هالصوت وهالصياح آخ ربي من كوّن صخونة من الله طلعت حاروگة وحضي المصخم حسدت روحي لان ذيب رجع و وياه الدكتور فحصني وضل يحچي وياي وشوية گدرت أسيطر على حواسي وافرزن شديحچون وآخر شي سمعت من الدكتور انو اني بمعجزة ورة شكم يوم گعدت لان عمري وبنية جسمي خلوهم يگطعون الامل بس ذيب من سمع الدكتور هيچي يحچي هجم عليه ما بيه حيل اگوم وأجر الدكتور من چوة إيدين ذيب بس دعيت ربي يعيشة وفعلاً الله استجاب لدعائي وطلع المسكين وراها رجع ذيب تمدد يمي شبگني حيل بس كلش تاذيت حس هو و وخر .

ذيب يحچي بحنية ويمسد على شعرها ويبوس براسها من بعد ما وخر منها لان فر من ومنها الي مبينة تأذت كلش من شبگها : شونچ يرويحتي شون صرتي طمنيني يا بعد هلي .

هيبة وهية گوة تحچي لان تحس صوتها اختفة وحلگها ناشف وفوگ كل هاذ مصدومة من ذيب ومن تصرفاته الي اختلفت تلثمية وثمانين درجة : مم...ممي..يي .

بعد ما راح ورجع و شربها المي وحطة عالكومدي اليم راسها وأخذت نفس تحاول تستوعب الي ديصير وياها وهو رجع انطرح يمها ومتچي راسه على ايده وصافن عليها هية حست بيه وضلت تباوعله لحد محچت متعجبة : شبيك ذيب شچالك شنو مريض ؟

ذيب بحب ومبتسم بهبالية : من غديت فدوة صاحب الحلچ الي يگول اسمي .

هيبة وهية فاگة حلگها حچت وخلته يضحك بصوت عالي وهية صفنت بضحكته التخبل : بعرضي صايرلك شي خبلك .