عشكت بت عمي الأربعينية

تكملت الجزء التاسع عشر

هلو حبايب شلونكم ان شاء الله زينين شكو ماكو اخباركم اموركم 👉

استمتعوا بالبارت حبايبي 👇

هيبة :

ذيب بقة متشنج بحظني ومحچه شي ولا طلع حس بقيت اندسه لحد ما رفع وجهه وچان وحش مو ذيبي الي اعرفه اول مرة اشوفه بهيچي وضع وگام بسرعة من مكانه مثل الثور الهايج وبس يصيح الة اچتلهم واحد واحد اليوم الة اسوي الدم للرچاب يمة صخام الصخمچ يهيبة شيشتي الزلمة يبوه راح بيها رگضت وراه وشبگته من ورة واني أقنعة وأتوسل بيه بس شنو لو تذبوحني قطرة دم متلگون بيه من الخوف ضليت احچي لحد ما حسيته هدة شوي و وگف يلة گدرت آخذ هوة لرئتي انداريت لوجهه بسرعة حتى ليطلع من المخزن يمة الحمد لله احنة بالمخزن ولا چان شجرة العائلة قلعها مو اعرف حظي الاغم يسويها غير ربي ميدزلي غير بس المخابيل ضليت أبوس وأقنع لحد ما هده وملامحه شوية لانت بس گلي شي صدمني .

ذيب : زين ما دامچ هيچ خايفة على الوادم الي چتلوا اهَلچ ..

هيبة قاطعتة بسرعة وعصبية لان فهمها غلط : ما خايفة عليهم بس خايفة عليك لو بيدي اشرب من دمهم .

ذيب يكمل بجدية وهو يحاوط وجهها بچفوفة الكبار بحيث تقريباً معالمها اختفت ويحچي بصدق ودگة صدر : تركچ من الوادم گِلها واوعدنچ آنة الي رح اچيبلچ روسهم لچوة رچلچ موش اسمي ذيب اذا ما تشوفيهم بالسچن .

هيبة تحچي وعيونها مغورگة بدموع الفرح لان صدگها (طبعاً چان من ضمن كلام الشيخ محارب انو من اكتشف الموضوع حاول يگول لذيب بس ذيب مصدگه) هية وبدون اي حلفان او شي بس بنفس الوگت تحچي هية هم بجدية وقوة مخلوطة بحكمة ممجودة بكل النسوان (الي قصدي عليه اگو نسوان بمجتمعنة من كثر ما يحشون براسها انو لازم تعتمد عالرجال بكلشي فلذلك بهيچي مواقف مدبرها فلذلك تعتمد على اي رجال يگللها اني اضبطلچ الشغلة) : تعرف هسة لو أضل منا لحد اخر نفس بية اشكر رب العالمين لانو دزك الي وهم ميكفي بس حبيبي اني وعدتهم انو اني الي اطلع حقهم صح ما اچذب واگلك انو ما احتاجك بالعكس احتاجك وياي بكل خطوة لان انتة قوتي الي منها استمد حتة احية وأقاتل بس بنفس الوگت ما اريد اعتمد عليك لا ما اريد ارحمهم بالعكس اريد اعذبهم نفسياً لحد ما تجي اللحظة المناسبة واذبهم بالسجن عرفت هسة حياتي ؟!

ذيب بفرح لان مو بس تقبلته لا وگامت تدلعه وحبيبي وحياتي ومن هالسوالف قربها اله من خصرها الي حاوطت بذراعه الضخمة ولزگها بصدره ورفعها من الگاع بايد وحدة ومن وافقها ابتسم ابتسامة جانبية بين بيها وبنبرة صوته المكر : اي عرفت عرفت ، بس اگولن شوي عيديهن عَلي .

هيبة معرفت شنو يقصد لان قربه ديربكها ويخلي عقلها مشتت وتگدر تركز وبين هالشي بعقدة حواجبها ومخارج حروفها : شنو شعيد ؟