عشكت بت عمي الأربعينية

الجزء السادس عشر

مرحبا حبايبي شلونكم ان شاء الله زينين شكو ماكو شخباركم ان شاء الله كلشي تمام

يلة حبايبي بلشوا بقراية الفصل واتمنة انو تستمتعون بيه 😘😘

ذيب :

مرت الساعات وآنة چاعد بالديون منتظر رحمة الله تنزل عَلي واخلص من هين حت اروحن لبت گليبي بوياي شگِثر مشتاگِلها بس اگضنها محد بعد يهدها مني اويلي بس عطرها يسطر سطر بگيت (بقيت) آخِذ وانطي بالچلام بلچي (لربما،بلكي) نخلص من وگت من هالطلابة الي عادي ابطالها ضريغيم وعزيم غير الابطال المغاور يومية مطلعينة كارثة اخخخ يحبيبة خيرية بس لو اعرف بشنهي چنتي تتوحمين من حبلتي بيهم الوادم سطرتني سطر من ساعة السودة والمصخمة الي صاروا بيها عمامي ربي باوعلي شوي مو چزعت (لم يتحمل) عاد اوف اوف اوف استخفر الله يا ربي بگينة نتحاچة ولهناك وچان تگب العيطة بين زلمهم وزلمنة وبدت العركة وبالگوة تفاككنة المشكلة هين صدچ عزيم وضريغيم زودوها عبن (لان) عزيم بايگ حلال (مواشي) بيت ام عفيف عينك عينك حرمة بوحيدها هية وبتها لا عدهن دان ولا ودان (يعني ما عدها سند او واحد يسال عليهم) بس يرعون بحلالهم ويبيعن من هالقاسمة الله واول البارحة وحدة من الابگار (الأبقار) دخلت على حدودنة عبن همة عايشين بكوخ حدنة گِلش وماچلة من اچل حلالنة ومن عزيم شايفها گالب الدنية گلاب ومآخذ گِل حلالهم والحرمة ام عفيف متدهورة حالتها وماخذتها عفيف للمستشفة وراچعة البت هين النة چاية تتوسل حت نرچعلهم حلالهم بس آنة بوگتها ما چنت موچود فطلعها ضريغيم ومن دحگلها حليوة متحرش بيها بس الحمد لله تلاحگت لرويحتها بقدرة قادر هس چاين اهل ابوها وامها يتعاركون ويانة والمشكلة أبوي ومريد (مراد) مچانوا هين وچدي چان مريض ونايم بفراشه .

عّم عفيف الچبير بصياح بنص الديوان عبالة من يسوي هيچي رح يگدر يسكت الكل وخاصتاً ذيب الي اكثر ما يكرهه هو انو واحد يتجاوز عليه بنص ديوانه وهو صاحب الحق : اليوم احرگ الدنية على روسكم ولگم فوگ ما خذيتوا حلالنة چمالة تَردون تأخذون شرفنة والله اليوم الة أسويها دم للرچاب يا .....

قاطعه ذيب بصوت رچ مو بس الديوان لا رچ الشارع كلة من علوه بحيث الزلم من شافوه شلون معصب خافوا واني اعنيها كل الي بالديوان ضَل يتراجف لان ذيب من يصير عصبي ميعرف احد ويحرگ الأخضر واليابس بس بنفس الوگت چان حكيم وحقاني خلة الكل مو بس بسبب صوته يسكتون لا بسبب كلامه الصحيح هم : ولگ تحچة عدل لا اچي اعوچ حلگك چا صارلكم سنين نسوان بوحيدهن ما عرفتوا تلفوهن وتحافظون على عرضكم وشرفكم بس وگت الچد الموسؤلية تشردون (تهربون) وگت الطلايب عبن بيها فلوس ترگضون رگض تَردون حلالكم هاذ حگكم ويردلكم كامل مكمل والبت اذا واحد من اهلنة تحرش بيها وخرب سمعتها فآنة اگِلك من هس البت منة وبينة واليوم گبل باچر واحد من ولدنة يعقد عليها ويسترها ويردلها سمعتها الي طاحت .