عشكت بت عمي الأربعينية

الجزء الثاني عشر

هلو حبايبي شونكم اسفة كلش على التاخير بس من صار عدي مجال واني تعبانة كتبتلكم

اعذروني على قصره

استمتعوا

الكاتبة :

ذيب بخدر لان تعبان ويريد ينام : اي من دحگتچ وبعدين اگو بچانات چثيرة لازم شفايفي تبوسها واذا تحبين هس .

شهگت بفزة ربي شگد عيب ولا يستحي رفعت راسي من صدره وضليت صافنة على وچهه تقاسيمه تذبح واني طلعت بدون ما احس على روحي ابتسم بس من ذكرت الواقع ماتت ابتسامتي شلون تريدني احبك وأفكر واحنة منتراهم اول شي شلون تريدني ابوگك من عائلتك عدك مرة كاملة مكملة ولو هية هم ما ادري شلونها شو من شفتني وشفتها وهية بس تكفش دگول من ذني امهات الكهف بس تبقة حقها لان رجلها وابو بيتها وچهالها يبقة حقهم عليه اكثر مني اني شنو بالمقارنة بيهم وبعدين يحبني شحب بية شو عقيمة چبيرة بالعمر وفوگ كل هاذ من قهري ومشاكلي صرت هيكل عظمي ادري شيحب ميته يعني من يگللهم للعالم بلة الرياجيل كلهم يگولون عندي زوجتي بالبيت الة هو عندي مرحومة بالبيت وبعدين صدگ شنو قصة عدوي وعدوي شغلة بس فلوس هاي الشغلة متدخل بالدماغ نعست كلش ونسطرت وبعد ما بيه حيل حتى افكر وللصراحة حظنة دافي كلش ومريح الى درجة خلتني رأساً اغفي .

في مكان آخر :

ضرغام بحيرة من حالة عزام : اگولن عزيم شمالك هالايام موش على بعضك الي يدحگك يگول عليك مراهق عاشگ وگاضي يومك بس تتصفن وتفكر بمعشوگتك .

عزام بنفاذ صبر وعصبية : خاب يالخبل ما تتكسح من خلفتي لا اهفك شوف آنة وين وانتة وين .

ضرغام بغباء : يا شمالك ليش هو آنة شحچيت عابت اي والله .

عزام وهو يصر على سنونة ويحچي من بينهن وآخر شي من فورة دمه غم روحه : وك خايب شلون ما تكبر علتي اذا انتة وهويبة مچابليني وچاعدين هين بچهرتي .

ضرغام بتسأل خلة عزام يصير مثل المرة ويلطم : وهيبة شمالها شلها دخل .

عزام يغم بگصته بثنين اديه حيل بحيث صارت حمرة وصوته شوية علة : من همداني من همداني من همداني من صدچ على هيچ اخ من همداني اي والله الف مرة والگبر ربي ما تاخذ أمانتك اخذها ما أريدها چاي اگلك اخذها ولا اچبل هيچ حمار يمشي وزباده (لعابه) طايح من حلچه .

ضرغام انخرع من حالة عزام وگام من مكانه وراحله ولزم اديه ويحچي بخوف وياه : خوية خوية دگول يا الله وتهده شمالك يا حظي شمالك ما چنت هيچ شبيك انچلبت چنك چلب مسيب وشافله عظمة وتهستر ؟