عشكت بت عمي الأربعينية

الجزء العاشر

ذيب وعضلاته 👆🤤😅😂🤣

شونكم حبايب شخباركم ان شاء الله زينين طمنوني عنكم شكو ماكو
-ومثل كل مرة تواضع لا حدود له- شونكم بدوني ؟
😂😂😂😂😂🤣🤣🤣🤣🤣

المهم استمتعوا بالبارت اوكي گليباني 💋💋💋💋

(ملاحظة الاحداث الي صارت بالفصل السابق وية زهور والي رح تصير هسة هاي قبل متدخل هيبة المستشفة)

الكاتبة :

زهور ابتسمت بفتور وأخذت ايد حسنية باستها وحضنتها بس اضطرت تچذب عليها حتى لا تقلقها لان تعرفها مرح تگدر تسوي شي غير بس تأكل بروحها من القلق والتفكير وبعدين ابتعدت من حظنها وسألتها بفضول چذابي لان فعلا من القلق ما الها واهس بشي بس تريد تبقة بفراشها چوة بطانيتها وتنام وتگعد تشوف كل هذا چان كابوس : لا حبيبة كلشي ما بية بس تعبانة بين الشغل والدراسة وبعد تعرفين المستشفة معتمدة علي بالعمليات وغيرهن بس غيرهن مبية شي بس مگتيلي شردتي مني ؟

الشيخة حسنية : حبيبة دگي على همچ ذيب وشوفيه شسوية وية هبية وچ والله گليبي چمر عليها .

زهور بتنهيدة وگوة تحچي ما الها خلگ منا سالفة خميس ومنا سالفة هيبة واكو بعد هواي مشاكل براسها : والله حبيبة ما اعرفن شگلچ بس شكثر دگيت عليه مرد علي يمكن بالدقيقة ميت مرة ومراد وسياف هم وسمعت منهم خيال هماتين وحتى چدي عراب وچدي مهاب خابروا عليه وها نسيت اگلج حتى چدي محارب هم خابر الدنية كلها اتصلت عليه وهو ولا يمة ضارب الكل عرض الحايط .

حسنية بحسرة تحچي ومن خلصت كلامها طگتها ببچية قوية عبالك هموم السنين كلها طلعتها بهاي البچية : اوف اوف يا حبيبة شبيدي وتسوي كلهم زلمنة ميسمعون الچلمة يسون المشاكل واحنة النسوان الي نوكع بيها سنين نربي وتالي ترباتنة تروح بشربة مي من ورة التخلف على يابو انتة زلمة وكلشي مسموحلك تسوي شگد حاولت أربي عالهداوة وزينة العگل بس ولا فاد بيه قساوة اچدادچ محارب وهمام خلوه يوصل لهل مواصيل ويصير چنة الذيب وحش لا مشاعر ولا احاسيس اوف يا ربي اوف بس تخلف والله متت وچمالة الي يقهرچ المرة هية نفسها ضد المرة وتاذيهم اكثر من الرچال هاچ مو هاي حبيبتچ خيرية والي يشهد الله علية ما اكرها لحد هس بس اكره تصرفاتها الي عمت عالكل دومها هية ومشاكلها تخلي الواحد يكره روحة .

ضلت زهور شابگة بيبيتها وطبطب على ظهرها ودموعها تنزل وياها بقوا تقريباً بالنص ساعة زهور تحاول تهدي حسنية لان مو زين عليها البچي الهواي بما انو هية مرة چبيرة كلش بالعمر جرت نفس وطفت الضوة وطلعت من بعد ما نيمتها بالشافعات وغطتها وهية تفكر بحچي بيبيتها عن ظلم المرأة بالمجتمع دائماً تطلع المرأة الغلطانة المطلقة عار العاشقة عار العاقر عار العانس عار المعاقة عار المتمردة عار الي تحب الحياة عار الي تعتمد على نفسها عار الي ما عدها احد وتطلع تجيب لگمة لاهلها بالحلال عار الي متقبل على رجلها بالزواج عليها عار الي تنهزم من البيت بسبب الظلم والتخلف والحكر عار المختصر المرأة نفسها عار لو شما سوت من كل النواحي الله خلقها ناقصة عقل تنضرب لان ناقصة عقل تحب وتعشگ من كل گلبها ناقصة عقل تامن بواحد ما يمد للبشر بصلة ناقصة عقل رجلها يتزوج عليها لان هية تستاهل ناقصة عقل تواجه المجتمع والاهل والعيال (بيت اهل الزوج) والزوج والأولاد بالحقيقة محد يسمعها لو يهتملها لان ناقصة عقل اوف اوف ضلت تذكر زهور من تجيها حالات بالمستشفة نسوان هواي متعرضات للضرب المبرح او العنف الأسري وحتى وهنة حوامل ومن تريد تنطي خبر للشرطة الكل تحچي ميصير ومالكم دخل وبس خلوها مستورة ومنريد فضايح وسدوا الموضوع ومن هالحچي والله شنو ليش لو الرجال خاين والمرة من حرگة گلبها معاتبته وبلحظة غضب متجاوزة لو اشياء تافهة متسوة حتى الراشدي عليها ذبت حسرة و وصلت لنص الدرج وچان تشوف خميس واگف بنهاية ومنتچي على الحايط الي صاير گدامة بالضبط وأول مشافها اجاها ملهوف استخفرت ربها وكملت طريقها بس هو وگفها .