عشكت بت عمي الأربعينية

تكملت الفصل الخامس عشر

مرحبا حبايبي شلونكم ان شاء الله زينين شخباركم شكو ماكو

رجاء بدون تغليس جاوبوا على السؤال ال👆
😂😂😂🤣🤣🤣🤣😅😅😅😅

شوفوا الكائن هاذ 🤤🤤😅😅😅
فعلاً ان الله جميل ويحب الجمال
انا اسير الاحزان وآه يا حنان 😂😂😂

هيبة :

مرت ساعات واني نايمة نوم عميق حسّيت براحة فضيعة ما اعرف ليش من احس ذيب يمي واني بحضنة انسى حتى روحي وترجعلي شخصيتي الي جبرني زماني احبسها بقفص أعماقي يرجعلي الدفو الأحضان الي فقدتهن من فقدت اهلي بس لگيتة وياه من يوم الي اعترفلي بالمستشفى بعشقه الي غيرني ما اعرف شيصير بيه شگد احاول اقنع روحي انو هو آذاني وصلني لحلگ الموت يكره اهلي الي همة اعز من روحي بس ماگو كل فايدة جنون حبه ديكبر بگلبي ثانية بعد ثانية صرت انانية احچي الحچاية بس اتمنة عكسها يصير شگد احچيله انو هو متزوج گبلي وهية اولة بيه مني واولاده وعمره وكل الحجج طلعتها حسيت روحي احاول اقنع نفسي اكثر من ما أقنعه حسّيت وياه طفلة مدللة انسانة محبوبة زوجة يموت عالتراب الي تمشي عليه مرات الانسان يحصل الشي الي يريده بوقت متاخر بس من جمالة يعوض كل الوگت الي فات وفعلا دا أحسه ديعوضني حياتي كلها الي فاتت بالقهر والآه عافني نايمة مرتاحة وراح صح چنت نايمة بس حسّيت بحرارة بوسته الي طبعها على گصتي فزيت من حلمي الي چان هوة بطله على دگت الباب صحصحت وعبالي واحد او وحدة ما اعرفها بس سمعتها گلتلي ملاك وذيب هو الي موصيها انو تخلي المفتاح يمها بس هية تستحي طب گتلها فوتي ودخلت وبيدها علب وچياسة (اكياس) خلتهن عالچرباية وگلتلي ذيب وصه عليهن علمودچ علمود الحفلة مال مهر زهور وخيال وكذا بس اني تفاجئت ذيب گلي لا تنزلين ولا أصلاً توصلين لباب الغرفة شعجب يريد ينزلن جوة صحيت على صوت ملاك الي دگلي لحگي سبحي واكلي لگمة وبدلي بين ما تجي الحلاقة اخذت نفس وگمت لان ادري مرح احصل جواب وللصراحة ما بية حيل اخذ واطي بالحچي لو أصلاً اعذب روحي بالأسئلة واني ادري لازم أوامر سلطان زمانة ذويب تتنفذ واحنة الخداديم والجواري اولاد البطة السودة الي لازم نسمع الكلام من غير نقاش سويت الي گلتلي عليه ملاك بيت محارب اخو ذيب من بعد ما عرفتني عن روحها وبقالها آخر كم امتحان مال بكالوريا علمود تروح جامعة بصراحة منتبهت يا جامعة لان مالي خلگ اركز راسي ديوجعني وعبالك رح اوگع على وچي (وجهي بمعناه سيغمى عليها) طلعت من الحمام بعد ما طتني علبة بيها انواع الشامبوات والغسولات للجسم والشعر وكلهن ريحتهن طيبة وحتى بادي لوشن همين وكلهن ماركات وعلى حچيها ذيب يحب ذني الريح اكلت لگمتين تلاث بالگوة وبعد ملحا ملاك لان احس معتي (معدتي) دتگلب (لديها إعياء) كلش هواي بقت تسولف وياي شوية وشلون الدراسة صعبة ورادت تتعرف علي بس لفيت الموضوع وغيرته ما اريد وخاصتاً هسة اذكر الماضي لحد ما ندگ الباب مرة لخ وملاك مفتحته لحد متاكدت انو الحلاقة الي عالباب ومحد وياها ومن الي فهمتة من ملاك سرور طالعة ذيب دازها لبيت اَهلها بس يخاف علية من خيرية وبناتها وحفيداتها وعطوة وبناتها همم شكلهن عريكات اصليات فلذلك يخاف ياذني بدت الحلاقة بية لبخ على عت (قصدها مكياج وتسريحات) لحد مطلعتني وحدة ثانية تماماً المكياج الخفيف الي هو ذيب موصيها عليه وية التسريحة البسيطة الي عادي من ذوقه بس معرفت ذيب ذواق بسوالف ما الة دخل بيها وبعيد كل البعد عنها بقيت گاعدة بالغرفة بحدي ورة ما طلعن ملاك وسمية الحلاقة لحد ما انفتح الباب وطلع وراه ذيب المبتسم ابتسامته تجبرك تضحك وياه فعلاً وجهه من يضحك من كل گلبه لو يبتسم بسعادة حلوة حسّيت بارنبة خشمة على ارنبتي طلع واصل وگاعد يمي واني سارحة بيه ومحاسه على روحي باس شفتي بسرعة ومسح حلگه لان طبعت ورد باس گصتي وشالني مثل الأميرة لو الشيلة الرومانسية الي نشوفها بالتلفزيون ونزلني ليجوة وهو يفهمني انو اليوم يريد يعقد علي مرة لخ گدام العالم وگدام كل الي يعرفهم بصراحة ما ادري شصار بيه هنا مشاعري مضاربة وحدة وية اللاخ وجهي بارد بس اگو عاصفة بداخلي دتعصف بية بقوة قوة خلتني ما اندل دربي والوگت احسة وگف ومديمشي اختفت كل تعابير اللغة الي اعرفها علمود اگدر اعبر عن الي بصدري بقيت على هالحال لحد ما سمعت الشيخ يصيح علية علمود نخلص مراسيم المهر وفعلاً تم وصرت مرته للمرة الثانية و وراها اجني بنات صعدن للغرفة مرة لخ من صدگ من ما هلگد چنت غرگانة بعالمي معرفت منو ذني نزعت عالسريع مساعدتهن وعافني ونمت او خليني اگول انطرحت وغمضت عيوني بقيت افكر وگت طويل كلش هواي لحد ما حسيته وراي وشابگني وهنا نسيت كلشي ونمت بحضنه الدافي ومگعدت غير بس الصبح على صياح يخوف من ما هلگد رج البيت رج وبمرور الوقت من بعد ما صحصحت شفت ذيب ماگو عرفت انو هو نزل جوة مشيت و وصلت يم الدرج الي يوصل للطابق الأرضي وصار گبالي المنظر سرور الي چانت دتملخ بروحها صار هسة ذيب الي ديملخها وهية مغمة عليها من اول صفگة نزلت البايات (الدرجات) بخمطة عين و وصلت لذيب الي چان يرجف من العصبية وبطلعان الروح يلة گدرت اجرة و وصيت الكل بالإشارات انو يگعدوها لان خطية سواها سيارة مطعوچ اَهلها دخلنا للغرفة وسديت الباب بس شنو صرت جمرة متخلفين شما اقنع روحي يبقون متخلفين على اتفه شي أيدهم والضرب يعني ميفكر انو هية مرة محروگ گلبها لان حب حياتها وابو جهالها اتزوج عليها لا يفكرون بس بالعالم شرح تلغي وشرح تنافق ضليت الوب وافتر بالغرفة روحة رجعة لحد ما حظني حيل ويعتذرلي ويتوعدلها هديته بنتر وضليت احچي عليه لحد ما حسّيت شوية ارتاحيت لان نفست عن غضبي وگفت شوية بعد ما شفت تعابير وجهه وشلون يشوف عليه رحت وكورت وجهه بين ايدية وهالشي خلة الفراشات يطيرن بمعدتي من حلاء هالشعور وبديت اقنع بيه انو مياذيها وأريد أصير صديقتها ومن هالكلام ومن ضمن الحچي هو مو بس رفض صداقتنة لا رفض حتى من شبهت روحي بالنيران البقية حچيه خلاني أطير للسمة واگعد عالغيم حاولت أقنعة انو أتقرب لسرور بس رفض رفض قاطع واصلاً مخبأين اخلص كلامي رأساً باسني وسكتني جرني للچرباية ونام ونيمي يمة بدة يلعب بشعري ويتنهد حسية مهموم كلش ويريد يفضفض بس ميعرف المن سالته وبدينة نسولف ومن ضمنهن عرفت شلون ذيب نجبر بسرور وليش هيچ يكرهها ضليت صافنة معقولة اگو هيچي بنات زين ادري انتي (قصدها سرور) مخفتي اذا فضحتي روحچ چذب لو من تبتلين على روحچ يذبحوچ غير انتي بت شيوخ وعدهم الحچي الي يطلع على نسوانهم معناها انو حياتها انتهت معقولة اگو نسوان تشهر بروحها في سبيل والله شنو احب رجال والله يا الله صح مالي حق احتسبها بس الانسان مرات لازم يحچي الحق وهذا ويعتبر لا غيبة ولا حساب زين ادري مفكرتي باهلچ بخواتچ كلهم مگفوا بعينچ يعني مفكرتي شرح يصير بيهم لو شلون رح يگدرون يرفعون رأسهم من تنشرين هالحچي على روحچ خرب واني صارلي ساعتين احمي عالرجال طلعت بلوة والله عمي حقة من گلي ابتعدي عنها اذا چان گبال عينها وباعت روحها والدنية في سبيلة لعد اني شرح تسوي بية واني الي اخذتة من عدها قلباً وقالباً اذا هية جهالها باعتهم في سبيل ذيب وخبالها بيه لعد اني مصيري شنو وياها والله يمكن لو تبيعني بأكثر سوگ عبيد بشاعة بالعالم وهم ما يفوخ گلبها لو تعذبني منا لميت سنة يمكن هم ميكفيها شنو والله لو تدندلني (تدليني) من رجلية من السگف وتوگع بية كفخ (ضرب) بالعودة هم يمكن ميفوخ گلبها صافنة وأفكر بعد ما طلع ذيب من يمي شنو مصيري بهالبيت زين وخططي مال انتقام الي صارلي سنين دا اخططهن زين شلون رح اعيش جوة سگف واحد وية قتلة اهلي ربي رحمتك تريد تعاقبني على مشاعري المُحرمة (قصدها مشاعرها اتجاه ذيب) عاقبني بس مو هيچي عقاب مستحيل اي مستحيل شلون مو مستحيل منو يتحمل يگعد ياكل ويشرب وية ناس چانوا سبب يتمه منو يگعد وية ناس بالجنسية همة اهلة بس بالحقيقة ذبوه ومسالوا عنة يا ربي شسوي هسة من جهة عزام وضرغام الي گبال عيني وما اگدر المس شعرة منهم ومن جهة ذني البطرانات هنة وخباثتهن (تقصد نسوان العائلة الي يكرهوها ومن ضمنهن سرور) ومن جهة لاخ متوقعته أصلاً مشاعري وذيب الي دينشدن وحدة باللاخ وهنا المصيبة اذا انعگدن بعد ما اگدر إفك العگدة لان اكيد رح أتورط بشي المفروض ما أتورط بيه ابد بقيت راسي الي رح ينفجر من التفكير بين چفوفي واضغط عليه بلگي الالم يخف وردت اخلص تمشيط شعري المبلل لهناك وسمعت الباب يندگ زفرت نفس وسمحت للي عالباب انو يفوت وطلعت بهجة الي تقربت علية تباوسنة وسولفنة شوية وبعدين گلتلي شي گلب كياني من حچت انو جدي محارب طالبني بغرفته ما اعرف ليش هيچي بوگتها چانت ردت فعلي مبالغ بيها زين ليش هيچ دا ارجف ما اعرف اخذت نفس ونزلت جوة بالگوة واني احس رح اوگع من طولي من الخوف الغير مبرر رفعت ايدي الي دترجف ودگيت الباب ودخلت بعد ما اجاني صوته يأمرني بالدخول .