عشكت بت عمي الأربعينية

تكملت الفصل الرابع عشر

اسد العراق 👆
هاي اني 😅🤣😂

اي حبايبي شونكم شخباركم شكو ماكو

اتمنالكم الاستمتاع بالفصل

الكاتبة :

سكت الكل وبلعوها وحمدوا وربهم انو مچان اكو غريب بينهم ولا چان راحوا بالرجلين من بقية الزلم والنسوان بس عادت هالعوائل التلاثة انو وكت المهر بس العرسان واهلهم المقربين وبقية المرائب والمعازيم ينتظرون برة لحد ما يصيحون هلهلوا معناها تم كلشي على خير مثل هسة ما هلهلن النسوان على مهر خيال وسياف على زهور وفرح وكملها ذيب بعد ما صدمهم وگطع مهر گدام الكل على هيبة الي نزلتلهم كاملة مكلمة وصدمتهم ومن سألوها گلتلهم انو ذيب متفق وية الحلاقات الي اجني لزهور يجيون يجهزوها والفستان چان على ملاك وبهجة وچان فعلاً كلش حلو وبسيط بلونة الاسود النفطي المات والطويل ومغطى كلشي بيها حسب ما ذيب امرهن ومكياج طبيعي كلش حلو وبيه اسود يلوگلها كلش لهيبة بحيث طلعت آلهة الجمال واحلة وفعلاً عقدوا گدام الكل مرة لخ سكتت وچان رياكشنها كلش طبيعي بس ابتسامتها چانت چذابية ومبينة لذيب الي عرف بروحة هاي للمرة الثانية غصبها على الزواج بس ميهم ما طول يحبها ويموت على كل ذرة تراب او هوة تلمسها رح يخليها تحبة ومشة اليوم بهدوء طبعاً بعد ما ذيب دز سرور لبيت اَهلها وإلا چان اليوم انگلب جحيم عليهم ومن ثم عيب من الزلم لان هاي مخبلة واكيد مية بالمية رح تفضحهم بصياحها وخبالها على ذيب قدموا الاكل والكل اكل وشبع وصارت حفلة لان مو بس مهر واحد لا تلث مهورة بيوم واحد وعادي مخلت الگعدة من نميمة النسوان الي صارت أكثرها على هيبة وشلون وشگد عيب ومتستحي من تزوج واحد بگد ابنها وبعد وبعد وبعد حچي يخليك متطيق حتى روحك بس سكتت لان تحس فعلاً هية هيچي ضميرها ديانبها وعدو اليوم وهية مشافت ذيب بس حست بيه اجاها بالليل كلش بعد ما خلص شكم شغلة مهمة ونيم اسد وگمر حظنها وشمها وبأسها يلة نام وهية من التعب بين الجسدي والعقلي والنفسي نامت بسرعة ومحست على روحها وهيچي انقضى اليوم بين الحلو والمر وبس الله الي يعلم شضام (ماذا مخبئ) باچر وانتوا شتعتقدون شرح يصير باچر ؟؟

هيبة :

طلعت الشمس و أشعتها أجت على وجهي ساعتها حسّيت انو الصبح طلع جريت نفس واني احس بثگل على خصري ولحم جوة راسي مدين ايدي وتحسست هالثگل شفتها ايد ضخمة تذكرت ذيب اي هذا ذيب الي حاضني حسّيت بدفو بهذا الجو البارد حسّيت بدفو محسيت بيه من بعد حظن بابا الله يرحمه تذكرت من چان يجي من الجيش طاير علية يبوس ويحظن ويلاعب ويسولف وياي عبالك چبيرة مو جاهل واخر شي من يجي الليل شلون ينمومني بحظنه من اتذكر هالاشياء احس بحجر على صدري حجارة چبيرة كلش ومدتروح مني وما اعتقد رح تروح لان الي يفقد أهله يفقد روحه تبهذلت بعدهم حاولت أصير عنقاء واگوم من رمادي بعد ما احية بس شكلها متفيد ما طول اني هنا ببلد ذكوري مرح اگوف على رجلية ذبيت حسرة وحسيته ديتحرك وراية وبعدين رجع سكن شكلي اتحرك هواي ومچنت حاسة فلذلك اتململ درت عليه على كيفي لحد مصرت على جانبي الي خلة وجهي گدام وجهه بالضبط تمعنت بملامحه وتقاسيم وجهه يا جماعة ترة حچاية الصدگ تنگال هو مال حلو حلو چنة الچكليت ومچكنم (يعني وسيم) لا والله يذوب المقابيلة تذكرت عيونه ونضراته الي وبدة گلبي يدگ سريع الي يگول حصان هايچ لان شاف فارة جوة رجليه مدير چفي على وجهه وبديت امشي اصابيعي على معالمه گصته حواجبه رموشه خشمه وصلت يم شفايفه وجمدت مدري شصار بيه بقت أصابعي على شفايفه بس چفي يرجف وصخنت ونفسي ثگل والي يشوف إبهامي عباله راكبة جني خشبة صار بس المشكلة هاي العلامات مو مال خوف لا هالاحساس بعيد كل البعد عن الخوف وهذا الي چنت خايفة منة بدة عدي ربي ما اريد يصير الي ببالي بديت أسيطر على روحي شوية شوية لحد ما دا اريد اشيل إصبعي وما احس غير ذيب عاضلياه ما طلع صوتي وصحت من المي بگد ما فزيت نعنعلى بليسك يا ذيب شون خرتعني .