بين جنات السوسن(الجزء الثاني من سلسلة أقدار متشابكة)

الفصل السابع عشر

-وكيف للندم أن يكفكف الدموع

أو يعيد قلب أصيب بجروح-

**

-"اسف يا انسة بس مهما حصل انا مش هفصح عن معلومات المريض غير لحد قريبه من الدرجة الاولى"

قالها الطبيب بعند لجنات التى كانت ملامحها تنبأ بشر قادم،أخذت نفس عميق تحاول تهدئة نفسها فصديقها يرقد بالداخل وهذا الابله لا يريد الافصاح عن ما به لها،وبهدوء زائف قالت:

-"دكتور سليم أنا اللى مشغلاك فى المستشفى دى وممكن اطردك منها اتقى شرى احسن"

لكنه اعند من أن يذعن لأمرها لذلك أجابها ببرود:

-"ولو كنت وزيرة الصحة حتى برده مش هفصح عن معلومات المريض"

-"جنات سيبينى انا اعرف من سليم وهاجى اطمنك"

قالها طارق بتوتر ليس من قلقه على كريم بالتأكيد بل من قلقه على رقبته التى ستسافر إذا ما كشف أمره اليوم

كيف كان غبيا لدرجة أن ينسي أن يأمن نفسه من موقف مثل هذا.

-"قلتلكم محدش يتدخل"

صاحت هى فى من خلفها ومن ضمنهم طارق ثم امسكت بتلابيب معطف سليم وصاحت بحدة وعيناها قد اغرقت بدموع حبستها طويلا:

-"وانت هتقول كريم ماله والا..."

تدخل فريد ينقذ الرجل من بين يدها ويقيدها وسط صياحها به

لن تخسر احد اخر،لن تخسر صديق اخر،لن تستطيع الحياة إذا أصاب كريم مكروه..لن تستطيع.

-"اشرقت..كفاية عياط وروحى مع الدكتور قومى"

صاح بسام بحدة فى اشرقت التى لم تهدأ عبراتها منذ وقوع اخيها،وكالمغيبة نفذت امره كل هذا وفريد مازل يفيد جنات ويمنعها من الحركة.

تدخل بسام فأبعد فريد عن جنات بالقوة وبحدة قال:

-"سبها تروح مع اشرقت هى كمان من حقها تطمن على كريم"

وفى مكتب سليم كان يوضح لأشرقت حالة كريم:

-"دكتور كريم كان بيتعاطى دوا شديد ضد الاكتئاب..متعرفيش السبب؟"

نفت برأسها ليسألها هو عن بعض اعراض الاكتئاب كى يتأكد اذا كان كريم يعانى منه أم أن تعاطيه للدواء كان بهدف اخر.

-"انا مأعدتش مع كريم كتير بس الفترة اللى..اللى كنت بشوفه فيها مكنش بيبان عليه اى عرض من الاعراض دى"

قالها وسط شهقاتها لينهض سليم من خلف مكتبه ويجلس على المقعد المقابل لها محاولا التخفيف عنها طمأنتها:

-"بصى متخافيش هو هيفوق و هيبقى كويس..اعراض الانسحاب صعبة بس مش بصعوبة التعاطى..أنا بس مش عارف أيه اللى يجبر كريم أنه ياخد حاجة زى كدا..من خلال معرفتى بيه هو عمره ما عانا من الاكتئاب"