10 : المووهم طلعنا ركبت في عربيه وائل واتحركنا على المطعم، وقفنا قال لي ارح وصلنا ❤️ نزلنا وقعدنا وطلبنا، بعداك قلته ليهو قوول موضوعك. قال لي ياتو موضوع؟ 😐 قولته ليهو لا حول ولا قوة الا بالله ي حسبو مش قلت انك دايرني في موضوع؟ 👊🏽 قال لي اهاااا 😅 واللهي ي بيان م عارف اقولها ليك كيف 🙂💔 لكن... (طبعا انا بديت اكل وافتكرتو ح يقول انا بحبك 😂) قولته ليهو انجز في شنو قال لي من الاخر كده انا بحب اختك ودايرها بالحلال ✋🏽😑 طبعا انا شرررقت بالاكل وهو متوتر واتخلع لمن انا اتشرقت قال لي هاك دي مويه اشربي 😂 وشغال يضربني في ظهري قولته ليهو هوي انا م دربوكه عند ابوك اهجد خليني استوعب انت قلت شنو ✋🏽💔😑 قال لي اسمعي خليني اكمل اسأليها اذا موافقه، انا جاهز والله وجاادي، طبعا انا مصدومه وفرحانه وكل شي في نفس الوقت 😂 قولته ليهو والله ي وائل ليان دي م بلقى احسن منك ليها، قعد يتأحأح 😂 قولته ليهو م بتلقى واحد احسن منك بالظرافه 😒 قال لي ظرافه ولا اسد هيهيهي 😂🤦🏽♀️ قولته ليهو هوي خلاص ماف عرس ليك ✋🏽💔😂 قال لي لالالالالالالالالالا كلوو الا عرسي ياخ ليان دي بحبها شديد ولطيفه ولزيزهه 💕😻😻 قولته ليهو اشششي عالكلام بعدين انت عرفتها لطيفه ولزيزه كيف ي فالح؟ قال لي صراحه انا كنت براسلها لي كذا يوم لكن م جبت ليها سيره عرس وكده... قولته ليهو والله ده موضوع لكن هي اتوقع حتوافق 😁 قال لي جاده 😍 قولته ليهو طيب اسألك سؤال 😆 قال لي اها، قولته ليهو بتحبها من متين وانت اصلا م قابلتها؟ قال لي تتذكري لمن وريتيني صورتها؟ قولته ليهو اها ؟قال لي بس من يومها دخلت قلبي 😍💕 قولته ليهو اششي كلامك ده شاروخان م بعرف ليهو 😂😂 قال لي المهم لمن ترجعي فاتحيها في الموضوع قلت ليهو زابط لكن استعجلو لينا في العرس دايرين نهجج ياخ ✋🏽😆 قال لي خليها توافق اول 😒👊🏽 الموهم بلعنا اكلنا ولمن جينا طالعين قولته ليهو اصبر ماشه الحمام وجايه خليك هنا 😁 شلت شنطتي ومشيت على الكاونتر قلت ليهو عاين الولد اللابس رمادي داك ده تشيل منو القروش 😂 دبستها فيهو 😂😂 طلعت بره جا وراي قال لي شكيتك لي الله وحقي عندو 😂😂🤦🏽♀️💔 وطلعنا ❤️ وائل وصلني مواقف المستشفى ركبت سيارتي ومشيت على البيت، وكل م اتذكر كلام وائل اضحك 😂 لكن فرحانه عشان اوختشي حوبعومري حتعرس وحتتفك من اللي اسمو مهند ده 💜💜 المهم وصلت البيت لقيتهم بشربو الشاي كلهم قلت ليهم لمة في الحرم ان شاء الله قالو لي تعالي اشربي قلت ليهم شووكرا لكن هسي اتغديت والله وماشه اخد لي نوومه، طلعت فوق استحميت وجيت دايره ارقد بس جوالي دق، رديت قلت الو؟ قال لي هلا هلا بيان؟ قولته ليهو ايوه بيان معليش م عرفتكك انت منو؟😅 قال لي اووه معقوله ياخ؟ معاك احمد ي بيبو 😁 قولته ليهو اها معليش ياخ قال لي ولا يهمك، اخبارك انتي كويسه؟ طمنيني عنك، قولته ليهو اي كويسه الحمدلله انت كيفك؟ قال لي بعد م سمعت صوتكك بقيت كويس 💕 اتلخبطته شديد طبعا 😂 المهم قعدت اتونس معاهو زي ربع ساعه كده،والله طلع زوول ظريف شديد ❤️ بعداك رقدت نمت، نمت حكايه ساعه ونص كده نزلت تحت لقيت خالتو منيره بتعمل في العشاء، جيت اساعدها قالت لي لا ي بتي انتي امشي ارتاحي كفايه الليله عملتي لينا الفطور، قولته ليها ي خالتو انتي كده بتزعليني شديد، معليش لكن لازمني شغلة اقضيها انا من النوع اللازم يكون في يدو حاجه يعملها ولا بموت 😂 قالت لي طيب خلاث شيلي ماعون الخدار داك وامشي قطعي السلطه، قولته ليها طااايب ، شلت البتاع داك ومشيت الصالون وقعدت اقطع واكل 😂، وكل م يجي زول ماري بياكل وبمش 😂، الموهم عملنا العشاء وقعدنا نتعشى، بعد م خلصنا عشاء قاعدين نشرب الشاي، قولته لي حسام اسمع دايره اللابتوب بتاعك 😗 قال لي دايره تعملي بيهو شنو 😒 قولته ليهو دايره ارقص بيهو 😒 دايره استعملو يعني حيكون شنو مثلا؟ سغيل 😒 قال لي عشان لماضتك دي ماف ليك لابتوب 👊🏽💔 حلا قالت لي م تشتغلي بيهو انا بديك حقي 💕 بوستها على خدها وقعدت اتكلم بصوت عالي واعاين لحسام : حلا ياخ انتي ماف زيكك بوووكره اليوم ليك بفسحك واغديك واعشيك وتشتري العايزاهو على حسابي 😍 قال لي حسام انا المطلوب مني شنو هسي 😒👊🏽💔، حلا قالت لي ارح الغرفه، طلعنا غرفتها قالت لي ثواني اطلع ليك اللابتوب، طلعتو لي قالت لي دايره تعملي بيهو شنو؟ قولته ليها دايره اشوف لي حجز عشان امشي ازبط اموري في لندن، قالت لي لازم تمشي ؟ 😿 قولته ليها اي لازم، قلت ليها الليله يوم كم؟ قالت لي الليله 9 اغسطس، قلت ليها لقيت حجز يووم 15 كويس؟ قالت لي اوكيه كويس، حجزت لي ولي بابا، قلت ليها يووم 15 حضوور 6 اقلاع 9 ونص، قالت لي لكن حاشتاق ليك 💔 قلت ليها انا زاتي حاشتااق ليكك وشديد كمان، قالت لي اسمعي خلينا نتصارح 😆 قولته ليها اششي عاين قالت تصارح اها قولي ي هنايه، قالت لي م عندك زول في راسك؟ او بالاحرى في قلبك؟ قولته ليها نو' قالت لي متأكده؟ قولته ليها متأكده ونص وخمسة اصلا الرجال طلعت نفسي منهم بعد سامي 💔 غيرت الموضوع قلت ليها اها انتي؟ عوجت لي خشمها وقعدت تعاين هنا وهناك، قلت ليها ياخ قولي انا مش زي اختك؟ اتطمني الكلام م حيطلع من الغرفه دي، قالت لي احم اسمعي عندي صاحب حسام انا، انا... قولته ليها انتي مكسره ومنبرشه قالت ومدردقه فيهو 😂 قلته ليها قصدك احمد؟ قالت لي لالا واحد تاني اسمو مراد 😍 الاسم براهو يقول ي ليل ياخ ي بيان اكان شوفتي غمازاتو وااااي منو العجب اللحيه 😍❤️ قولته ليها حالتك صعبه ي هنايه، لكن بتحبيهو موش؟ قالت لي بحبووو ؟ ياخ انا بعشقوووووو 💜 لكن م حيعاين لي، 💔 قولته ليها ئه انتي مليووون واحد يستاهلك وكلهم احلى من مراد اكان عاين ليك او لا مفروض م يفرق معاك صح؟ قالت لي صح 😔 قولته ليها بس كده كويس وهسي خلي بالك في قرايتك خلاص انتي بت فاينال لازم تقري، واسمعي، هدية بكرة لسة سارية المفعول 😂 قالت لي اي عارفه ، المهم قعدنا نتونس شويه بعداك نزلنا ، عمو محمد قال بما انو ابوي حيخرجوهو من المستشفى نعمل ليهو كرامة، قولته ليهو م مشكله البتشوفوهو كويس اعملوهو، خالتو منيره كلمت حسام يجيب ليها حاجات من السوق، حسام قال داير يعزم اصحابو، لمن قال كده حلا قعدت تقرص فيني 😂 كملت لي لحمي الله يازاها، المهم قعدنا عديناها نضافه يومنا داك مع انو جابو ليهم بت تنضف ليهم لكن قلنا نساعدها، المهم خلينا البيت يسوي كدي 👋🏽😂، حسام قال لي لو بتعرفي تزبطي شيه سويها عليك الله ومعاها شطه كده زابطه لكن لو ما بتعرفي النبي م تحاولي م داير احراج مع اصحابي 💔🌚 قولته ليهو حريقه فيك انت وأصحابك يلا ماف ليكم لاشيه لابطييخ👊🏽 المهم رقدنا نمنا.
