19 : ،قال لي ي بت الناس احمد ده حصل ليهو حادث ولقينا اسمك في سجل المكالمات واسي جابوه الخرطوم، قولته ليهو نعم؟،قال لي السمعتيهو،انحنا اسي في مستشفى...، لو بتقدري تجي تعالي،انا جدعت الجوال بعييد،ومسكت راسي،وجاتني لفه راس،وفجأة قعدت ابكي،خالتو جات شافتني في الحاله دي،هي بتتكلم معاي وانا في عالم تااني خااالص 💔،نادت عمو وحسام،قالت ليهو شوف البت دي مالهاا!،انا على طوول قمت جريت، اقرب عبايه لبستها وشلت مفتاح السيارة وطلعت،حسام جا لاحقني شافني مشيت بالسياره قام ركب سيارتو ولحقني "اكشن"، لمن حسيت اني تهت قعدت ابكي"غباء" ،بعداك قلت اسأل الناس الماشه دي، سألتهم من المستشفى وووصلت،واللهي م عارفه روحي وصلت كيف،نزلت ومشيت على الطوارئ،لقيت اهلو هناك،ماجد ماموجود!،سألت ريم،قالت لي دخلوهو غرفه العمليات 💔، قالو حصل ليهو نزيف داخلي حاد في الرأس 💔😭،قولته ليها وامك وماجد وين؟، قالت لي امي من ما قالو ليها احمد حصل ليهو حادث وقعت واسي مرقده،ماجد دخل معاهو 💔،وقعدت تبكي،خالد قال ليها ريم،م ردت،ضربها كف قال ليها ريم!!، المستشفى كلو قعد يعاين ليهم، قال ليها احمد حيطلع كويس،اخوي وبعرفو،احمد قوي ي ريم،احمد... قبل م يكمل كلامو جا ماجد طالع من غرفه العمليات، وقميصو ملياااان دم 💔، وقعد في الارض يبكي، خالد قال ليهو ماجد في شنو،م رد، قال ليهو مااجد بتكلم معاك في شنو،ولسه ببكي،قمت مشيت عليهو ولزيت خالد وطااخ ضربت ماجد كف،والله انا دموعي دي م ناويه توقف،قعد يعاين لي، قولته ليهو بنتكلم معاك نحنا احمد ماااالو!!!!!!،قال لينا احمد ماات 💔، بس اللحظه اللي ريم تصرخ فيها،وانا طبعا دخلت عالم تاني، وبقيت بشوف طشااش طشااش 💔😭،ووقعت،صحيت لقيت حسام وخالتو منيره وعمو محمد وليان ووائل واقفين، حسام طبعا قاعد ببكي لانو الاتوفى ده صحبو،قولته ليهو حسام احمد وين،م برد، قولته لي وائل احمد وين، ليان قعدت جنبي قالت لي بيان، احمد اتوفى ي بيان،اتوفى!، انا بعاين ليها كده 😶، عايزه اقوم من السرير قعدتني قالت لي م حتقدري تعملي حاجه ي بيان 💔،م حنقدر نرجعو ي بيان خلاص يومو جا، انحنا بس العلينا ندعي ليهو،حضنتني قالت لي حاسه بيكك والله حاسه بيك وقعدت تبكي💔، قعدت اصرخخ واعضض في طرحتي وابكي في نفس الوقت "عواره لكن من حقي اعمل كده"، قالت لي قومي نغسل وشك واتوضي وصلي ركعتين، مشيت الحمام غسلت وشي واتوضيت وصليت،قلت ي ربي ليه كل مره بخسر من الناس البحبهم؟! 💔،ليه ي ربي بتاخدهم مني كدا؟ يعني ماف غيري في الدنيا دي بتاخد سعادتو في لحظتها؟!! احمد الكلمه الكان داير يسمعها مني انا،مشى قبل م يسمعها،بعداك قلت استغفر الله، قلت لي روحي دي كلها امتحانات من ربنا عشان يشوف صبري في المواقف دي ❤️،ليان جات داخله قالت لي بيان م صاح منك لازم تمشي ناس الفراش، قلت ليها انا كنت بفكر كده برضو يلا نمشي،مشينا على بيت ناس احمد لقينا كمييه عرباات بره،دخلنا جوه لقينا الرجال بركبو في الصيوان،دخلنا البيت، كان عباره عن كئابه،بكى،زعل،لون اسود،ريم دي بقى لون وشها احمر عديل وعيونها مورمات من البكى،وامو برضو بس بتبكي،مسكت ريم وحضنتها قوووي 💔،قالت لي اخوي الحنيين فات وخلاانا ي بيان 😭، تاني البطبطب علي منو ي بيان،تاني البقول لي م تفعلي داك وم تسوي داك منو ي بيان اححي ي قلبيي 💔💔،انا بس ببكي وبسمع،ومسكت في امها وبكييت لمن صدعت،قولته لي ريم انا مصدعه عندك بندول؟ قالت لي اي عندي في غرفتي،مشيت معاها ادتني ليهو ومشت،لمن جيت طالعه، سمعت صوت بكى من واحده من الغرف،الباب كان مفتوح،دخلت كده القى ليك ماجد ماسك ليهو قميص كده وببكي فيهو!! 💔، قولته ليهو ماجد؟ عاين لي وجا وقفل الباب في وشي!!،قلت ده مالو اسي؟ يمكن مأثره عليهو وفاة اخوهو،نزلت للمطبخ قلت اساعد الناس بدل اقعد سااي كده،قاعدين نرص في صواني المويه والعصير جات ريم داخله قالت جابو الجثمان ي بياان 😭💔،بس في اللحظه دي جاني هبووط 💔،مسكت فيها قلت ليها قعديني م قادره اقيف،قعدت معاي شويه،وطلعو الجثمان ومشو المقابر على طول،قعدنا اسبوع على الحاله دي،وانا م مشيت المستشفى،مبيته معاهم وبساعدهم برضو،ماجد مختفي،من ما طلعو الجثمان تاني ماف زول شافو،ولجين قاعده معانا،والبيت عباره عن كئابه في كئابه،ضحك زي زمان مافي،ريم م بتمشي الجامعه،خالد مواصل جامعتو لكن برضو حالتو سيئه،ريم بقولو ليها امشي الجامعه بتقول م دايره اقرا زاتو 💔،بقيت بحنس فيها اسبووعييين!!،لحد ما في التالت اقتنعت ونزلت جامعتها،بس باقي ماجد المختفي،يعني م معقوله يخلي بتو ويمشي!!،لجين في الفتره دي صاحبتها شديد ❤️،وبجيب ليها العاب وشوكلاتات وبنومها معااي،بقت بتقول لي ماما عديل 💔،مع انو انا م امها لكن يلا،وطبعا بنوم في غرفه ماجد لانو فيها سرير لوجي ❤️،في يوم بالليل انا كنت نايمه ومرقده لجين جنبي،احس ليك بي حركه زول في الغرفه، طبعا جاني فشل كلوي ومرض في القلب وحسيت قلبي حيشرط صدري ويطير من الخوف 😂،طلعت راسي بالبطانيه اشوف ليك الزول ده بغير في ملابسو!؟،قمت مسكت وصلة الشاحن وقمت شوويه شويه،وطااخ اضربو ليك في ضهرو 😂،وصرخت : ياا حرااميي ي حيوااان اطلعع براااا 😱،اللحظه الزول يفتح ليك فيها النوور ويطلع ماجد!!!!!،تن ترارا تن تن 😂،قال لي بياان؟؟، بتعملي شنو في غرفتي 😡،ولمس ضهرو وقال احي وضارباني ماالك اسي؟،قولته ليهو بعمل في شنو؟ حضرتك مختفي ليك شهر وبتك مخليها براها؟ وامك وابوك واخوانك محتاجين ليك؟؟ لو اختفيت عشان نفسيااتكك ف دي م حاجه تستاهل تمشي عشانها تمام؟ امك فقدت قطعه منهاا فاهم يعني شنو قطعه منها؟ ومع ذلك صابره عشان م تحسسكم انها زعلانه، وبتك، وانا قاعده معاها الفتره دي كلها وبأكل وبشرب فيها ومخليه شغلي عشان بتكك، عشان في الاخر حضرة سيادتك تجي وتقول لي بتعملي في شنو؟ السؤال ده اسألو لي نفسكك 🖐🏽،و ي زول لو مضايقاك قعدتي مع بتكك انا مااشه،ومشيت لي غرفه ريم لقيتها بتقرا قلت ليها بنوم معاك الليله،قالت لي ولوجي؟؟، قولته ليها تصدقي لو اقول ليك ماجد في الغرفه؟!، قالت لي نعم؟ وجرت على غرفه اخوها، شويه كده تجي راجعه وميته ضحكك 😂،قولته ليها مالك؟ قالت لي م بصدق ضربتيي مجوودي 😂،قدرتي عليهو كييف،قولته ليها محسساني انو هو جون سينا 😒،يلا اتخمدي نومي،قالت لي م جايني نوم،قولته ليها اها طيب،اصلا كنت دايره اعزمك فطور بره وكده واوصلك الجامعه لكن شكلي حاكنسل الموضوع،قالت لي لالاااا كلوو الا فطوري خلاص نوومته 💔،المهم اليوم التاني قلت برجع البيت،طبعا امي وابوي جو ايام العزاء وتاني رجعو،وصلت ريم الجامعه ومشيت المستشفى طوالي.
