21 : في بيت ناس خالتو جميله،ماجد جا نازل،امو قالت ليهو ماجد،ي ولد ماجد،تعال اقعد ونسني ياخ،قال ليها ابششري م يونسكك الا انا 😘،قالت ليهو اها امور المستشفى وكده ماشه معاك كيف؟ قال ليها تمام الحمدلله،قالت ليهو راجع بيتك؟،قال ليها اي ان شاء الله الليله،قالت ليهو م تبيت طيب،قال ليها م بقدر والله،قالت ليهو ولجين حتخليها مع منو ي فاالح 😒،قال ليها بتصرف،قالت ليهو اوعى تقول لي حتجيب ليها افراح ديك،قال ليها م عارف ي امي م عاارف 💔،قالت ليهو ماجد،م عندك نيه تتزوج وتجيب ام لي لجين الصغيره دي؟بتك دي مسكينه ياخ،وافراح دي م مسؤووله ابداا وانا وانت عارفين الكلام ده،قال ليها اها والمطلوب،قالت ليهو اششهد ان لااله الا الله وان محمد رسول الله ي ولد الكلام ده الله م قدرك تطلع منو بي حاجه؟،قال ليها يعني دايراني اتزوج،قالت ليهو اي اتزوج،م مهم انك تحبها والكلام ده لكن على الاقل تخلي بالها على بتك ي ماجد،و ماريا دي م تأمن عليها اابدا،قال ليها طيب ي امي بشوف،اسي انا طالع،دايره حاجه؟ قالت ليهو بس دايراك تفكر في الموضوع ي ولدي تمام؟ باسها في رااسها وقال ليها حااضر 😘،يلا مع السلامه،وطلع.
بعد اسبوع كده،دقت علي لياان وهي مببسوووووطهه ،قالت لي بيااااااان حتبقي خاالهه 😻💓،قولته ليها لأ م بصدق واااااااي ي ليااان بججد م بصدق مبروووك يااخ 😻 " بجد ولا بحبوبه 🐸،مزن ج. كيفتمام 😂" ،قالت لي انا زاتي م مصدقه اسي دي جينا من المستشفى ووائل داير يطيير من الفرح اكان شوفتيهوو ❤️، ياخ لمن عرف اني حامل حضني قدام الدكتوره ياخ الدكتوره لمن خجلت 😂، قولته ليها ي حليلو اديني ليهو لو جمبك،قالت لي دخل يستحمى،قولته ليها اها شعورك شنو وفي قطعهه من وِلي جواكك 😻،قالت لي خايفه والله،قولته ليها كيف يعني خايفه؟!،قالت لي وائل اغلب الوقت بره البيت،لو حصلت لينا انا والبيبي حاجه انا اعمل شنو 💔،قولته ليها لالا ياخ عادي الخوف ده،وبعدين انتو في الدوحهه بلااد الاماان سامعه!!،يعني حراميه زي هنا دي ماااف هنااك تمام؟ عشان كده اتطمني ي ستي ❤️،قالت لي اتصلي علي كل يوم بالاسكايب تمام 😿،قولته ليها من عنووني،يلا بااي ي ماما المستغبليه ❤️.
في بيت خالتو جميله،ماجد جا نازل،امو قالت ليهو تعال اقعد معاي شويه،جا وقعد معاها،قالت ليهو م فكرت في الموضوع؟،قال ليها فكرت،قالت ليهو اها؟،قال ليها موافق،قالت ليهو عين العقل ولدي سيد الرجال 😻،وانا اخترتها ليك لاني عارفها بتتحمل مسؤوليتها،قال ليها اها سعيدة الحظ منو؟،قالت ليهو اانت عارفها م تستهبل،قال ليها والله م عارفها منو،قالت ليهو بيان،الكانت خطيبه اخوك الله يرحمه،قال ليها عليك الله ي امي م لقيتي غيرها 😒؟،قالت ليهو ومالها اسي،عيبها لي عليك الله!،خلقه واخلاق ماشاءالله،قال ليها اللهم طولك ي روح،اها وهي موافقه يعني؟،قالت ليهو الليله قالت جايه بفاتحها في الموضوع الليله 💓،قال ليها خلاص انا طالع ماشي المستشفى عندي اجتماع،لجين في غرفتي ولاا وين؟،قالت ليهو لالا خليتها نايمه مع ريم انت امشي،وطلع.
في الجانب التاني،كنت بتجهز عشان امشي المستشفى بعداك امشي بيت ناس خالتو جميله،حلا جاتني في الغرفه قالت لي ي بيبو مرادي عازمني غداء 💓😻،قولته ليها اها والمطلوب؟،قالت لي عايزاكك تمكيجيني،قولته ليها غايتو نحنا لينا الله وقعاد المظله ي انتي 😒،ارح اقعدي،مكيجتها ولبست وشويه كده طلعت، انا لبست وعاينت لروحي في المرايه،قلت اسي فيها شنو لو اتمكيجت وبقيت زي اي بت 😂،مكيجت روحي وطلعت حلااتي 😍،قولته لي نفسي في المرايه بحبك ي انا 😂،وطلعت على المستشفى،لمن وصلت الممرضه قالت لي في اجتماع في غرفه الاجتماعات،قولته ليها المناسبه؟،قالت في دكتور جديد جا هنا،قولته ليها تمام 💓،طلعت فوق لقيت الاجتماع لسه م بدى والناس ياداب دخلت،دخلت وقعدت وبدى الاجتماع، وماجد اتكلم "لانو رئيس هيئه الاطباء"،وقال : السلام عليكم ي جماعه،اولا نهاركم سعيد 💜،تاانيا بحب ارحب بي صاحبي وزملينا الجديد الدكتور : كرم عبدالقادر اخصائي اوعية دموية جانا من بورتسودان،ونتمنى ليهو اقامه طيبه عندنا 💓 "اقامه ولا رقم وطني 🐸"،بعداك الناس قامت تسلم عليهو وتتعرف عليهو اكتر وكده،مشيت سلمت عليهو وماجد كان واقف معاهو،قال لي هلا هلا،قولته ليهو اهلين والمستشفى منور بيك،قال لي م هو اصلا منور بيك ي حلوه 😉،اتخيلو بهذا الاسلوب!!،قولته ليهو ههه شكرا،قال لي المزه اسمها منو،بلعت ريقي وقولته ليهو بيان 🙂،ومشيت منو،هو واحد يعني م سمح السماحه ديك،لكن صغير،عمرو بكون 28 سنه كده،وبرضو م بطمن،صراحه بطني طمت منو 😖،لمن مشيت قال لي ماجد انا م اتحولت هنا من زمان ليه 😆،قال ليهو كرم احسن ليك خليك في ادبك،حركات الجامعه ديك سيبها تمام؟،والبت دي اوعك تقرب عليها فاهم؟،قال ليهو ي مجوود مالك اسي،شكلو البت عاجباك ولاا شنو يااخ،لكن النصيحه مززه ي انت 😍،ماجد قال ليهو كررم 😒،قال ليهو خلاص اها سكتت.
اها خلصت دوام في المستشفى وماشه امُر ناس خالتو جميله،كالعاده شلت معاي شوكلاتات وحاجات كده بنحبها انا ولجين 💓،ومشيت ليهم،دخلت البيت وسلمت عليها،وسألتها من لجين قالت لي بتلقيها مع ريم في الغرفه،فجأه جات ريم نازله ومعاها لجين،قالت ويمكن ريم دي جايه اسي 💓،سلمت علي واديت لجين حاجاتها،ريم قالت احم يوجد خيانات كبيره 😿،قولته ليها م نسيتك ي قلب امسكي،قالت لي ماشه اعمل لينا شاي حليب بالجنزبيل وعاملين كيك ي سلاااام 😋،بعد م مشت،خالتو جميله قالت لي ي بيان،انتي زي بتي واكتر والله،وانتي وريم عندي وااحد،وانا ي بتي بعد م لقيتك م بقدر اضيعك والله،لانو البنات الزيك م بتلقن بي سهوله "احم"،قولته ليها في شنو ي خالتو 😕،قالت لي ي بتي لو اقوليك تعرسي ماجد ده بتعرسي؟...
