22 : خالتو جميله قالت لي ي بيان،انتي زي بتي واكتر والله،وانتي وريم عندي وااحد،وانا ي بتي بعد م لقيتك م بقدر اضيعك والله،لانو البنات الزيك م بتلقن بي سهوله "احم"،قولته ليها في شنو ي خالتو 😕،قالت لي ي بتي لو اقوليك تعرسي ماجد ده بتعرسي؟،قولته ليها اعرسو ؟!،قالت لي اي،قولته ليها والله ي خالتو م اظن تاني يكون لي فرصه،قالت لي كيف يعني م يكون ليك فرصه؟،قولته ليها يعني اااا اني مريت بي علاقتين،ولا واحده فيهم نجحت،يعني سامي الكنت مستعده اكمل معاهو،يطلع متزوج اصلا،واحمد الله يرحمو،على اساس انو يبعدني من الحصل،لكن هو البعد مني ي خالتو،خايفه تاني ادخل لي في علاقهه وم تنجح 💔،وم تكمل،والزول الحيكون معاي بخاف اخسرو!،قالت لي لا ي بتي م تفكري بالطريقه دي،دي كلها امتحانات من ربنا عشان يشوف صبرك في المواقف الزي دي،وبعدين لمن تصبري حيجيب نتيجهه وربنا ببعت ليك الهديه حقتو،ي بتي اسي ماجد محتاج بت زيك،تمسكي ليهو بتو ويأمنك عليها،وتخليها زي بتك،لمن ماجد كان مسافر انتي قعدتي معاها واتعلقت بيك لمن بقت تقول ليك ماما بيان!،لكن في الاخير مهما كان قرارك انا بحترمو وانا م حاغير نظرتي تجاهك اابدا،وحتلقيني دايما واقفه معاك،بعداك سكتت، ابتسمت ليها،شويه وجات ريم ناطه وشايله صينيه الشاي،قالت ي سلاام شاي الجنزبيل ده احلى منو مفييش💜،شربنا الشاي وقعدت معاها شويه وطلعت.
لمن وصلت البيت ليان دقت علي سكايب،كانت ماسكه ليها سنكرز وبتاكل فيها،قولته ليها نوونهه مشتااغوون ياخي،قالت لي بالاكتر والله 💓،اها عامله كيف انتي،قولته ليها اخ لو تعرفي الحصل،قالت لي في شنو؟،حكيت ليها،قالت لي اها؟،قولته ليها اها شنو؟،قالت لي شنو يعني الشنو؟شنينه ام قرينات 😒،وافقي حتخسري حاجه يعني،ي بت دي فرصه ياخي،انا اسي لو لقيتو ببدلو بي وائل على طول 😂،قولته ليها عليك الله اسي وائل ده واحد ببدلوهو،اصصبري بوصل ليهو الكلام اسي دي،قالت لي م علينا،ولسه بتاكل في السنكرز،قولته ليها دي شنو السنكرز الما بتخلص دي؟،رفعت لي صندوق،ونصو مافيش 😂،قولته ليها ي بت انتي هبله 😂،قالت لي مالي؟،قولته ليها دي موته لا اكلت لا شربت،قالت لي بتووحم 😂،قولته ليها باللهي؟،قالت لي واللهي،قولته ليها بيبينك كيف؟بتمشي للدكتوره؟،قالت لي الخميس ده مشينا،كل م يفضى بجهز وبمشي معاهو المستشفى،قولته ليها كويس،قعدنا اتونسنا طويل قريب ال3 ساعات،في الاخير قالت لي وافقي ي بيان تمام؟،م تكسري بي خاطر خالتو جميله،عليك الله وافقي،قولته ليها تمام بشوف،يلا امشي كملي سنكرزك دي،وقفلت على كده.
في بيت خالتو جميله،عبدالله جا داخل،سلم عليها وقعد معاها،قال ليها اها بيان جاتك؟،قالت ليهو اي جاتني،قال ليها اها وقالت شنو؟،قالت ليهو شكلها م موافقه،اتكلم معاها انت،لو اتكلمت معاها يمكن تقتنع،قال ليها بالغصب هو يعني؟،قالت ليهو م كده لكن لو م اقتنعت نخلي البنيه في حالها،قال ليها سمح،بتصل عليها وبشوفها،قالت ليهو ان شاءالله توافق،قال ليها ان شاء الله،ومشى منها.
مر اسبوع،وفي يوم كنت بصلي،جوالي دق،خلصت ولقيت المكالمه قفلت،والرقم غريب،تاني الرقم رجع لي،رديت،قال لي معاك عمك عبدالله،قولته ليهو اهليين عمو كيفك؟،قال لي تمام الحمدلله،انتي كيفك ي بتي،قولته ليهو تماام الحمدلله،قعد يتونس معاي كداا بعداك قال:ي بتي اظن خالتك جميله كلمتك بالموضوع،قولته ليهو ياتو موضوع؟،قال لي موضوع انك تعرسي ماجد وكده،قولته ليهو اهاا، لكن انا... قاطعني قال لي اي عارف اديتيها ردك،لكن اسمعي مني الكلام ده،قعد يقنع فيني حكايه ساعه 💔، في الاخير قال لي ي ريت لو بتغيري قرارك،صراحه الراجل اتكلم معاي كلام كتيير بعد ده عيب ارفضو واقول ليهو لأ، من غير م احس قولته ليهو طيب ي عمو انا موافقه 💓،قال لي بالجد؟!، استوعبت انا قولته شنو بعداك قولته ليهو اي،قال لي ربنا يبارك فيك ي بتي ويسعدك ويتمم ليك على خير،"م بتتخيلو قدر الفرحه الحاسي بيها هو 💕"، قال لي وانا حأتصل على ابوك واشوف بقول شنو،قولته ليهو تمام،بعداك قفلت على كده،فكرت كده ووعيت وعرفت انا عملت شنو 😨💔،يانهار اسوووودد،اسود شنو ده مفحم عدييل 😂.
