18 : دخلناها الغرفه،مسافه نص ساعه كده النتايج طلعت،لقينا انو صحي في مشكله،فعلا قلب الام بحس بأي شي ❤️،طلع البيبي عندو زي ورم في الراس،والمشكله م هنا،المشكله انو اذا اتعملت العمليه وااحد بس بطلع حي، اما رشا،او بتها،او م تتعمل ليها ويموتو الاتنين بعد 4 اسابيع،مشينا كلمنا حمد وطبعا م قدر يتحمل وقعد يبكي زي ولد عمرو 7 سنين 💔،شروق قالت ليهو اصبر بس،وم تبكي،رشا لو شافتك كده ممكن تحصل ليها حاجه،خلي ايمانك بربنا كبير،وان شاء الله بنحاول نطلعهم الاتنين سليمين،انت بس خليك صابر،يلا ندخل جوه،دخلنا جوه وحمد قعد وغطى وشو بيدينو،حكينا لرشا،قالت لي كنت عارفه وحاسه،ودموعها نزلت، مسحتهم سريع وقالت : طيب وحنعمل شنو،عاينت لي شروق وهي عاينت لي، قولته ليها حنعمل عمليه،قالت وبعدين؟، قولته ليها ي اما واحد من الاتنين،تطلعي انتي حيه،او بتك،قعدت تضحك!!!،انا وشروق بقينا عاملين كده 😳،قالت واذا؟ اعملو العمليه وبتي تطلع منها، اتس ايزي ي بيبي، شروق قالت ليها رشا انتي واعيه وعارفه روحك بتقولي في شنوو؟؟،قالت ليها اي،مش بقولو الام ممكن تضحي بي حياتها عشان أولادها؟ انا عايزه اعمل كده لبتي،قولته ليها رشا الفهم الفي بالك ده اكتبيهو وبليهو واشربي مويتو تمام؟ انحنا حنعمل العمليه وانتو الاتنين حتطلعو منها كويسين تماام؟؟!!، قالت لي ونسبه نجاح العملية؟ قولته ليها على الاغلب 30%،قالت لي تمام،حنعمل العمليه متين ؟شروق قالت ليها بعد 3 يوم،قالت موافقه،عاينت لي حمد،قال لي نتوكل على ربنا بس ❤️،قعد جنبها ومسك يدها وقعد يبكي،وهي التفت على الشباك وقعدت تبكي،طلعنا انا وشروق،قالت ي حليلهم والله م بستاهلو، واضح انهم بحبو بعض،واللهي انا انبرشتهه واتدردقته في الراجل،عاد ي يمه الشيب يخلوهو ليهو، العجب طولو، احيي انا،اريتو حالي مع راجلي ي يمه 😂،طبعا شروق دي وحده عمرها 38 سنه "اي بايره 😂" كلبوظه كده وعسسلل وبتتضحككك لمن تمسكي بطنكك ❤️،قالت لي ارح انا جوعانه،م اكلت لي 5 دقايق،قولته ليها ماشاءالله دي بطن ولا تريلهه؟، قالت لي اسكتي بس يختي، زاتو انا بقيت في مرحله الخطر،دايره انزل وم دايره انزل، عندك حل؟ قولته ليها لو لقيتي حل احشريني معاك 😂.
مرت تلاته ايام،وجا يوم العمليه،كانو اهل رشا وحمد كلهم قاعدين،المستشفى كان ملياان،عمات على خالات على اعمام على خيلان،على حبوبات!،واي زول بمسك في التاني وببكي،التقول بتهم دي تاني م حيشوفوها!،جا زمن العمليه،وحمد حالف كان يفك يد رشا،وحتى هو لبسها ملابس العمليه،دخلنا انا،وشروق،وماجد، ومعانا تاني دكتور اسمو علي،قبل م ندخل رشا قالت لي حمد لو م طلعت من العمليه هاك امسك،وطلعت ليهو خاتمها،قال ليها رشا بطلي حركات الهنود دي 😒،قالت لي لو اضطريتو تختارو بينا،اختارو بتي تمام؟حمد قال لي م تشتغلي بيها،رشا اسمعيني،م مهم لو جبتي اولاد ولا م جبتي تمام؟،انا م متزوجك عشان تجيبي لي اولاد،ان شاء الله تقعدي خمسين سنه لي قدام وم تجيبي اولاد،ده م بهمني ابدا،بكفيني انك معاي،وانتي م سمعتي كلام الدكاتره؟،قالو بحاولو يطلعوكم الاتنين، يعني انتي وياسمين ح تطلعو كويسين،حمد كان بقول في الكلام ده وعيونو زي الجمر،دموعو ماسكهم بالجلاالهه 💔،دخلناها العمليه،قريب الـ٥ ساعات ونحنا جوه،حصلت مشاكل جوه،لكن الحمدلله،الاتنين طلعناهم كويسين ❤️،لمن كلمنا حمد لمن قعد في الارض، قعد يبكي،ابو حمد قال اطلبو اي شي،اي شي دايرنو، قلنا ليهو ولا شي ي عمو،اهم شي انو رشا وبتها كويسين، شروق قرصتني قالت لي بصوت واطي هبلهه انتي والله انا لو مكانك بختار واحد من اخوانو وبعرسو 😂، اكيطبعا رشا كانت في اخر الشهر التامن،ف شروق قالت نولدها قيصري مره واحده،وولدت وجابت ياسمين 💜،ياسمين رقدناها في العنايه المكثفه عشان لو حصلت مضاعفات نكون جنبها،وحتكون قاعده في المستشفى مده شهر،.
عدى الاسبوع،وليان ووائل جو ❤️،عاد لكن مبسوطين بسطه،الابتسامه ي يمه لي اخر ضرس 💓،قعدو في شقتو على بال م يخلص إجراءاتو و يسافرو،الموهيم،احمد قال العرس بعد 4 شهور،ووبدينا في التجهيزات وهيك،بعد اسبوعين من الكلام ده،احمد قال مسافر،بورتسودان،رحله عمل وكده،قال ماشي اسبوعين وبجي،قبل يوم السفر قال عازمني غدا بره،المهم اتجهزت ومشيت واي شي،وواكلنا وحلينا،وطبعا بشحدني شحده عشان اقول ليهو الكلمه ديك 😂،وانا من النوع التقيل البتعرفوهو طبعا 🙆🏽♀️،بقول لي اي اتقلي اتقلي لحدي م اتشلب منك،قولته ليهو انا م بتتشلبش مني حاجه ي بيبي 😉،قال لي ننننننننننن تقيله 😒،قولته ليهو زيدني مويه ببقى خفيفه 😂💔،المهم جا يوم السفر وهيك، وودعتو وسافر،بس الغريب احمد كان محسسني اني تاني م حاشوفو!!،وانا زاتي قلبي مقبوض،قلت برقد بنوم يمكن ارتاح،في الحلم شفتو،قال لي خلي بالك من نفسك،انا تاني م راجع،ومشى، وانا بحاول الحقو وم قادره 💔،قمت من النوم ولعنت الشيطان وصليت ركعتين،ولسه م ارتحت!،الكلام ده الساعه 7 بالليل،زي الساعه 9، قاعده مع ناس عمو، دق علي احمد،قولته ليهو شكلك نسيتني 😒،زول تاني رد،قال السلام عليكم،قولته ليهو احمد؟، قال لالا انتي منو؟،قولته ليهو خطيبتو،احمد وين،قال لي ي بت الناس احمد ده حصل ليهو حادث ولقينا اسمك في سجل المكالمات واسي جايبنو الخرطوم....
