15 : بعد م طلعت وانا في السياره دق علي وائل، قال لي وين انتي ي زوله؟ قولته ليهو ماشه السوق، قال لي ماجد كان دايرك واديتو رقمك م دق عليك؟ قولته ليهو لا والله، قال لي طيب ي زوله ،مش انتي مداومه بكرا؟ قولته ليهو اي ان شاء الله، قال لي يلا كده المستشفى حينوور 😍، قولته ليهو منور بي ناسو، وقفلت منو.
في المستشفى جات عربيه اسعاف فيها مره عمرها في اواخر الاربعينات كده، والمره غمرانهه ، وكان معاها احمد، وولد تاني عمرو زي 22 سنه، دخلوها الطوارئ، دكتور ماجد عمل ليها فحص ولقى عندها هبوط حاد في السكر💔، اسعفوها وبعد 20 دقيقة، صحت، لقت احمد والولد الصغير وجا بعديهم بت وراجل المره دي، احمد قال ليها ي امي مالك م بتقيسي السكر وقفتي قلبنا الليله ياخ، خالد ده بكى كانو عمرو 10 سنه 😂 خالد قال ليهو اي اضحك اضحك كويس 😒، المهم حمدلله على السلامه ي حجه، قالت ليهم والله ي اولادي الجهاز م عارفاهو طار وين فتشت ليهو ووقعت، احمد قال ليها امينه قاعده ي امي كان تكلميها، قالت ليهو ناديتها لكن هي كانت وين م عارفه، البت قالت ليها والله ي امي انا طلعت من المحاضره عدييل وجيت بالمواصلات واتلاقيت مع ابوي هنا 💔، احمد قال ليها م مشكله ي ريم الحمدلله انها جات كده، ماجد قال ليها ي خالتو... قاطعتو قالت ليهو تاني م تقول لي خالتو انا م زي امك وااحد، صحيح انك م ولدي لكن معزتك عندي زي معزة احمد وريم وخالد، وامك الله يرحمها كانت زي اختي واكتر، والله ي ماجد انا حاسه بانو انت قطعه مني وكأنو انا والدااكك ، قال ليها طيب ي اوومي 😅 عشان م تتعبي روحك بالتفتيش انا اسي بجيب ليك جهاز حق سكر وضغط تماام؟ وداير تنتظمي عليهم كل يوم تقيسي السكر 4 وتبلعي حبوبك تمام ي.. امي ؟ قالت ليهو احي ي ولدي الحبوب ديل طعمهن ابدا م انبلع لي، كعب كعب ياخ 😂 قال ليها معليش ي حجه لكن لازم، الادويه دي اهم شي لو لعبتي فيها ضعتي عدييل، قالت ليهو تماام ي ولدي ❤️، قال يلا انا بستأذنكم طالع، ريم وخالد واحمد ارجعو البيت خلو ابوي هنا معاها، وطلع منهم.
انا تاني جيت راجعه المستشفى، اتلاقيت مع ماجد في الباب، قولته ليهو اها جيت، خير وائل قال لي انك دايرني، قال لي مع انو دوامي انتهى لكن ارح اوريك مكتبك، مشيت معاهو الطابق التالت وراني ليهو قال ده كان مكتب بروفيسور سليمان، قولته ليهو هو اسي وين؟ قال لي سافر الاردن وتاني م راجع، يلا انا ماشي، سلام. عاينته للمكتب لقيتو حلوو شديد، والشبابيك على الشارع 💜، المهم عجبني وقلت اجيب ليهو ديكورات، رجعت البيت، حسيت جسسمي مكسسر ومدرووخه، بس رقدت ليك في السرير وبقى راسي لاااااااافي، الدولاب ده بقيت بشوفو بلف زي عقارب الساعة 💔، نمت بالضاالين غايتو، صحيت وانا بردااانه شديد وطفيت المكيف والمروحه، واتلحفت بالبطانيه وتاني نمت، ماما جاتني في الغرفه قالت لي بيان تعالي الغداء، لقتني نايمه والمكيف والمروحه م شغالين، قالت لي اجي مالك قاعده في الحر ده قومي اتغدي، شالت مني البطانيه لقتني متكرفسه في نص السرير قالت لي بسم الله ولمست جبهتي لقتني نااااااار 💔 قالت وااي ي بيان جسمك مووولع ناااار كدي قوومي ،قولته ليها م قادره يااخ 💔😷، نادت ابوي قال لي شكلها ملاريا، قارصااك بعوضه ؟ قولته ليهو اي في يدي، قال بااااس مسكتك ، قولته ليهو م كنت فاكراها بالسووء ده 😷، قال لي بكلم حساام يجيب ليك كووارتم بتنفعك ❤️، قولته ليهو تماام، قال لي مش بكره اول يوم دوام؟ قولته ليهو اي، قال م تمشي الحبوب ح تتعبك، خليك مسافه يومين قاعده، قولته ليهو طمنتني طبعا 😒، قال لي انزلي اكلي حتى بعداك تبلعي الحبوب يلاا، نزلت اكلت شويه وقمت، وبلعت الحبوب وتاني نمت.
عدت 3 اسابيع، وانا نزلت دوام، العرس يوم الجمعة والعقد المغرب، وده كان يوم ثلاثاء، يعني يوم حنة لياان 😍، الحنه عاملنها في صاله لكن نساائيه، يلا اتجهزنا واتزبطنا ومشينا وكانت الحفله بي صفصف 😂، رقصنا رقيص لمن حسيت برجولي عايزه تصرخ عدييل 😂، عدا يوم الاربعاء والخميس حنه وائل وكده، يووم الجمعه كان العرس 😍 تن ترارارا تن تن،صحينا ي يمه من سته وقعدنا ندق في الطرابيز ونغني، الساعه 1 مشينا الكوافير والبرنامج حقو وهيك، زي الساعه 4 كده جات حلاا تزغردد قالت ووبعلي عقدووو ،اريتو حالي مع مرااد ي يمه 😂، يلا اتمكيجنا واتزبطنا واي شي وجا زمن الفستان، كانت الساعه زي 9 الا ربع وهم جايين 9، يلا لبسناها الفستان، وكلنا مسكنا فيها وقعدنا نبكي، غايتو قلبنا الكوفير بيت فراش بس 😂، دانه قالت ليها ليان ي متخلفه ي غبيه ي جزمه المكياج القاعدين يعملو فيهو تلاتطااااااشر ساعه راح اسي واااييي ي قللببييي غظتينيي شدييد احيي منكك 💔😒،يلا ناس العريس جو ووائل دخل وباسها في راسها وو... م علينا منهم قليلين ادب٢ 😂، يلا مشينا الصاله وعملو موضوع الزفه ورقصوا Slow ويعني كلام الاعراس المعروف يعني، يلا لاحظت لماجد كان قاعد وماسك البت اللي جابتها افراح يووم دااك، وبلعب فيها يعني، انا قولته خلاص شكلها بتوو، لكن هو متزوج اصلا؟ ئه م عندي شغله بيهو 😒، بعد الفنان غنى وكده، احمد قام طلع وشال منو المكروفون، وقال : ي جماعه، احم اول شي ببارك للعرسان وبتمنى ليهم حياه زوجية سعيده ❤️، ووو برضو بما اننا متلمين كلنا هنا، و ي امي انتي كل يوم شغاله ي ولدي العمر م مضمون وي ولدي دايره اشوفكك عريس وي ولدي وي ولدي... وانتو عارفين كلام الامهات داك لمن دايره تعرس لي ولدها 😂، المهم ي اوومي بس داير اقوليكي اني عايز اكمل نص ديني واتخارج سرييع واعرس، اشر علي، قال عرسوو لي البت دي بس 😊.....
