16 : قال عرسو لي البت دي 😊 طبعا انا رفعت راسي مخلوعه وحسيت روحي اتصلبتت عدييل، نزل ومشى على بابا واتكلم معاهو، بعداك بابا جاني وقال لي اها؟ وانا ساكته طبعا ومنططه عيوني 😂، قال لي هي ها ي بت دايره احمد ده ولا لاء؟ اعاين ليك في احمد القاهو بضحك وبسوي حركه اسرعي يلا بيدو، حبوبتي كانت قاعده قالت ليهو ئه موافقه دي حركات بنات منها ساااي ولا م كده ي بيبو؟ من غير م احس قولته ليها م حركات بنات والله 😿 بابا قال لي معناها موافقه ي جماعه 😂،وفجأه الصاله قلبت صفافير وتصفيق، احمد تاني جا وقف قدامي وقال لي النخلص الموضوع ده سريع سريع، وطلع علبه من جيبو، طلع منها خوواتم 😻 قال لي يلا، المهم لبسنا الخواتم وترا را را تن تن، I'm Engaged again ❤️.
نحنا كنا قاعدين كلنا في طاوله واحده وكان احمد قاعد وبتونس، ماجد جا علينا وشايل البت الصغيره ديك، قال لاحمد انا ماشي اودي سما البيت شايفها نعسانه، احمد قام شالها وباسها وقال ليها حبيبه عموو 😘 يلا تصبحي على خيير ي مزتي 😻، جا تاني راجع قال لي عايني بكره فاضيه ؟قولته ليهو اصلا بكره م ماشه المستشفى انا من اسي تعبانه وحاسه عظمي مكسر 💔 قال لي الجمعه اجهزي بجي بسوقك، قولته ليهو بسم الله الرحمن الرحيم ي ولد مالك؟ كدي واحده واحده، قال لي داير اعزمك عشاء اي اعتراض؟ قولته ليهو لا م قصدي كده لكن... خلاص الله يحيينا لحد يوم الجمعه، الوقت داك ابوي كان مشى بتكلم مع صاحبو، وامي مشت وين م عارفه يعني انحنا واحمد براانا، خت يدو في خدو وقعد يعاين لي، قولته ليهو مالك؟، قال لي اسي عليك الله فيها شي لو عقدت عليك واسوقك اسي دي؟ قولته ليهو في شي وشويات اتلم ي ولد هه 😒، قال لي ياخخ انتي عسل عديل، ياخ انا بحبكك حب لا يعلمه بشر ❤️ قولته ليهو بشر ولا حيوان هاهاها 😂، قال لي قطعتي علي اللحظه الرومانسيه حراام عليك ي جاافه 💔، الحفله خلصت وعملنا الجرتق 💜 وليان ووائل ماشين المانيا شهر العسل، ودعناهم وطلعو على المطار طواالي، وصلهم وليد اخو وائل، عدى اسبوع، وعمكم كل يوم بتصل علي وبشحدني عشان اطلع معاهو، في الاخير قلت امري لله قال بجيك بعد العصر تمام؟ قولته ليهو اوكي، اتجهزت وجاني وطلعنا، هو مشغل اغاني في السياره وبغني مع الاغنيه وبدق في الدركسون وبفلت منو عشان يصفق وماشي بسرعه خياليه 💔، قفلت الاغاني قولته ليهو احمد م ممكن ياخ يوم حتروح فيها، خليك مركز في سواقتك انت ناوي تموتنا يعني؟ وفجأه بقيت ببكي، م عارفه من شنو بس حسيت روحي ابكي،انا قبل كده حصل معاي موقف خلاني بكره السرعه، كنا طالعين انا وابوي، عمري وقتها كان زي 7 سنه،ابوي كان بلفلف وكل شويه بزيد سرعتو وبلتفت علي بلعبني وانا بضحكك، بس اللحظه النضرب ليك فيها في اشاره، م حصل لينا حاجه لكن بقيت بكره حاجه اسمها سرعهه وبخاف منها، اي انا بسوق سياره لكن برااحهه، السرعه البسوق بيها م بتحصل ال90،احمد وقف السياره وقال لي حبيبي مالك؟ في شنو احكي خوفتيني، قولته ليهو لا ماف شي بس م بحب السرعه، قال لي انا ااسف والله م قصدي، قولته ليهو خلااص حصل خير، اها ارح وريني عزومتك دي وين انا جعاانه 😂، قال لي طووالي،دور العربيه واتحركنا،وصلنا حي كده فيهو بيوت يعني م فيهو مطاعم، قال لي دقيقه ،طلع من جيبو ريموت حق قراج، دخل السياره جوه، كان في سيارتين جوه، قال لي يلا،قولته ليهو يلا وين، قال لي ارح جبتك ناس بيتنا، قولته ليهو احمد م جاادي، قال لي لو م جادي م كنت جبتك هنا اساسا، يلا امي منتظرااك، قولته ليهو امك 😨، قال لي حمااتك،دايره انزل قال لي انتظري، قولته ليهو مالك، قال لي بحبكك ❤️،قولته ليهو احمد حركاتك دي خليها بعدين ارح ننزل، نزلنا واتفاجأ ليك بالعربيه الشفتها يووم داااك بره المستشفى، وماشاء الله بيتهم حااجه كبيييره شديد، قال لي دي رده فعلي لمن جيت من قطر،رحلو من بيتنا القديم وجينا هنا، انا في اللحظه ديك شكيت في انو ابوي ليهو دخل في تبييض الاموال 😂،قولته ليهو معاك حق والله، دخلنا البيت جووه،كان في مره كبيره قاعده وكان في ولد وبت، احمد قال السلاام عليكم، ردو عليهو، قال ليهم ي جماعه دي البت اللي اي واحد بنق في راسي جيبها جيبها جيبها،بيان دي امي، ودي ريم اختي، وده خالد اخوي، سلمت على امو في راسها وسلمت على اخوانو عسسل عسل ❤️، قال ليهم مستر منفسن وين؟ خالد قال ليهو جا من الدوام واسي هو فوق نااايم، وسما نايمه عندنا الليله 😻، ريم قالت انا ماشه المطبخ، لحقتها لقيتهم بعملو في الغداء قولته ليهم اساعدكم في شنوو، امو قالت لي لالا ي بتي امشي ارتاحي م تتعبي روحك، قولته ليها يعني انتي معتبراني ضيفه؟ قالت لي لالالا والله زي بتي واكتر لكن م دايرين نتعبك، قولته ليهم طيب بقعد بونسكم، ريم قالت طبعا ي بيان انا بقرا طب اسنان المستوى التاني، قولته ليها ماشاءالله ربنا يووفقك وعايني من اسي انا حاجزه عندك موعد اسنان 😂، قالت لي ابشري من عيوني، قعدنا شويه وجهزو الغداء وقعدنا نتغدى، احمد قال اووووووو مستر منفسن جااااا اخييراا نوورت، انا قاعده ومدياهو ضهري، التفت القاهو ماجد، أحمد قال لي بيان ده ماجد اخوي الكبير،يعني انا كان ظني في محلو، اتوقعت يكون اخوهو، لكن م بشبهو زي باقي اخواانو لييه، احمد وخالد وريم كلهم لونهم اصفر يعني، لكن ماجد ده حاجه بعييده خالص عنهم يعني هو لونو ابيض عديل التقول بستحمى بي كلوركس، جا سلم علي وجا قعد، احمد قال لي ماجد بشتغل معاك في رويال، تتذكري لمن قولته ليك عندي اخوي بشتغل هناك، كان قصدي ماجد، في نفس اللحظه انا وماجد قلنا مع بعض اي عاارفـ/ـه، عاين لي ورفع حاجبو وكمل اكلو، فجأه سمعنا صوت بكى طفله،ماجد قام من مكانو وطلع فوق سريع، شويه وجا نازل وماسك البت الصغيره دييك وببوس فيها وبقول ليها حبيبه بااباا اممممممحح 😂،، مالك خووفتي من شنوو،ريم قالت ليهوو شكلها صحت ولقت روحها براهاا،المهم قعد يأكل فيها وهو ولاا اكل زاتو،قولته ليهو حلااتها ماشاءالله دي بت منو، احمد قعد يضحك قال لي مالك م عارفه انو ماجد ابووها 😂، قولته ليهو دقيقه ماجد عندو بت؟ قال لي ايون، كملنا غدانا وقعدنا نشرب القهوه، ماجد كان ماسك "بتو" ،جاهو اتصال وطلع بره وخلاها، انا انتهزت الفرصه وعلطوول مشيت مسكتها ليك، مسكتها قعدت ابوس فيها والعب فيها، شنطتي طبعا بخت فيها شوكلاتات عشان انا عارفه روحي يومي م بكمل من غير شوكلاته، قمت طلعت ليها شوكلاته، قالت لي اتتحح،قولته لي ريم اتح دي تكون شنو اسي 😂، قالت لي قصدها افتتح، فتحتها ليها وانا طبعا كنت لابسه ملابس فاتحه جلبتطني بالشوكولاته وملت لي وشي بقيت بنيه عديل، ماجد جا شافني قال اخَدت لي حقي وابتسم ابتسامه خبيثه 😈، مشيت غسلت وشي وقلت ي جماعه انا بعد ده ماشه م كلمت ناس البيت اني حاطوول،قالو لي لا ومالك م تقعدي م مشكله...، قولته ليهم مرة تاانيه ان شااء الله، طلعنا واحمد وصلني، قولته طبعا م كنت عارفه انو ماجد عندوو بت... م كنت عارفه انو متزوج اسااسا، قال لي كاان متزوج، قولته ليهو طلق مرتو؟ قال لي اريتو لو كان طلاق، قولته ليهو ماالها في شنوو، قال لي اتووفت 💔،قولته ليهو وااااي كانت عياانه ولاا الحاصل عليها شنوو، قال اتوفت في حادث، احي قلبي وجعني 💔، قولته ليهو متين الكلام ده، قال قبل تمنيه شهور، كانو في السعوديه اشجان اللي هي مرتو وامها واخوها، ماشين من مكه للمدينه، بس حصل الحادث في الطريق نسبه لانو طريق المدينه كعب وكلو جبال ومنحدرات، هي واخوها اتوفو وامهم لحقتهم بعد شهرين، قولته ليهو ربنا يرحمهم ويغفر ليهم، قال لي ماجد دخل في حاله اكتئاب غريبه كده، لي درجه انو سافر، ساق بتو وسافر بره، م عارفين وين لكن رجع بعد شهرين، قولته ليهو وبقى احسن؟ قال لي يعني، قولي طلع من الحاله الكان فيها، لكن اتغير شديد، الموهم ي قلب العرس دايراهو متين؟ قولته ليهو هيي بسم الله انحنا ياداب مخطوبين لينا اسبوع هدي اللعب ي قميل 😂، قال لي اي عارف لكن بس داير اليوم اللي اصحى فيهو والقاك نايمه جنبي ❤️، غايتو انا لمن الناس بتقول لي كلام سمح بتعولق عولااق ووشي ببقى زي الطماطم وااحد و بعرف ارد طبعا 😂، قولته ليهو احمد 😿، قال لي روح احمد، قولته ليهو دايره اسكرييم، قال لي اصيرلك اسكريم ،قولته ليهو حردتو خلاص م دايره، فجأة مشى سرييع وفرمل، قال لي يلا ،قولته ليهو ووين ،قال لي عايني ، لقيتو وقفنا في محل اسكريم، قولته ليهو يااخ م اتحرم منكك ارح يلاا 😂❤️، نزلنا واشترى اسكريم لينا الاتنين، قال لي نفسك تسافري وين، قولته ليهو امممم ماف مكان محدد، وانت، قال لي اسبانيا 💓، قولته ليهو اللّٰه حلوة 😻،قال لي طبيعي تبقى حلوه لانك انتي شايفاها حلوة، قولته ليهو اممممم الساعه 7 اتأخرنا يلا لو خلصت، قال لي ارح، وصلني البيت، مشيت الغرفه طوالي رقدته بس جاتني حلا تصررخ بياااااااااااااااااااااااااااااان 😱...
