17: فتحت الكيس لقيتو جايب لي ايفون اسود، ميك اب نيكيد، وروود جووري، وشوكلااتاات كتييره،وودبدوب وردي شايل ليهو ورقه مكتوب فيها لو بتبقي حلوه لمن تخافي بخوفك كل نص دقيقه 😂، وبحبك 💓،قعدت ابتسم واتكشم 😂، بس جاتني حلا تصررخ بياااااااااااااااااااااااااااااان 😱،، نطيت من السرير قولته ليهاا مااالكك في شنوووو 😱😱، الانقرض منوو 💔😂،قالت لي بيااان مرااااددد دااايررننييي،ضربتها قولته ليها ابوك لابو اهلك زاتو طيرتي لي قلبي قولته عمو ولا خالتو حصلت ليهم حاجه، قالت لي ااحيي ي بياان قال جايي هو واهلووو يتقدموو ليي 😭، قولته ليها كذاااابهه ، قالت لي وحااطسملاا هاك شوفي، ورتني المحادثات " طبعا عمكم مربط معاها ليهو دهر وهي ياداب بتقول لي 😒"، قالت لي ااححي ي قلبي ربنا استجااب دعوتيي اخخيراا، قولته ليها فرتقي من وشي تطلعو مربطين من زمن جدي بلعب بالطين وانا اخر من يعلم، قالت لي اسفهه ياخ وانتي اساسا م فاضيه لي وقتك كلو مع احمد 😜 قولتت ليها حوحه فرتقي من وشي٢، قالت لي اصلا ثقيلهه من يومك 😒، وطلعت، دخلت استحميت وصليت واي شي، رقدته اتصل علي احمد، قال لي حبيبي❤️ ،قولته ليهو هلاا،قال لي عجبتكك ؟،قولته ليهو عجبتني شدييد الله يخليكك لي 💓،قال لي مشتاق ليك،قولته ليهو اجي مالك اسي كنت معاك، قال لي اي عاارف لكن حتى لو كنتي معاي بشتاق ليك❤️، قولته ليهو طيب بالاكتر❤️😴،قال لي مالك؟، قولته ليهو Nothing ،نعساانه بس،قال لي طيب اخليك تنومي، تصبحي على خير، قولته ليهو وانت من اهلو، ورقدت نمت.
اليوم التاني صحيت واتجهزت ومشيت عالمستشفى،لمن وصلت الممرضه قالت لي في مريضه حنحولها تتابع معاك، هي كانت مع د.ماجد لكن هو م فاضي وعندو مرضى كتيرين، قولته ليها تمام، قالت لي ممكن تمشي لي دكتور ماجد يوريك الحاله ويديك ملفها، قولته ليها ظابط،مشيت لي مكتبو دقيت الباب ماف زول رد، تاني وتالت دقيت ماف زول رد، فجأه سمعت صوت بكى طفله، فتحت الباب لقيتها بتو، كانت قاعده في الكنبه وبتبكي والمكتب م فيهو زول 💔،اتخيلو كانت ماسكه ليها شريط ادويه،لمن شلتها هدت شويه قعدت وشغلت ليها طيورالجنه في الجوال 😂،في قلبي قولته ياتو ابو بخليها وبمش سااي عليك الله ده قلب ابو؟، بس اللحظه الباب يفتح فيها وماجد يدخل، انا من شده م عرقته الجوال بقى بتزلق مني 😂، قال لي بتعملي شنوو انتي هناا والجاب لجين هناا شنو 😡، قولته ليهو هيي اعصابك م تجووط فيني، بعمل في شنو هنا جيتك عشان اسألك عن مريضه كانت متابعهه معاك ودخلت لقيت بتك تبكي وقاعده براها هنا، في الاخير اطلع انا غلطانه عشان جيت شلت منها الشريط ده وم خليتها تموت؟ الحسنه في المنعول م بنتفع 💔، عندو زي صحن كده خاتي فيهو شوكلاتات شلت واحده اديتها ليها وبوستها وطلعت.
ماجد كان محتاار لجين الجابها هنا منوو، فجأة جات افراح داخله قالت لووجتيي اناا جييت ❤️، ماجد قال ليها انتي جبتيها؟ قالت ليهو ايوه ،قام صرخ قال ليها ومخليااهاا برااهاا لشنووو 😡، اسااساا جايبااها ليييه 😡، قالت ليهو هيي اهدى مالك انت اسي، بتك غلباوويه شديد ورسلته ليك امس اني جايه الليله وجايباها معاي، انا جبتها وقلت بمشي الحمام سريع وبجي، قال ليها طيب كان تتصلي تشوفيني فاضي ولا لأ، م ممكن ي افراح دي بتي انتي عارفه يعني شنو بتي؟ وكمان كانت ماسكه ليها شريط ادويهه؟ انا بخليك تقعدي معاها عشاني بثق فيك ي افراح وعارف بتي م بترضى تقعد الا مع اشجان الله يرحمها ومعاك بس 💔، حتى ريم اختي م بتقعد معاها، قالت ليهو الله يرحمها ويغفر ليها، اخد نفس وقال ليها تاني م تطلعيها من البيت الا لو اذنته ليك تمام؟ قالت ليهو حاضر، حسى بيها اتحسست قال ليها معليش م قصدي اصرخ عليك لكن دي بتي ومن خووفي عليها، م تاخدي في خاطرك تماام؟ ❤️ قالت ليهو لالا معليش اصلا انا برضو غلطانه خليتها هنا ومشيت، قال ليها طيب ارح اوصلكم قالت ليهو تمام، شال بتو وقال ليها حبيبي الحلوو💜، حبيبهه باابا 💜 صحي اشتقتي لي؟ عاملهه غلبه؟ متعبه خالتو؟ وبااسهاا، ماجد كان وصلها بيت اهلو وقال لي ابوهو تاني م تخلو زول يسوق لجين بره البيت الا لو قولته ليهو انا سوقها، قال ليهو ليه طيب؟ قال ليهو انت عارفها عندها ربو وحساسيه م عايز اطلعها بره البيت تماام؟ قال ليهو كويس ي ولدي، قال ليهو يلا انا طالع، قال ليهو مع السلامه ❤️.
انا نزلت تحت وبنبز في فلان داك،دخلت المكتب واتصلت علي لياان 😻، قولته ليها نونه ي حيوانه يعني عرستي معناها تنسيني؟ شكلو وائل نسااك اي شي 😉، قالت لي حيوانه انتي لكن مشتااقه ليك شوووق موبااللغغه،وعايني جايبه ليكك معااي هدااياا من برليين❤️، قولته ليهاا الله نونهه انا بحبككك،قالت لي عارفه الحركاات دي عشان الهدييه،قولته ليها اها اجواء برلين كيف معااكم ❤️، قالت لي رهييبه يااخ بس نااقصااكك انتي،قولته ليها اهاا جاايين متين،اوعك تقولي لي ماشين قطر على طول 😿،قالت لي اممم لأ بنجي السودان الاسبوع الجاي يوم الاتنين عشانو مشغول، وبنقعد لحدي م وائل يزبط امورو هناك وبنمشي قطر، يعني حكايه شهر حنقعد في السودان، قولته ليها كوويس ي منقه ربنا يوصلكم بالسلامه ❤️، قالت لي يلاا تشااو انا ماشه، قولته ليها ماشه لي ولي؟ 😉،قالت لي من يومك حيوانه يلا غووري 😂، وقفلت في وشي، تن تن اتصل علي احمد، قال لي عايني انا جاييك، قولته ليهو م ملاحظ انك بقيت كتير شويه؟؟ قال لي اابداا والله، أثناء م بنتكلم جو داخلين مره حامل ومعاها راجل، قولته ليهو احمد برجع ليك بعدين عندي مرضى، قفلت منو وسلمت عليهم وقعدو، قالت لي انا اسمي رشا وده راجلي حمد، انا اسي حامل في التامن، قولته ليها والمشكله في شنو؟ انتي حاسه بي شي؟؟ قالت لي انا سقطت مرتين قبل دي، قولته ليها لاحول ولا قوة الا بالله 💔، راجلها قال مرتي دي م عارف مالها بس بتقول بتي دي حاسه فيها شي غلط وو وبتي حاسه بيها كده ووبتي كده... يعني انا زااتي حيرتني مشينا اي مستشفى في البلد دي وبقولو سليمه 💔، قالت ليهو اصلا عارفاك م مصدقني لكن قلب الام بحس برضو ي بيبي😒،المره تقدرو تقولو عمر 28 سنه والراجل يعني 35 سنه يعني حلااتهم والله💓، قولته ليها قولته ليها رايك شنو نعمل فحوصات سريعه كده ونشوف ح نعمل شنو، قالت لي كويس، ناديت الممرضه قولته ليها نادي دكتوره شروق "دكتوره نسااء وتوليد"، شروق جات حكيت ليها بانو عايزين نعمل فحوصات وكده، قالت لي طوالي،مشينا عملنا ليها فحوصات عامه واي شي نضيف،قولته ليها نتايجك نضيفه انتي كويسهه وبتك كويسه ❤️،قالت لي ي جماعه انتو مالكم م مصدقني؟ انا بتي م كويسهه والله م كويسه وقعدت تبكي 💔، قولته لي د. شروق نعمل ليها صوره رنين مغناطيسي يمكن تطلع حاجه، كلمنا حمد ووافق، قال اي مستشفى نمشي ليهو بعملو ليها فحوصات عاديه وبقولو ماف شي، قولته ليهو الرنين المغناطيسي حاجه دقيقهه يمكن تطلع بي نتيجهه، عملنا ليها الإجراءات ودخلناها الغرفه، لمن النتايج طلعت لقينا انو...
