مر يوومين وفي التالت كنا قاعدين نحضر، فجأة جوال بابا اتصل، رد عليهو، بعد م خلص قال لينا ده وائل، ليان كانت راقده في الكنبه استعدلت قعدت قالت ليهو اها قال ليك شنوو 😳، قال ليها قال انو عمل الاجراءات بحيث انو يجي يوم الاثنين البعد الجاي لندن ويجينا الجمعه للخطوبه، ليان طبعا تتكشم وتتخجل، يلا شالت بعضها ودخلت الغرفه، قعدنا نتونس شويه ومشيت لي ليان في غرفتها، دخلتها لقيت الغرفة مقلووبة 😲 قلت ليها ليان ووبعلي ده شنو؟ قالت لي عايني البس ده ولا ده وطلعت لي فستانين، قلت ليها ليه في شنو، قالت لي ي بت عشان الخطوبه، انا م قدرته امسك نفسي من الضحك 😂😂💔 قالت لي مالك 😒 قولته ليها ي ليان ياخ انا عارفاك مستعجله لكن م للدرجة دي 😂 وبعدين لو على الفستان هسي دي نطلع اشتري ليك اي شي نفسكك فيهو، دي خطووبة اختي الصغيرة يعني وحيدتي وصحبتي واي شي يعني لازم تطلع princess ❤️✋🏽 انتي بس تأمري امر اوكييهه؟ وانا بجيبو ليك، ❤️جات نطت ووقعت فيني احضاان 😂 قولته ليها لكن م ممكن بورتيني بورة السوااد 😂 اتوقعت اعرس قبلك 😂 قولته ليها يلا رتبي الزريبه القاعده فيها دي 😷 اسي عليك الله دي غرفة بت؟ واجهزي انحنا بكره حنطلع السوق، طلعت من الغرفه ومر اليوم عااادي، اليوم التاني طلعنا انا وماما وليان وحتى دانه مشت معانا 😂 واحنا ماشين مرينا بي محل زفافات ليان وقعت عينها على واحد، قولته لي دانه عايني، مشت جرتها قالت ليها لسى بدري على الكلام ده ارح خلينا نخلص 😂 يلا ليان اشترت فستان لونو شاي لبن "م لقيت تشبيه للون" ومعاهو كعب احمر واكسسوارات حمراء، وانا نفس الفستان لكن كحلي والإكسسوارات فضيه، ودانه فستان بصلي ومعاهو اكسسواراتو بنيه، المهم اشترينا وانجزنا يعني واخدنا عشاء من بره وطلعنا، اليوم البعديهو كنت مداومه في المستشفى، اول شي مشيت لدكتور ديڤيد (مدير المستشفى)، كلمتو باني بعد فتره حانزل السودان تاني ك تجربه عمل هناك، وهو م قصر معاي وفهم ووافق وهو اصلا عثل على قشطه بضححك ونايس شديد وتعاملو رااقي مع الدكاتره والمرضى ❤️ يلا في نفس اليوم كنت قاعده في المكتب وكانت معاي لمياء كنا بنتونس وعزمتها على خطوبة ليان، فجأة جا داخل سامي 💔، انا طبعا نسيتو وبقيت بعاملو تعامل بارد جدا وكاي زول غريب م بعرفو 💔 يلا لمياء قالت لي بيان انا عندي عمليه مهمهه بعد نص ساعه انا ماشه اوكي؟ قولته ليها تمام، يلا طلعت وسامي لسى واقف وانا اساسا م عندي نفس اتكلم معاهو، قولته ليهو اتفضل وعملت روحي براسل في التلفون، قال لي بيان ممكن تسمعيني؟ قولته ليهو اها ،وانا لسى عالجوال، قال لي ممكن تسيبي الجوال دقيقه؟ قولته ليهو طاايب ، وقفلتو ونعست ليهو عيوني قولته ليهو اها في شنو؟ قال لي انا م عارف ابدا من وين لكن خلافنا ده خليهو على جنب تمام؟ بيان رزان ولدت، وجابت ولد، لكن الولد ده طلع عن عندو مشكله في الدماغ ولازمو عمليه، قولته ليهو والمطلوب؟ قال لي لو م عندك مانع، ممكن تعملي ليهو العمليه؟، طبعا انا كنت دايره اقول ليهو لا وفي نفسي قلت افضل اكون احسن منو واساعدو وولدو ومرتو م عندهم ذنب في الموضوع ف انا لو حاعملها بعملها عشان الروح البريئه دي،قال لي لو ما دايره عادي ممكن اخلي اي دكتور تاني يعملها، لكن انا جيتكك انتي عشاني بثق فيك ❤️✋🏽، قولته ليهو اديني ملف وتفاصيل الحاله، قال لي يعني ح تعمليها؟ قولته ليهو ايوه لكن اتأكد مليوووون بالميه انو م عشانكك، عشان مرتكك وولدكك المعندهم اي ذنب في الموضوع فهمتهه؟ قال لي طيب 💔 اداني ملف ولدو ومشى وانا راجعتو ومشيت لي مرتو هي كانت مع ولدها، العمليه اتقررت بكره المساء الساعه 9، وانا كنت بمشي بطل عليهو وهو حلااتو كلبووظ ❤️، رجعت البيت بدري اصلا م كان عندي شي، لقيتهم بتغدوا قالو لي غيري وتعالي قلت ليهم شووكرا هسي اكلت سندويتش ❤️✋🏽، دخلت غيرت ونممتت، صحيت زي الساعه 8 وطلعت لقيت شيرون وديما صحبات ليان، سلمت عليهم ومشيت قعدت في الجوال، لقيت رسايل من احمد ❤️، كان بسلم علي وبسأل مني ومن ليان بعداك فجأة اتصل علي، انا مشيت الغرفه ورديت عليهو قال لي الو قلت ليهو هلا احمد، قال لي كيفك؟ قولته ليهو تماام الحمدلله ،وانت؟ ويدك بقت كيف؟ قال لي لالا كويسه م تشيلي هم، قعدت اتونس معاهو مسااااافهه بعداك قفلت منو، ليان فتحت باب الغرفه فجأة قالت لي ده منووو 😈 قلت ليها تعالي اقعدي، حكيت ليها احمد ده منوو وموقفو العملو معاي لاني م بخبي عليها، قالت لي عااد امووركم واااضحهه 😌 قلت ليها كيف؟ قالت لي انتي هبله؟ الولد بحبكك، قولته ليها ئه انا م فاضيه لا لي حب لا لبطيخ، هي صاح نسيت احكي ليك سامي مرتو ولدت وجابت ولد، قالت لي اها؟ 😒 والولد طلع عندو مشكلهه في الدمااغ، قالت لي والمطلوب؟ قولته ليها طايب جاني فالمكتب طلب مني اعملها ليهو، قالت لي وانتي وافقتي؟ قولته ليها اي وافقت، قالت لي ليييييييييييييه توااااافققييي ؟؟؟ قولته ليها ياخ م وافقت عشانو، عشان ولدو ومرتو الم عندهم ذنب، قالت اهاا اكان كدي كويس ربنا بقومو بالسلامه ❤️ المهم قعدنا نتونس شويه وطلعت بره اتونسنا مع صحبات ليان واليوم عدا عاادي ججداً. اليوم التاني مشيت المستشفى عشان عملية عمر "ولد سامي"، لمن وصلت الحضانهه لقيت امو شايلاهو قولته للممرضه اها عمر الليله كيف في اي جديد؟ قالت لالا كويس، "طبعا هم بتكلمو بالانجليزي وانا بكتب ليكم على طول بالعربي"، بالليل جهزنا عمر للعمليه ورزان دي دموعها ابت توقف كلو كلو، دخلنا العمليه وطلعنا منها بالسلامهه 💓، بعد م طلعت من العمليه مشيت المكتب وسامي لحقني، قال لي بيان ، قولته ليهو نعم ؟قال لي م عارف كيف... قاطعتو قولته ليهو ماف داعي تشكرني انا اهم شي عندي صحه عمر تماام؟ يلا انا ماشهه البيت وتصبح على خير، عمر بقى كويس وخرجوهو بعد ٣ يوم، وعزمتهم على حفلة خطوبه ليان، مرت الايام ونحنا كل يوم بنجهز ليوم الخطوبة، وائل واهلو وصلو يوم الاثنين واستقبلهم صاحبو، جا يوم الجمعه ❤️، صحبات ليان كانو بايتين معانا وكمان دانه، وليان عزمت مهند وليلى 💔، يمكن عشان توريهم انها م مهزوزه واخدها واحد احسن منو، يوم الخطوبه الصباح وديناها الكوفير، ونحنا اصلا في حي اغلبو عرب، وكان حاجز ليهو صاله للخطوبة وعشاء ودي جي 💕، يلا اتزبطنا وماما بتعرف ليها وحده بتحنن حننتنا حنه على الانامل بس 💕 المهم عملنا الحفله والخطوبه والكلام ده كلو، وائل الابتسامة دايره تشق وشو 😂😂، والشفقان داير يتم العرس بعد شهر 😂💔، طبعا كلنا اتخلعنا، لكن م مشكله حتى نونه الشليقه الخفيفه قالت موافقه على طوول 😂😂، طبعا وائل كان جو معاهو اصحابو ومن ضمنهم ماجد، لكن اكان شوفتو ماجد لابس قميص اسود وساعه سوداء واي شي اسود لا إله إلا الله حاجه تللخم 🖤🖤🐸 العجب غمازاتو لمن يضحك بتقول ي ليل 😻، اليوم عدى وانحنا انتهينا واتكسرناا 💔، والله اي عضو في جسمي بصرخ 💔، ده كلام خطووبه العرس حيكون كيف 💔😖، المهم عدى كذا يوم وفي يوم دقت علي رزان " م وريتكم بقينا صحباات 💓🙆🏽♀️" قالت لي عاازمااك سمايه عمر، قولته ليها الله الله ي ريت لو بقدر اجي لكن انتي عارفه المستشفى والعمليات والكلام ده، وفووق ده كلوو انا مسافره الجمعه، قالت لي عليكك الله تعالي بلييييززز 😿"طبعا هي من نوع الحناكيش داك 😂" قولته ليها طاايب بحااول ، قالت لي يلا منتظراكك يوم الاربعااء الساعهه 7 تماام ؟ في...، قولته ليها زاااببط ي ستي ❤️، اليوم ده كان يوم ثلاثاء، يلا وانا حجزت للسودان يوم الجمعه، وكمان اهلي نازلين معاي، دانه واهلها لاحقيننا بعد اسبووع،بقينا في التجهيزات للسفر وعشان نحنا ح نحبس ليان هنااك 🌚😂 ، يلا يوم الاربع جا وانا اخدت اذن عشان سماية عمر، رجعت البيت اتزبطت ولبست ومشيت، حضرت الحفله وجيت راجعهه لانو اصلا انا تعباانه 💔، يوم الجمعه جهزنا ومشينا المطار حضور الساعه 7 صبااحا واقلاع 10، يعني في فرصه ننوووم 🌚😂، اصلا قدامنا زي 8 ساعات ننوم برضوو 😂، مشينا المطار ومعاي بطانيتي، لقيت الصاله فاااااضيه بس فيها الناس الحيمشو معانا، لقيت لي 4 كراسي جنب بعض فاضيات على طول انسدحـــــــت انسداحه يعجز التاريخ عن وصفها 😂، طبعا ناس وائل نزلو بعد الخطوبه بي يوومين، نمت زي ساعه وصحيت وقعدت الفلف في الصاله، عدم موضوع ليس الا، اشتريت لي شيبس وكان عندي فلم في الجوال حضرتو خمسطااشر مره لكن م مليت منو فحضرتو للمره الستطاشر، مرت الساعتين كانها دهريين، انا م عارفه اتخارجنا كيف، المهم ركبنا الطياره والكلام الطويل الماف ليهو داعي ابدا ده، وصلنا مطار الخرطوم الساعه 6 وعلى بال م نطلع والعفش بقت الساعه 8، لقينا عمو محمد ومعاهو عمو معتصم " عمي التاني" وحسام 😂 ، سلمو علينا وعاين لي ليان قال لي بصوت واطي ماشاءالله تبارك الله امكم مصنع كيك، ضربتو قولته ليهو حيوان 😒💔، وصلنا البيت، لقينا 😱😱...............
