28 : في يوم جانا زي هواء وشايل معاه غبار تقيل،والبيت كلو مفتح،ولجين نايمه في الغرفه،سمعتها بتكح وجري مشيت ليها في الغرفه،طبعا وشها قلب احماااار من الازمه 💔،طوالي لبست اقرب عبايه وشلت مفتاح العربيه وشلت لجين وهي بتبكي وبتكح وانا ببكي ودموعي حالفه كان تقيف 💔،اتصلت على ماجد قال جيبيها المستشفى سريع،وصلنا المستشفى وهي خلاص تتشهق شهقات طويله شهقات زول روحو عايزه تطلع 💔،جو الممرضات شالوها وعملو ليها تنفس صناعي،والدكتور حلف كان يخلي ماجد يدخل،وماجد دموعو عشره عشره،قال ليهو ي دكتور عمر دي بتي انت عارف يعني شنو بتي؟!!،قال ليهو عشان بتك انا م عايز اخليك تدخل بحالتك دي،المهم قعد يحنس فيهو وبعد ده كلو ابى يدخلو،لجين حالتها م مستقره ودخلوها العنايه المركزه،فضلنا على الحال دي اسبوع حتى بقت تتنفس طبيعي وودوها غرفه عاديه وبعد 3 يوم خرجوها 💔،طبعا ماجد ماسك بتو وم داير يفكها ابداا،حتى بقى بنومها معاه،م عارفه لكن حاساه خاتي اللوم علي انا 💔،اخد اجازه من شغلو وبقى هو البهتم بيها،مره كان نايم في الكنبه وهي نايمه فوقه قمت عايزه اشيلها منو حسى بي وصحى وقال لي لأ اوعك تشيليها فاهمه؟، قولته ليهو ليه م اشيلها دايره اوديها ارقدها في الغرفه،قال لي لأ اديك ليها عشان تاني يجيها ضيق تنفس؟،قولته ليهو دقيقه يعني انت قصدك شنو؟؟،قال لي قصدي واضح 😊،قولته ليهو اديك معلومه مهمه انا م انتبهت للغبار الا لمن عاينت لشباك المطبخ واول محل مشيت عشان اقفل شبابيكه كان غرفتي،ولقيت لجين بالحاله دي ولو م اتصرفت كان ممكن تموت فهمت ولا لأ؟،ويلا مش بتك دي ابعدها مني عديييل عشان م تموووت اوكي؟،ومشيت منو،زعلت شديد،انا كرهتي في الدنيا زول يتهمني بحاجه 💔،اليوم التاني صحيت بدري وعملت الفطور وجهزت حليب لجين،جا نازل وقعد وانا شغاله انضف،قال لي يلا تعالي اقعدي،قولته ليهو م عايزه،قال لي كيف يعني م عايزه،قولته ليهو كده بس،قام جا ووقف وراي ولفاني ومسكني من اكتافي،قال لي ده اعتبرو زعل يعني؟،قولته ليهو اول شي اعتبرو اي حاجه،تاني شي لو سمحت فكني،قال لي م بفكك قولي انتي زعلانه عشان كلام امس؟،سكتت،ضماني قال لي خلاص ي ستي انا اسف لو زعلك الكلام ده لكن انا خايف على لجين،خايف اني اخسرها زي م خسرت اشجان،فهمتي؟،قولته ليهو اي م مشكله تخاف عليها لكن حكايه انك تجي وتقول لي انا السبب بتحسسني اني قولته للغبار عليك الله تعال بجاي 😿،قال لي خلاص معليش انا ااااسسف،وباسني في راسي،قال لي انا اجازتي بكره بتنتهي عشان كده خلينا الليله نطلع،قولته ليهو وين،قال لي اي مكان م مهم،جهزنا وطلعنا،مشينا لفينا بالعربيه واتغدينا واشترينا اسكريم ❤️،ومشينا مول كده وحاجاتو حلوه شديد،اشترينا حاجات كتيره خلاص ❤️،كان في زي ملاهي كده مشينا لعبنا فيها 💃🏽،م خلينا لعبه وم لعبناها 😹،حسيتو عايز يرضيني وكده ♥️،اها رجعنا البيت،وانا في المطبخ بعمل لـ لجين في حليبها،حسيت بزول واقف وراي،لبسني سلسل،لفيت لقيتو هو،قال لي عجبني وقلت اشتريهو ليك 💕،عاينت للسلسل لقيت مكتوب فيهو اسمي بالعربي والانجليزي،قال لي عجبتني طريقه كتابتو بالعربي وبرضو عجبتني بالانجليزي،فعملتو 2x1 ♥️،المهم اختكم فصلت مويه ونور وقولته ليهو شوكرا 🌚،عاين لي كده 😐 ومشى،قبل م يطلع قولته ليهو مااجد،وجريت عليهو وحضنتو،قولته ليهو وانا كمان 💕،قال لي وانتي كمان شنو؟،قولته ليهو افهم ياخ 😒،قال لي طيب وانا كمان وانا كمان 😂، عاينت ليهو ضحك وقال عشان كده بحبك ي هبله 😂😂💔،قولته ليهو طيب انا كمان بحبك 😍،قال لي اخخيراا سمعتهاا 💕،قولته ليهو لجين بتبكي،قال لي م بتبكي ولا شي،المهم زوغت منو وجريت على الغرفهه 😂،جا لاحقني وقال لي افتحي الباب هاك،قولته ليهو في شنو،قال لي افتحي نسيتي الحليب بره،طبعا انا صدقت وفتحت الباب وكان داير يديني بوسه الححيوان 😂،طوالي قفلتو في نخرتو 😂😂😂😂😂💔.
