14 : لقيناهم عاملين حفلهه!!! 😂😂 ولمنووووو ؟؟؟ م لي طبعا لاني عارفهه والكلام ده كلو من تخطيطي انا ووائل 😉😉 لي ليااان الليله ميلاادهاا ❤️، طبعا هي مخلوعهه وخشمها مفتووح 4 امتاار بالشايفااهو قداامهاا 😂، يلاا وائل قام صفق وغنى ليها Happy birthday to you ❤️، بعداك اداها كيس هدااياا كبيييير كبدي، وهمس ليها في اضانها وهي تضحكك، احيي من الرومانسيه استغفرالله استغفرالله بس ياخخي حلوين حلاا مبااالغهه 😂💓 المهم م علينا منهم قليلين ادب، يلا ليان طلعت من الكيس ايفوون X 🙂💔، قال ليها متذكره لمن قولتي لي انا دايره لي ايفوون لكن زوول بشتغل بي مااف 😂، اها هسي شايفه الاشتغل بيكك منوو 💓💓 ياخي ليان خلااص م باقي غير تحضنو 😂، وانا مرااقباهم طول الوقت هو بهمس ليها في اضاانها وهي تتكشم وانا الشماار حاارقني قلت الليله تصبر لي بخليها تحكي غصباا عنهاا 😂💔، بس في نفس اللحظة اتمنيت يكون عندي جزء من السعاده الحاسه بيها هي، ايوة انا فرحانه واي شي لكن نفسي اجرب النوع ده من الفرحه، بس يلا نرجع للواقع ونكمل.
صحينا اليوم التاني وكنا طبعا حنبدا نحبس ليان والحفلات والربه والهجيج حيبدو 💓، طبعا خالتو منيره اصررت انو ليان تنحبس عندها وامي م حبت تزعلها ووافقت، اليوم الاول جات خالتي "اصلا عندي خال وخاله بس ❤️" وجو عماتي وهم 3 مها ودي كانت في الامارات ووفاء واحلام بي بناتهم ده غير نسوان اعمامي البرا وحينزلو السودان هم وبناتهم برضو يعني البيت امتلا ❤️ دي احلا حاجه لمن يكون عندكم عرس والبيت مليان والبرنامج فل وكلو ونسه وهجيج ورقيص وقطيعه في الناس بعد الحفلات خااصهه وانتو بتاكلو في التسالي في نص الليل 😂 يلا جابو مكروفون الكاريوكي دااك الزي البلعبو بيهو الشفع دااك وبقينا نغني ونضحك زي السكرانين 😂 وحلا سرقت ساوند من غرفه حسام وشغلنا اغااني وقعدنا نرقص وليان قعدوها في حفره الدخان وبقينا في تجهيز الشيله وما ادراك م الشيله 🙂💔، بعد 3 يوم قلت بعد ده لازم امشي اشوف موضوع المستشفى ده والشغل كيف فقلت اتصل على د. بابكر اديهو خبر باني حاجيهو بكره وكده، اتصلت عليهو وقلت ليهو بكره بجيك في المستشفى ان شاء الله عشان نوقع عقد العمل وكده، مشييت لعمو محمد لانو السياره موقفاها في الجراج حقهم، وانا مدياهو المفتاح، شلت منو المفتاح ورجعت الغرفه، كانو بنات اهلي كلهم متلمين في غرفه حلا بي ليان، وكانو بغنو، فعاليات حريقه 😂💔، اليوم التاني مشيت المستشفى، يلا وقعت العقد واي شي ❤️، قال لي ممكن تمشي تشوفي مكتبك اسي لو دايره، انا كلمت د. ماجد يوريك ليهو تمام؟ قولته ليهو اوكيه، نزلت تحت لاقيت وائل، قولته ليهو ولي ي ولي مشتااقين يااخي 😻، قال لي هووووي بلا مشتاقين بلا بطيخ معاك انا خلاص حابقى راجل مرة وبيت اووعك تتغزلي بي اوكيهه؟ قولته ليهو ي قااسي حراام عليكك خلاص فكره اني اعزمك كيكه طارت خلاص 😿😿 قال لي بمززح معااك يااخ م تكووني زعلتي، كلو الا عزوومتك 😂، قولته ليهو مع انك حيوان لكن ارح، يلا مشينا الكافيه قولته ليهو انضم عايز شنو 😒، قال لي ون تشوكليت كيك اند كابوتشينو بليز 😆، قولته ليهو الببو اليخنقك ياخ اسي م فطرت؟ قال لي الفطور اصبح في خبر كان واسي لسا جعان، قولته ليهو ماشاءالله دي بطن ولا خزان تيقا 😒😂، المهم اخد العايزو وانا اخدت عصير برتقال، شلت العصير ومشيت، فتحت الجوال وبقى الجوال في يدي والتانيه فيها العصير، اثناء م انا ماشه بس اضرب ليك في زول والعصير حقي يتدفق فيهو 😨، اعاين ليهو القى ملابسو قلبت برتقاليه، والاسوء من ده كلو انو الزول ده كان مااجد 💔، قال لي ياااخ انتي م بتشووفي؟ حتى لو قلنا عمياء معليش الواحد بكون حاسي هو بعمل في شنو 😡😡، م ممكن يااخ ،ومشى،انا طبعا فضلت واقفه في مكاني وزعلانه على ال7 جنيه الراحت سدى 😂، وعصيري تلات ارباعو بقى في ملابس هناي داك، مشيت شويه بعداك اتذكرت انو لازم امشي اشوف المكتب، والحيوريني ليهو ماجد 😖، طلعت لي مكتبو وكان الباب متاكى "م بعرف كيف بقولوها لكن سلكو لي"، انا توووووووشك دخلت المكتب ولقيتو بغير بلوزتو 😐💔، قولته ليهو اسفهه وطلعت ، قولته لروحي شت شت شت شت شت شت ، انتظرت مسافه 5 دقايق وتاني دخلت "من غير م ادق الباب طبعا 😒" قال لي من الادب انو تدقي الباب 😊، اتنهدت وطلعت ودقيت الباب ودخلت، قال لي انا م قولته ليك اتفضلي ، اححييييييي طبعا غاظني بصوووره 💔👋🏽، تاني دقيت الباب وقال لي اتفضلي، كان مطلع ليهو ملف مريض وبعاين فيهو، لكن الزول ده مرتب يشكل غير طبيعي ❤️، عندو كده طربيزه فيها شوكلاتات وكنبه حرف L لكن صغيره، وجنب مكتبو في جيتار، وفي زي خزانه كده حقت ملابسو، لمن غير ملابسو لبس ليهو فنيله رماديه كامله وعضلاتو واضحه وضوح الشمس ي يمه 😻💓، عاين لي وقال اها مالك؟ قولته ليهو انا وقعت عقد العمل وو د. بابكر قال انه انت توريني مكتبي، قال لي انا؟، قولته ليهو لا جدي، اي انت، قال لي لكن هو م كلمني، قولته ليهو انا م عارفه هو قال لي انو انت حتوريني المكتب 🤷🏽♀️، قال لي والله.... وفجأة دخلت افراح ومعاها بت صغينونه وكلبووظهه حلااتها 😻،ملبسينها فستان ابيض بي وردي قصير وربطه في راسها بالوردي، قالت ليهو مجوووود شووف الجاا منوو ،قال ليها حبيبي انا تعاالي 💜 وشالها وقعد يبوس فيها، دي كانت اول مره اشوفو بضحك كده، الضحك يخلوهو ليهو هو وغمازاتو 💓، بعداك قلت ليهو د. ماجد معليش انا بستأذن وبرجع ليك بعدين، وهو ولاا شغال بي، حطم لي جبهتي 😂، قلت امشي واحفظ كرامتي، وطلعت وماف زول عارف اني طلعت.
جوه المكتب قال ليها افراح جايباها هنا لييه؟ انتي عارفه انها حسااسه واقل غبره بتعمل ليها التهااب، قالت ليهو والله غلبتني الوقت كلو مقضياهو بكى وعملت ليها مكرونه وجبت ليها شوكلاتات وشبس وابت تاكلهم ، قلت اطلعها افسحها بره، وجيت ماره بيكم قلت اجيبها تشوفكك، قال ليها خلاص اسي امشو البيت وحمميها واووعك تخليها تحت المكيف تماام؟ قالت ليهو اووكي يلا اديني ليها، يلا سلاام 😘👋🏽، بعداك ياداب السيد المحترم انتبه لانو انا م موجوده، قام اتصل على وائل قال ليهو بيان قاعده معاك؟ قال ليهو اسي مشت قدامي، قال ليهو يعني طلعت من المستشفى؟ قال ليهو م عارف والله، قال ليهو عندك رقمها صح؟ قال ليهو انت سمووك ماجد يسأل؟ طبعا الجمله دي جبتها منها 😁 قال ليهو اخلص عندك ولا لا؟، قال ليهو اي ارسلو ليك؟ قال ليهو اي سريع عليك الله، وقفل منو، بعداك اتصل على دكتور بابكر، قال ليهو جاتني د. بيان قالت لي انو اوريها مكتبها، يعني هي حتشتغل معانا؟ قال ليهو اي ومكتبها الفي الطابق التالت الكان فيهو بروفيسور سليمان، قال ليهو اها كويس، قال ليهو دايرك برضو توريها مرافق المستشفى لو بتقدر، قال ليهو م مشكله ي زول ، بعد م قفل منو، دق عليهو زول، قال ليهو شنووو 😨 اي اي جيبوها هنا، يلا يلا منتظركم. وقفل وقال لا إله إلا الله، استغفر الله، وطلع جاري من مكتبو.
