24 : صحيت اليوم التاني زي الساعه 1،تعب تعب شديد،طلعت لقيت البيت فااضي،قولته هو شنو ده؟،كل اليوم بره البيت ولا كيف،ئه محل م يطير يطير،نزلت تحت عملت فطور خفيف وقعدت في التلفزيون،بعد م خلصت رتبت المطبخ، اصلا هو مافيهو شي يترتب،مرتب طبيعي،ملل وطفش وزهج شديد،قعدت احضر في فلم عوير وباايخ كده،لقيت الساعه 4 جات،قلت اعمل لي حاجه للغدا،ويكون زمنها طويل وكده،خلاص نعمل فطاير وصينيه بشاميل 💓،شغلت نجوم اف ام وقعدت ابعبعص،خلصت السااعه 5 ونص،ختيت غداي واتغديت،زي الساعه 6 كده جا داخل،قال لي مساالخير،قولته ليهو مساالنور،اسخن ليك الاكل؟،قال لي طبختي يعني؟، قولته ليهو وليه م اطبخ اقعد جيعانه مثلاا؟! 😒،قال لي لا خلاص م عايز اكلت قبل شويه،قولته ليهو بي راحتكك،ودخل نام.
استمرينا على الحال ده لي اسبووعين،بصحى بلقاهو مااف،وبنتظرو لحد م يجي عشان اعمل ليهو اكل لو عايز طبعاا،في يوم جمعه كده قال لي انا ماشي اجيب لجين،تمشي معي؟،قولته ليهو حتجيب لجين ؟!!😍،قال لي اي،لو ماشه معي ارح اجهزي،طبعاا م صدقت طواالي نطيت الغرفه 😂،انا بس دايره الطريقه التطلعني من البيت،اتجهزت وطلعت ليهو لقيتو لابس ليهو شورت اسود وقميص رمادي،قولته ليهو ماشي كده؟،قال لي هو انا ماشي وين،طلعنا ووصلنا البيت،سلمت على خالتو جميله،ماجد شال لجين قال ان شاء الله م غلبتك؟،قالت ليهو يعني والله لكن في كل الحالات عسسل حبيبه حبووبهه 😘،قال ليها وين الناس دي مالو البيت صااني؟؟،قالت ليهو ماف زول والله ابوك ناايم وخالد مشغول بي البحث حق التخريج ولا حاجه زي كده،وريم في الجامعه،وبس والله بتك دي هي المونساني ❤️،قعدنا شويه كده وطلعنا،طبعا في الطريق بس شايله لجين وببوس وبشاغل فيها،وابوها نفس الشي،قلت ليها قولي لي بابا ركز في سوااقتكك م تعمل لينا حاادث ❤️،التفت عليها وقال حاادر 🐸،طبعا هي كان عمرها سنه وشويه كده،قعدنا نلفلف بالعربيه كداا ومشينا اتعشينا ورجعناا،انا طوول الوقت ماسكه لجين وببوس فيها التقول بتي بس 😍،لمن دخلنا البيت كانت نايمه وماسكها ابوها،قال لي شيليها وديها الغرفه اجيب الاكياس دي،طبعا احترت ادخلها اي غرفه حقتي ولا حقتو 🙂،مشيت دخلتها غرفتو قلت الليله اخليها مع ابوها وبكره تنوم معاي،نزلت اعمل ليها حليب وجيت راجعه لقيت ماجد قاعد في الغرفه داير يطلع ليهو غيار،قولته ليهو الليله قلت اخليها تنوم معاك يمكن مشتاق ليها وكده،الموهيم هدا الحليب وكده وخلي بالك منها،مشيت بوستها في راسها،راقده على بطنها ملاااكك بس 💙،لمن جيت طالعه مسكني من يدي قال لي انتي زااتك خليك ❤️،قولته ليهو ل ل لأ ب بس قلت اخليها م م معاك الليله ولاا اقول ليك خ خلاص بشيلها ت تنوم مع مع عااي،شلتها وشلت حليبها وفرررر فحطت للغرفه 😂،في غرفتو ضحك وقال بريئه وبرائتها عجيبه 💓.
اليوم التاني صحيت بدري ببكى لجين،شلتها ونزلت تحت وقعدتها في مشايتها،ومشيت المطبخ وعملت كيك شوكلاته وشاي،ختيت الشاي والكيك في الهول وفتحت التلفزيون،نسيت اعمل لي لجين حليبها،مشيت عملتو ليها وجيت لقيتو قاااعد وبشرب في الشاي وادى لوجي كيكه ووشها قلب بني 😍😂،قال لي تسلمي الكيك م كان تتعبي نفسك عجيب،قولته ليهو بالهناا مافي اي تعب والله 😅،خلص وقام شال بتو وبااسها قال انا طالع،عايزه حاجه ليك او لي لجين؟،قولته ليهو لا سلاامتك،باسها تااني قال ليها حبيبهه بااباا امممممح مع السلامهه 💋❤️،بعد م طلع شلتها حممتها ورقدت ناامت،انا زااتي نمت معاها.
صحيت الظهر ونضفت البيت وبخرتو واي شي،وقعدت في التلفزيون،عدم موضوع عجيب،فجأة جا ماجد داخل،قولته ليهو الليله بدري؟، قال لي اصلا السبت ده ماف شي فيهو بمشي المستشفى بشوف الاوضاع وبجي،قولته ليهو اهاا،طيب اقوم اجهز الغداء،قال لي لالا الليله نطلع نتغدى بره انا وبتي ومرتي السمحهه 😍،لمن قال "مرتي السمحه"قلبي عمل شحححححححححح 💔،قولته ليهو يعني قصدكك بتك م سمحه ؟،قال لي م تقولي بتك،قولي بتناا 💜،قولته ليهو سمح ،ط طيب نطلع متين عشاان نجهز؟ ،قال زي الساعه 3 كده،قولته ليهو زابط.
اتجهزنا وطلعنا،وصلنا المطعم وطلب لينا الاكل،قعد يطبز في جوالو بعداك قفلو وقال نتعرف؟،قولته ليهو شنو ؟! ،قال لي نتعرف!، فيها شي؟، قولته ليهو ااابدا،قال لي اها ؟،قولته ليهو ابدا انت،قال لي : ماجد عبدالله عيسى،1987/2/4،دكتور مخ واعصاب،درست الجامعه في الامارات وجيت هنا،وو امي اتوفت وانا صغير بي كانسر في المخ،عشان كده اتخصصت بالتخصص ده،الموهم بحب العصيده بملااح الرووب ياخ حاجه دمااار خاصه لو معاها سمن دي ممكن تكتلني عدييل 😍،وبرضو المثلوثه،وبحب اللون الاسود،بس اها دوركك،قولته ليهو امممم طيب بيان حافظ ،1993/12/24،عشت في بريطانيا ودرست فيها،وجيت هنا عشان بابا وكده،ووبحب العصيده بملاح الروب زيك وااحد،وعشقي اللون الاسود والكبدي 💓،قال لي nice to meet you ma'dem،قولته ليهو my pleasure dear 💜،شويه كده جابو الاكل واكلنا واي شي، وطلعنا على البيت.
