26 : مسكني وقال لي صحي م عارفه روحك بتحبيني ولا لا؟،قولته ليهو ك ك كيف يعني!،قال لي م تتغابي،اها طيب خليك من امك "مسح وشو بيدو" انا دا بسألك،بتحبيني؟،سكتته،قال لي هااا؟،قولته ليهو ياخ م عارفه مااااااعاااااارفهه خليني يااخ 😢💔،فكاني ومشا خطوتين ورا وانا فحطت للغرفه وقلبي حاسه بيهو حيشرط صدري ويطير،تاني قلت ي الله اسي كيف امشي اجيب لجين 😖،غايتو ي ماجد بتختني في حتاات ضيقهه خلاص 💔،واصلا عرف كيف انو امي سألتني السؤال ده "اضانو خفيفه زي زيزو 😉"،المهم استحميت وطلعت اتااوق كده اشوفو في ولا مافي،لقيتو نازل في السلم،قمت ججري على الغرفه شلت لجين ورجعت، والخطوات كباار كباار 😂.
صحيت اليوم التاني بدريي وربطت الطرحه في راسي،ومركبه سماعات البلوتوث،وبديت نضافهه 😂،م خليت مكان م نضفتو،وانا من النوع اللي لمن بنضف بسمع اغاني وبرقص معاها وبنسى انو عايشه في كوكب الارض اساسا 😂،خلصت نضافه وعملت الفطور وختيتو،التفت القى ليك ماجد بضحك 😂❤️،والضحكه دي من قلبووو 💙"يعني حتكون من معدتو مثلا؟"،قولته ليهو مالك 😨،قال لي لقيتك عجيبه في الرقيص 😂💔،طبعا واااي من الاحراج،قولته ليهو الفطور جـ جاهز وجرريت الغرفه،استحميت وحممت لجين ونزلنا،لقيتو قاعد في التلفزيون والفطور في محلو،قولته ليهو مالك م فطرت؟،قال لي افطر براي يعني؟، قولته ليهو م علينا ارح قوم انا جيعانه موت 💔،فطرنا وشربنا الشاي وهو طلع مشى شغلو،زي الساعه 3 كده الباب دق،مشيت فتحتو لقيتها ريم،طبعا مشتاقهه ليها مووت كل م امشي ليها ي اما نايمه ي اما في الجامعه،حضنتهااا ققووي لمن قالت لي ي بت دايره اوكسجيين 😪،فكيتها قالت لي بت اخوي السمحهه وينها،قولته ليها جوه تحضر في طيور الجنه 😂،دخلت جوه لجين قامت جاريه عليها وتقول ليها ابتو ليييييييييييييييييم "عمتو ريم 😂"،قالت ليها رووح وقلب ابتوووو مشتااغيين ي لوجييي ❤️،المهم قعدنا نتونس والموضوع جاب الموضوع وقعدنا نشرب الشاي،تااني الباب دق،مشيت فتحتو لقيتها حلا ومعاها مراد،طبعا حلوين حلاا مع بعض ✨،دخلو جوه،ريم لمن شافتهم اتخلعت،وبرضو مراد اتخلع،سلمو على بعض وقعدو،لاحظت لانو ريم طول القعده دي ساكته،ومراد نفس الشي،وحلا ماسكه لجين،وانا قاعده ممحنه 😂،غلبني البسويهو،فجأة كده ريم قالت انا ماشه،قولته ليها ويين م بدري،قالت لي ههه بدري من عمرك انا اتأخرت يلا مع السلامه،وطلعت،مع طلعتها جا ماجد داخل،سلم على مراد،قولته ليهو ماجد ده...، قاطعني قال بتبالغي لكن ي بيان معقول م اعرف صاحب اخوي واخوي برضو!؟،قولته ليهو م عارفه انكم بتعرفو بعض 😅،قال لي م مشكله ي بيبو ❤️،ختيت الغداء واتغدو وشربو القهوه وطلعو،قال لي مراد ده صاحب احمد الله يرحمه شديد هو وحسام، كانو 24 ساعه معانا في البيت عاملين لينا وجع وش 😂،قولته ليهو حرام عليك بالعكس ظريفين شديد الا حسام ده 😂،قال لي عندي عرس صاحبي الجمعه الجايه تمشي معاي؟،قولته ليهو ماشاءالله منو سعيد الحظ ده؟،قال لي دكتور سمير متذكراهو؟،قولته ليهو سمير الواحد ده م غيرو؟،قال لي انا برضو مصدوم نفس صدمتك دي 😂، "سمير ده واحد كان عامل درامات تقيله في المستشفى وكوميديان المستشفى وزول نكته خلاص مما تشوف وشو تضحك تلقائيا بدون اي سبب اسي عرس كيف م عارفه،المره الحيعرسها حيجيها وجع فكين من الضحك 😂،والله شايله همها"،قال لي بكرا ماشي اشتري لي بدله زاابطه كده لي عرسو الزول ده انا مصاحبو شديد 😂،تمشي معي؟،قولته ليهو م عندي مشكله،فعلاً اليوم التاني مشينا محل كده قال بعرف صاحبو وكده،وبدلو طبعا حلوه شديد،اختار ليهو بدله كحليه كده مع قميص ابيض وجزمه كحليه وساعه بيضاء رهيبهه،دخل جربهم وطلع،طبعا انا بقيت بعاين ليهو كده "🤤" 😂،قال لي انا لمن البس البدل دي بحس روحي عملاق ليه 😂؟،اها كويسه ولا لا؟،قولته ليهو حلوه حلوه شدديييييد حبيييت 💕،قال لي بالجد؟،"قربت اقول ليهو لا بالحبوبه 🐸"،قولته ليهو ماف كلام 👏🏽،خلصنا اي شي وطلعنا،مشينا شويه كده ووقف في محل،قال لي يلا انزلي،قولته ليهو في شنو،قال لي حتمشي العرس كدا ساي؟، قولته ليهو كيف يعني؟، قال لي ماشين نشتري فستان ليك ولي لجين، قولته ليهو م بحتاج عندي الملابس والله،قال لي م على كيفك يلا انزلي،دخلت المحل ماشاءالله عندو فساتين وقصات خوونفشااريه 💙،قعدت اتفرج،ووقعت عيني على فستان اخضر،لونو م عجبني لكن قصتو عجيبه،قولته لي بتاعت المحل مافي الوان من الفستان ده،قالت لي في كحلي وفي لون تركواز،طوالي عاينت لي ماجد وقلت خلاص اديني الكحلي 😂،طبعا مطقم بالفضي الساااده 💕،دخلت جربتو وطلعت وكان ماجد قاعد وماسك لجين،لمن طلعت،حصلت صنه في المكان،قولته ليهو مالك؟ م حلو صح؟،خلاص ماشه اغيرو 😢،قال لي دقيقه،قام ومشى علي ومسك يدي ورفعها فوق ولفاني "فهمتو م فهمتو م شغلتي شرحي بنغالي" ،قال لي ماشاءالله ♥️،الفستان حياكل منك حتهه 💕👏🏽،قولته ليهو يعني حلو؟،قال لي كيف م يكون حلو وانتي لابساهو؟،انا طبعا فصلت مويه ونور 🐸،قولته ليهو طـ طيب ماشه اطلعو عشان نـ نشتريه،طلعتو واشتريناه وجبنا لي لجين فستان فضي حلوووو حلااااا وفيهو حزام وربطه شعر وجزمه بالكحلي 💙💙،نزلنا وركبنا السياره،قولته ليهو ماجد،قال لي ايوه،قولته ليهو شكرا 💕،قال لي لأ انتي بتستاهلي يدوك كف،ي بت انتي مرتي وده اقل شي مفروض اعملو علشانك فاهمه؟،قولته ليهو طيب 🐸،تاني قولته ليهو مااجد،قال لي ايوه،قولته ليهو مش انا مرتك؟،قال لي اها ؟،قولته ليهو عايزه اسكريم 🙂،طوالي فرمل ونزل جاب جردل اسكريم وجا 😂،فتحتو وبديت ألحوس انا ولجين "كلمه من معجمي انا"،قال لي بالنسبه الانو انا عايز،قولته ليهو امممم لأ ماف ليك،قال لي ده جزاي الانا تعبت ونزلت جبتو ليك 😢،قولته ليهو هاك امسك الملعقه،قال لي م بقدر انا سايق اديني انتي،قولته ليهو طييييب،وشلت حته كبيره ودخلتها ليهو في خشمو،ي حليلو لمن دموعو نزلت حتى قال الله يازاك 😂.
يوم الخميس مشيت الكوفير واتحننت حنهه عجبتني كيف 💓،مشيت بعداك لي ناس امي،دقيت بابهم ماف زول جا،دقيت عليها قالت لي انا في بيت خالتك شيماء،مشيت ليها في البيت واتونست معاها شويه،بعداك خالتي شافت الحنه قالت لي عاد ي بيبو حنتك ماشاءالله بس عيني باارده حنتكك رهيبهه، قولته ليها تسسلمي ي خالتو 💙،قالت لي حنه زي دي دايره ليها دخاان، تعالي اخدي ليك بوخه انا اصلا كنت حاتدخن الليله وولعت الحفره اسي،قلت ليها شنوو؟ دخان لمنو؟ انا دي؟ بري بري بري،قالت لي شنو البري يلاا قداامي ي بت،قعدو يحنسو فيني دهر كامل في الاخير كروني وقعدوني، حسسوني اني خروف الضحيه 😂😂😂،قعدت شويه كده ومااما وخالتو اختفو،قمت زوغت ودخلت الحمام ولبست وطلعت،كانو قاعدين في الصالون قولته ليهم يلاا تشااو 😁،وطلعت طووالي،لمن وصلت البيت لقيت ماجد قاعد،قال لي ي هلا،قولته ليهو اهلين،"طبعا زعلت لانو م شاف الحنه 😢"،دخلت المطبخ اشوف حاجه اكلها،جا وقف في باب المطبخ وقال الحنه والدخان عاملين شغغل عجيب 😻♥️،قولته ليهو تسلم،"متخلفة وعارفه نفسي استاهل كف".
جا يوم الجمعه،وصحينا بدري وجهزنا ومشينا لناس العرس عشان العقد والغداء،لبست بلوزه فنايليه طويله بيضاء ومعاها جكت جينز وبنطلون جينز وطرحه بيضاء،ولجين لبستها شورت جينز وبلوزه كم كامل ولميت ليها شعرها اتنين عاملين زي ميكي ماوس 😻،سامعه ماجد بنادي يلاا ي بيان نحنا اتأخرنا،دخل الغرفه وي ريت لو م دخل،لابس جلابيه لونها ابيض من نيتي ولابس العمهه والشال ي يمه وحالق جديد حلاقتو تسو كدي 👋🏽🤤😻،قال لي لو جاهزه يلا نطلع،"قولته في روحي ده حراام حراااااام يطلع كده بخاف يشلبوهو مني 😢💔"،قولته ليهو اي جاهزه يلا نطلع،في السياره قولته ليهو ماجد اتحصن 😨،قال لي شنو ؟،قولته ليهو اتحصن ياخ،قال لي بخافي يشلبوني منك ولا شنو 😂،قولته ليهو خلاص اصلا انا الغلطانه البوجه فيك 😒،قال لي بي ريموت ولا عصايه 😂😂، قولته ليهو هاهاها ماشاء الله الظرافه قايمه عليك الليله،سوق وانت ساكت عليك الله 😒.
