25 : مر شهرين،وبس اليوم كلو بقضيهو لعب وونسه مع لجين،او بتكلم مع ليان في السكايب،طلعات ناادرا م نطلع،قلت خلاص الليله بكلم ماجد يجيب لي السياره وانتهى،الموهيم مشيت حممت لجين ونامت طووالي 💙 ،ودخلت استحميت وتن ترا را تن تن نسيت ملابسي بره 😂،قلت اصلا هو بره واااااااصلا انا في غرفتي فااما موشكله ✋🏽😌،اتلفييت بالبشكير "حدو الركبهه" وطلعت بس كان القى ليك ماجد ماسك لجين وبهدي فيها شكلها صحت واتخلعت،وانا لمن شفتو عملت يوتيرن قووي لمن انزلقت في الحمام 😂😂😂😂💔،طبعا عمكم اتفقع ضحك وساق بتو وطلع 😂،طلعت من الحمام وانا بعرج وبسب وبنعل في جد ماجد العاشر 😂،طبعا اختكم جيعانه لمن غلط،لبست ونزلت اكشف اشوفو مشى وين،ملقيتهوش،والاحلى من كده جايب ليهو شاورما وبيتزا وبروستد وبيبسي 😍👏🏽،بس شلت من اي شي تلاتهه قطع وبيبسي ومشيت على التلفزيون وانسدحت وقعدت اشفط 😌،بس الساعه الينزل ليك فيها ماجد وشايل لجين 💔🙂،قال لي جبت معااي ... "وعاين للنص بيتزا في يدي"، قولته ليهو اا ي هدا صحنك دقيقه امشي ااجيب صحني،"ابو الاحراج زاتو"،جبت ليهو الاكل وجيت دايره اشيل صحني قال لي مش قولتي ده صحني؟،ابتسمت ليهو الابتسامه دي "🙂" وسحبتو برااحه واتكرفست بعييييد منو 😂،وهو طبعا الضحكه وااضحه في وشو،وم قدر يكتمها بس قهقهقهقهقهقهقهقهقهااااااا الضحكه الخطيره ديك 😂😂😂😂💔،قال لي انتي عسسسل واللهي 😂، قولته ليهو اااصلااا انا كده ودي محتاجهه ليها تفكير؟ 😌، قال لي م عارف اتزوجتك عشان تكمدنيني ولا تمسكي لي بتي 😂، قولته ليهو تكمدنيني ؟،ي ولد جيب صحنك ده النشوفو خاتين ليك فيهو بدل الزيتون هيروين ،تكمدنيني دي شنو؟!، قال لي من كوميديا ي هبله،قولته ليهو هبله؟ 😒، قال لي واحلى هبلهه برضو 😍، عايزه ارد كده جوالي دق،كانت ماما،سلمت علي وكده وسلمت على ماجد،قالت لي انا وابوك نازلين السودان اجازه شهر كده،عاد ي بتي شطبتو لي راسي بقيت براي زي الشيطان في البيت،قولته ليها ي ماما عندك دانهه، قالت لي بري المجنونه دي م بدخلها بيتي 😂، قولته ليها ي سلااام البلد حتنور 😍❤️،اها الجيه متين،قالت لي الاسبوع الجاي يوم الاربع ان شاء الله، قولته ليها تصلو بالسلامهه ان شاء الله، قالت لي ان شاء الله يلا مع السلامه،وقفلت،قال لي المسافر منو؟، قولته ليهو اهلي نازلين السودان،قال لي اها يوصلو بالسلامه،قولته ليهو مجوود،قال لي انجزي المصلحهه شنو،قولته ليهو ياخ ي ماجد طول اليوم انت بره، وبقعد انا وبتك طفشانين، قلت اكلمك تجيب لينا السياره،لوو ممكن يعني،قال لي بس كدا؟، خلاص الليله دي بجيبها ليك،قولته ليهو شوكراا ❤️،قال لي شكرا شنو؟ انتي هبله ولا حاجه،اصلا عارف روحي م قاعد اطلعكم كتير ومقصر معاكم في الحته دي،قولته ليهو لالا م حكايه تقصير منك لكن يعني قلت لو جبت السياره امشي ناس خالتي جميله او نمشي لاهلي او نتفسح برانا بره،قال لي خلاص اعتبري الموضوع منتهي ✋🏽.
مرت الايام وجا يوم الاربع،وناس ماما وصلو،قلت اسوي ليهم كيك وبسبوسه وامشي ليهم،رسلت لي ماجد وانت جاي جيب كده وكده وكده...،زي ساعتين كده وجا،قولته ليهو جاي بدري الليله،قال لي الايامات دي مافي مرضى كتيرين،قولته ليهو طبعا ماف مرضى كتيرين م دكتوره بيبو مافيشهه هم حيمشو وين 😆،قال لي م علينا الحجات في المطبخ،وبكره من الصباح نمشي ليهم، قولته ليهو زابط ي زول،بس مشيت زبطت كيكتي وبسبوستي واي شي في مكانو،اصبح الصباح،صحينا متااااخر،و دااك ي الجري، الشي الفلاني وين،الشي الفلاني نسيتو،بس جهزنا وطلعنا وقفلنا البيت وركبنا السياره،اتذكر ليك الكيك والبسبوسه،قولته ليهو مااجد الكيك والبسبوسه نسيناهمم،اديني المفتاح براي بمشي اجيبهم 💔،قال لي حرررم كان تمشي اتأخرنا يااخ،قولته ليهو لكن...، قاطعتي قال لي معليش اي محل حلويات ننزل وتجيبي العايزاه اوك؟،وم تشيلي هم حجاتك الاتنين في ليهم صرفه 😏😂،"اشر لي على بطنو"، قولته ليهو عارفاك انا اصلا همك في بطنكك عشان كده نسيتني ليهم 😭💔، قال لي خلاص اها هدا ارح المحل ده،نزلنا واشترينا كتير،" ده طلبو هو م تحمرو لي"،قولته ليهو اسي بدل ده كنت من هناك ترجع تجيبو 😒،قال لي بطلي تنضمي كتير، قولته ليهو بنضم كتير بسبب عنادك ده 😒،قال لي يلا وصلنا،"طبعا هم قاعدين في الشقه لكن ناس عمي محمد عزموهم غداء"، نزلنا وقعدنا معاهم واتغدينا واي شي،حتى خالتو جميله وعمو عبدالله موجودين ❤️،وقالو عرس حلا بعد 4 شهور ❤️،قولته لي حسام اها وانت ي بااير م عايز تتخارج 😂؟، قال لي واللهي م اظن ده من اختصاصك،"اخواتي القاعدين في نيويورك جبهتي لو حصلتكم حلفتكم ارموها لي راجعه سمح؟"،مشيت المطبخ امي لحقتني،"طبعا عرفت الموضوع ختشير"،قالت لي اها ي بيبو خبرك شنو مني منك كده،قولته ليها تمام الحمدلله وانتي كيف والعويره دانه كيف،قالت لي كويسه الحمدلله بعض المرات بتجي تبيت معاي والله،قولته ليها اهاا كويس،وسكتنا شويه،قالت لي ماجد كيف معاك،قولته ليها كيف يعني؟، قالت لي يعني بعاملك كويس؟ مافي مشاكل وكده؟،قولته ليها اااابداا والله بعاملني كويس شديد،قالت لي كان كده كويس والله،طيب اسألك سؤال لكن م تتخجلي لي سمح؟،قولته ليها اتوكلنا على الله اها قولي 🐸،قالت لي بتحبيهو؟، قولته ليها شنو ؟،قالت لي شنو الشنو سألتك سؤال من كلمه وااحده وجاوبيني ي نعم ي لا 😒،قولته ليها م عارفه والله،قالت لي بتميلي لي ياتو ناحيه طيب،قولته ليها ماما انتي عارفه انو بقيتي زي وفاء الكيلاني 🐸💔، قالت لي م علينا ياخ،اخلطي لي معاك المنغه دي سمح؟، قولته ليها بس كده؟ عيوني لييك 😍،قالت لي لالا عيونك خليها عندك م دايراها اسوي بيها شنو 😒،الموهم قعدنا اتونسنا معاهم وطلعنا،لمن وصلنا البيت لجين كانت نايمه،قولته لي ماجد حارقدها عندك ماشه الحمام،قال لي اوك،دايره اطلع جا وقف قدامي وقفل الباب 😨، مسكني وقال لي صحي م عارفه روحك بتحبيني ولا لا؟...
