حياتي تؤلمني💔(منقوله )

4

حلقه أضافيه هديه ليكم هههه😁
#حياتي_تؤلمني الحلقه 4

سيرين : هي أنزلي غاليتي ناكلوا فالمطعم

حنين : ربي يحفظك ليا يا أغلى ما نملك

سيرين : يا شاعره ههههههه🙈 قداش عندي حنون أنا

حنين : هههههه توا تتزوجي و تجيبي صغار تنسيني

سيرين : مستحيل تي نبيع صغاري ولا نبيعك أنتِ كبيدتي و أكسجيني

حنين : ربي يحفظك ليا أن شاءالله هي أنزلي

✨نزلوا لـ مطعم حلو طلبوا غدي و كلوا ... خلصوا و طلعوا و درسوا ع جردينه شرو سبول🍿و دونت🍩 و عصير 🍷و قعدو يهدرزو

...................

وسيم : هي أركبي نروح بيك

السكرتيره : أممممممم حبيبي نحبك😘

وسيم : حتى أني نعشقك

وصل وسيم السكرتيره متعه و روح لحوشهم

حنان : بوكم غدوه مروح بإذن الله من أنطاكيا

ولاء : يوصل بالسلامه يارب أستاحشته

وسيم : كيف حالكم

حنان : باهي يا ولدي بس أمتى نفرح بيك

وسيم : قريب أن شاءالله أدعيلي الفتره هيا

ولاء : أن شاءالله ع خير😄راكبه أنا نقرأ

ركبت ولاء أتصلت ب سيرين و خبرتها قريب ماتت من الفرحه

اليوم التاني الساعه 8:30

تسنيم : يا عمري بجد فرحتلك من قلبي

سيرين : ههههههه مش مصدقه

تسنيم : أهي جت هذه الخرا

تالا : نبيك

سيرين : كان تبي شي قوليه قدام تسنيم لانها هذه مش لقطه حلوه أديريها حبيبتي تعلمي أصول الادب

تالا : تسنيم تسنيم تسنيم شن هذا راه شيطان هذه

تسنيم ساكته

سيرين : هي وجهك و الحيط يا ملائكه

مشت تالا

تسنيم تبكي : خيرها تكرهني هذه

سيرين : هكي يا عمري ماتعدليش عليها حسوده

الشاب : يا صايعه

الشاب 2 : ههههههه يا راجل خليتها تبكي

الشاب : يا خاينه

سيرين ساكته ماتبيش ترد ع الشباب لانهم ح يطاولوا عليها

روحوا جميعهم لحياشهم كالعاده سيرين هي إللي تتصل بـ وسيم و هو جاف بكل معاها أما تسنيم تبكي فالحوش لانها سمعت كلام عليها ... تسريع الاحداث و بالتحديد فالجامعه جي وسيم و كان ناوي الشر و عيونه فيهم شراره حمره

سيرين : حبيبي خيرك في حاجه علاش جاي

وسيم : مافي شي عندي موعد مع واحد هني أركبي لقاعة إمتحانك

سيرين بعدم تصديق و تحسابه جاي يدير في دوره عليها : باهي رد بالك ع روحك (ومشت

وسيم قعد يضرب فالولاد إللي طاولوا في الكلام مع تسنيم و كله مايندري عليه حد لغاية ما جي واحد تأسف لتسنيم و الكل مستغرب

سيرين : هههههه هبلوا شكلهم أمس يعاركوا و اليوم يتأسفوا

تسنيم : مش عارفه يا عمري مهم كساد بكل

سيرين : هلبه حقا تعالي عندي أليوم تمام

تسنيم : مناسبة شني

سيرين : ههههههه بدون مناسبه يا خرا

تسنيم : تمام Ok كان فضيت

سيرين : شن تخدمي حقا

تسنيم : هكي أي شي

سيرين : 🙁؟؟؟

روحت سيرين و كالعاده تتصل بـ وسيم بس هو مش مدورها بكل 💔أنسان جاف لأبعد الحدود و عندها أحساس أن هي فارضه روحها عليه تبكي تبكي لحد ما خداها النوم ناضت مخلوعه و أتصلت ب تسنيم

تسنيم : خيرك تبكي أهدي أهدي

سيرين : مضايقه

تسنيم : خلاص حبيبتي صلي توا ترتاحي

تسنيم : باهي توا أنا فالعمل بعد نروح نعاودلك أوكي

سيرين : Ok

.....................

حنان : بيان طول يا ولد خلي ع الأقل نديرو نظره الشرعيه

وسيم : هو هذا يام شن غريبه عليا هي ؟؟

حنان : متأكد أخر كلام

وسيم : أيه و غدوه بنلبسوا الدبل

حنان : نكلم خالتك

#يتبع