حياتي تؤلمني💔(منقوله )

22

#حياتي_تؤلمني الحلقة 22 و طويلة هلبه اطول حتا من يوم الجمعة😂

رقد الكل من التعب ... إلا سيرين قعدت فايقه و حست روحها مخنوقة شافت الساعه لقتها ال3 ونص لبست ماليا طويله فوق البيجاما و طلعت تبي تطلع للجنان تشم هواء

وقفت ع حاشية الحوض السباحه و قعدت تبكي ع حظها المزكح و تقبلت الأمور الواقع بس في داخلها صراع قوي يراودها بالهروب بس مش متشجعه للفكره .. خشت للدار و رقدت

تاني يوم جديد الساعه 8:00💓 سيرين وتت روحها لبست لبسه بسيطه و نحت دبلتها حطتها فالشنطه

نادر و لجين من القدام و سيرين من التالي

لجين : ايي و أمتا العرس ان شاءالله

نادر يشوف للطريق : مازال

لجين : خلي نشري فستان العرس من توا و مستلزمات بالوسع خير ولا نقووولك مداما سيرين البتات متعها قال بابا بيشريهولها من كندا بنشري حتى اني

نادر : به

لجين : سيرين غيري السيره متعك عالفيس و ديريها مخطوبة😁

سيرين كانت سارحه فالطريق : نعم

لجين : قصدك من بكري وأنا نهدرز وفي الاخير طلعتي من منتبها معاي😭😭

سيرين : ههههه مصحك انزلي انزلي لجامعتك

نادر نزلها فلوس

لجين : عندي فلوس نادور  هي باي😘

سيرين ركبت القدام لان نادر مايحبش يسوق بحد راكب التالي

سيرين : متع الشركه يعرفوا ؟

نادر : ايه

سيرين : و محمد

نادر تنرفز : خيره محمد ؟ ولا خايفه ع مشاعره

سيرين : محمد زميل لا اكتر ولا اقل

نادر : فوتيها الدسكه متع زميل وهم يحزنون اهو نبهتك مانبيش نشوفك واقفه عليه

سيرين : ع اساس تغار يعني غير بالله ساد من التمتيل

نادر : لانك تنحسبي عليا من اليوم 😠

سيرين : باهي باهي

نزلوا للشركه و الكل قعد يباركلهم في اللي حاسد و في اللي فرحان و في اللي يجامل ..

هوازن : الف الف مبروك ماليكش أسبوع و خديتيه نيالك والله طلعتي فالحه

سيرين تنرفزت من كلمتها : شن قصدك

هوازن : كلامي وصلك

سيرين : نادر ولد عمي 😠😠

هوازن أنصدمت : بجديات 😳قصدك مالك الشركه ولد عمكك ؟ وخيرك ماقلتش

سيرين : علاش بنقول ؟ مش حاجه مهمه اني نقولها

هوازن : و تخدمي ريسبشن ؟ تي نادر فلوسه زي التراب