#حياتي_تؤلمني الحلقه 23❤️راهو نبي تعليقات سمحة و توقعاتكم مش تم تم😑😑
خشت سيرين للدار مع بنت انسام و كانت حاطه عالسرير زوز فساتين واحد عنابي و التاني فوشي
سيرين شبحتلها : مافهمتشش
انسام : يا حنه بنت عمي بعدين مدايره عيد ميلاد و عزمتني و لما عرفت انك جايه قتلي ضروري تجيبي معاك سيرين
سيرين : عيد ميلاد هاجر ؟
انسام : ايه
طبعاً سيرين تعرف هاجر بما ان ضايفين حتى بعض عالفيس ❤️
سيرين : لالا نبيش نمشي لقطه بايخه الحق
انسام : تي والله هياا شدت فيا قتلي جيبيها معاك و هاك البسي الفستان هذا مش ملبوس بكل ماجانيش لاني ضيعفة وانت مربربه😁
سيرين : مصحك احلا فيا جسمي😌
انسام : هيا البسي فيش وقت وأهو بنقولك حطي مكياج في وجهك بما انك مخطوبة وهي بدير عيد ميلاد كببببير هلبه
سيرين : اممم باهي
ستشورو شعرهم و انسام تعرف فالمكياج حطتلها مكياج بسيط و حلو .. خشت عليهم ربيعة انبهرت بـ سيرين
ربيعة : مصلي عالنبي 😍أية في الجمال الله احد وشبحت لبنتها .. غزالتي تقول عارضة أزياء
سيرين : ههههههه عمتو تشكر فينا
ربيعة في خاطرها : ياريت فراس هو اللي خطبك
انسام : دقيقه بس نمشي الحمام للوطا بندير لمسات😌😂
ربيعة : وأنا بننزل نمشي نكسد عند جارتي حليمة
سيرين : انتي ماعزماتكش ؟
ربيعة : عزمتني غير ماعنديش وجيج للحفلات هي ماشيه انا
مشت ربيعة لحوش جارتها تهدرز اما انسام شرين عليها خطيبها معاش طلعت من الحمام😂 و سيرين بروحها قعدت فالدار ... شرين تليفونها لقاته رقم غريب ماردتش عاود مره تانيه ماردتش لن بعت مسج مكتوب فيه (ردي انا نادر ) ردت سيرين : الو
نادر : سيرين لو قتلك ان رسمي ح نمشي نخطب مسره شن ديري؟
سيرين انصدمت بس توقعت بهذا السي ح يصير : الف مبروك
نادر : ومش ح نرخي بيك
سيرين : رجاءً خاص .. الدبله و عندك خلاص
و ع خشة فراس سيرين طول نزلت التليفون خافت منه
فراس : اوووه شن هالجمال كله
سيرين : فراس اطلللع برا
فراس : القفطان محليك😍والله نادر عرف يختار ..
سيرين خافت منه : اطلللع برا يا حيوان😭😭😭نحرش فيك عمتو
فراس : نعليا صوتك بس دوبني🤤 افسخي من نادر والله لما ناخدكك
أنت تقرأ
حياتي تؤلمني💔(منقوله )
Romanceروايه ليبية منقووووووووله خيانه حزن كره حب انشالله تعجبكم (لم تكتمل بعد )
