#حياتي_تؤلمني الحلقه 8💓💓
رفعها نادر للمستشفى يجري هو و أمه و لجين أما تالا قعدت فالحوش لانه نادر كشخ عليها قتالها لازم يقعد حد فالحوش .. خشت الحمام لقت التليفون طايح و وسيم قاعد عالخط
تالا : الو
وسيم : سيرين وينها
تالا عرفانه من صوته : يا خاين البنت قتلتها حسبى الله ونعم الوكيل فيك كله من جراير صاحبتك تسنيم
وسيم : أحترمي نفسك
تالا : البنت لو عايشه تحلم أنك تشوف ظفر منها أصلا هي ماتستهلكش
وسيم قعد يسب فيها صكرت تالا الخط و مشت توضت باش تصلي تدعي ل سيرين
بينما سيرين تتصارع هي و الموت خداها الدكتور يجري
قعد يديرلها في الانعاش بس مافيش نبضات
الدكتور يكلم في الممرضه طبعاً ب الإنجليزي بس أنا بنترجم : زيدي شحنات الكهرباء
الممرضه : حاضر
دارلها الدكتور بس مافيش نبض نهائياً
خش نادر عليهم لانه الدكتور صاحبه
الدكتور : يا نادر شد البنت كويس لانه راح نزيدو شحنات الكهرباء .. دارلها الدكتور الانعاش لغاية ما أنتفض جسمها بالكامل حتى نادر قوة راجل جسمها قعد يتخض
الممرضه : يا دكتور هذه أقوى شحنه و الباين أن البنت متوفيه
الدكتور : مازال فيه أمل و هذه أخر شحنه لو القلب ماخدمش معناها البنت أوقعوها للمغسله
عند حنين 💓
حنين : قلبي عاصروا علي بنيتي نبي نكلمها
رقيه أمها : أستهدي بالله أكيد البنت تدهور توا خيرك تفاؤلي
حنين : يام نبي نصلي
حنين توضت و صلت 💕 و قعدت تدعي
يارب بنتي أحفظها يارب خليهالي يارب ماتحرمني منها يارب ماتحرمني من صوتها
في اللحظه هذه عادت سيرين للحياة
( سبحان الله أحساس الأم عمره ما خاب و تصدقوا يا بنات صايره حق اللقطه هذه مع قريبتي )
نادر : توا كيف وضعها يا دكتور و علاش صايرلها هكي
الدكتور : الحقني للدار نبيك ع أنفراد
مشي معاه نادر مخلوع و خايف : شن في يا دكتور خوفتني
عند لجين و أنتصار يتباكوا مخلوعين علي سيرين و خاصتاً أن مازال هي راقده في العناية يعني غيبوبه
الدكتور : الواضح أن عندها القلب
نادر أنصدم : في صغر سنها عندها القلب ؟؟ علاش يا دكتور
أنت تقرأ
حياتي تؤلمني💔(منقوله )
Romanceروايه ليبية منقووووووووله خيانه حزن كره حب انشالله تعجبكم (لم تكتمل بعد )
