حياتي تؤلمني💔(منقوله )

16

#حياتي_تؤلمني الحلقه 16💓

خشت تالا : الحمدلله عالسلامه كان نعرف شن قصتك الدوخان أكترر بنت شوفتها في حياتي ادوخ

سيرين : الله يسلمك غير بالشويه بالشويه تكلمي هاك أشربي ميه

تالا : اممم هيا البسي اسامه يدفع في تكاليف العناية لوطااا

سيرين : قصي اللصقه شن موضوعه ؟ مش ناوي يخليني فحالي بكلل

تالا : شكله كبد فيك ههههه أعطيه فرصة لانه البائن يحبك تعرفي مبكري خايف عليك و قعد يسأل عالدكتوره و يفرفش يناري

سيرين : تي لما وافقت عليه كنت نبي ننتقم من وسيم بس لقيت روحي ننتقم من نفسي حقاااا وسيم جي هني و هذاكا اليوم جي و لقاني واقفه ع نادر و طاحوا ضرب بعضهم

تالا : اييي كيف عرف مكانك ؟ دقيقه دقيقه شبحك مع نادر ؟ قصدك انتي و نادر ..

سيرين : تي لا ماتفهميش غلط تي كنت واقفه عليه مش عارفه شن نعطي فيه و بالنسبه لكيف عرف مكاني ماهو صفحتي فالفيس عالعامه و مدايره مكان سكني

تالا : ردي بالك تفكري ترجعيله هذا بدلك بصاحبتك

سيرين : ولا حتى في الأحلام قريب متت بسببهم حسبى الله ونعم الوكيلل هيا نوضي اسامه يراجي

نزلوا لوطا لقوا قصي و اسامه ركبت سيرين و اسامه و تالا و ..قصي بروحه

اسامه : لابأس عليك يا برو

سيرين : الله يبارك فيك

أسامه : شن موضوعه قصي هذا لاحقك حتى هني باش قلناله رافضه

سيرين : أيي ياريت يحي يخطبك يا تالا و نفتك منكم الزوز😂

تالا : توا الليله نطيحه بنضحي ع خاطرك😂

اسامه : باه خلاص صكروا فمكم هي

سيرين : يا حزار هدي روحك ريلاكس

تالا : ههههههههه

وصلوا للفندق و طبعاً سيرين شبحت مسره مع نادر و تبكي

سيرين تلفتت ل تالا : تعالي نشوفوها خيرها هذه هي نفسها اللي تعرفنا عليها اني و لجين

تالا : هي

مشولها

نادر شافهم كح : أحم أحم

سيرين : اهلين .. خيرك تبكي حبيبتي أن شاء الله خير

مسره : خويا معاش لقيته بكللل

سيرين : لاحول ولا قوة إلا بالله .. شوفوا كاميرات المراقبه

مسره : مايبوش يفتحوها

سيرين : نادر باش عندك معارف ؟ أتصل بيهم

نادر شبحلها و ماردش عليها

سيرين بينها و بين نفسها به يا حمار رديت حتى بالكذب قدامهم منظري مهزب : أكيد ح بخير هو أدعيله بسس