#حياتي_تؤلمني الحلقه ما قبل الأخيرة 30❤️❤️نبي تعليقات سمحة ههه لانه راح نستاحشكم
اسامه : امي مداما تالا عمرها 21 خلاص هو هذا و هي اصلا كملت قرايتها ترجمة
جمال : خيرك هابل يا ولد نسئلو بؤ البنت قبل
انتصار : اي ي وليدي و مرات البنت عندها حد تاني
اسامه ناض من بحداهم أحبطوله مشاعره هههههه
لقي سيرين ع حوض الماعين مشالها : سيرين
سيرين : ها
اسامه : احسبيني معاك ف كاكاو
سيرين : باهي
اسامه : اي و تالا عندها حد ؟
سيرين شبحتله و ضحكت : لالا ماعندهاش و لا عمرها دارت
اسامه فرح : اه باه
سيرين : باش كنت صايع و متع بنات شن غير رأيك بس😂😬
اسامه : لما شبحتها في خطوبة خوي نادر عجبتني الحق
سيرين : باش قلت شينه هههه
اسامه : اناشب فيها
سيرين : و مش ح تلقى خير من تالا خودها و عيونك مغمضات
اسامه : صاحبتك اكيد بتشكريها
سيرين : ههههه
اسامه : سبحان الله كنتو تكرهوا بعض
سيرين : و توا زي اختي و اكتر❤️❤️
اسامه : غير بلا دراما توا نشوفوكم لما تبدو سلفات كيف تولوا زي العقارب
سيرين ضحكت : ههههه لالا مستحيل خيرك انت
ع خشة نادر : ضحكوني معاكم
اسامه : نضحك انا و بنت عمي شن دخلك😌
سيرين : ههههههههه فكنا منه نخاف منه خوك راه
نادر : تخافي مني صار تي باهي باه
اسامه قعمز ع الرخامه و بدي يفلم عليهم : عرسي بنديره قبل رمضان ان شاءالله و بنديره في صالة كونكورد😍 اووووه و العشي نبي سيرين اطيبه و الزمزامات نبي اختي لجين لانه حنجرتها زي عبسي ولد جارنا و بنعزم جميع البنات اللي كنت نكلم فيهم نبي نشوفهم بالقفاطين😍😍اااوووه و نبي نخش نكحل ع المزز وين تندري بالك نصيبي في واحده منهم الشرع حلل 4
سيرين ضحكت : بالله عليك😂😂
نادر : دينه لبنات هذا😂😏
اسامه : لو في المستقبل تالا و امي تعاركوا
نادر : طلقها
سيرين : و الصغار شن ذنبهم معليشي تحمل يا اسامه ع خاطر صغارك
اسامه تأتر و صدق روحه : تي مليت منها يا سيرين ديما نكد نكد و ماديرش في الغدي بكري و تنوض متأخر
أنت تقرأ
حياتي تؤلمني💔(منقوله )
Любовные романыروايه ليبية منقووووووووله خيانه حزن كره حب انشالله تعجبكم (لم تكتمل بعد )
