في بنت قتلي ديري الشخصيات متعهم ههههه أهو نزلتلكم شكلهم قولولي من أكتر حد عجبكم ؟ و تفاعلوا باش كان عجبني التفاعل بعدين مع الساعه 8 أنزلكم حلقه
#حياتي_تؤلمني الحلقه 7💓
خشت ولاء للحوش متكنطيه من خوها و ماتبيش سيرين تقعد راقده علي ودانها بس في نفس الوقت خالتها قالتلها ردي بالك تقولي
بينما سيرين مقعمزه في حوش عمها العيله كلها ملتمه إلا عمهم راقد تعبان
أنتصار : يا سيرين كم عمرك توا
سيرين : 19 سنه
أنتصار : مازال صغيره ههههههه
تالا : يخطبوا فيك أو لا ؟
سيرين : أيه بس أنا نرفض
تالا : زواج التقليدي أحسن و خير أصلاً
أسامه : شن نظام قطوس في شكاره ههههه جو باب الحاره
سيرين : بس عن حب حلو راهو خاصتاً لما تاخدي اللي تحبيه
لجين : شكلك تحبي يا بنت😂
سيرين تصفرت : نحبك أيه😊😒
نادر : أمي ماتبي شيء
أنتصار : أقعد قعمز يا ولدي لاه عليك علي خاطري
سيرين : خويله أنتصار خيره هكي ماعنداش أسلوب
العيله كلها شبحت لانه نادر مداير لروحه شخصيه ماحد يتجرأ يقول عليه هكي
أنتصار : خيره شن قالك
سيرين شبحتله بـ غل : مبكري قتله تعالى أفطر قالي أقلبي وجهك
نادر يشوف و ساكت
لجين تغطي عالموضوع : أكيد كان كيف نايض ههههه
سيرين : باهي بما أنكم متلمين خلي أنوض نديرلكم حلا الاوريو 😁😊
ناضت سيرين و لحقتها تالا و لجين .. نست تليفونها فتحه و كانت مدايره الخلفيه صورتها وهي مدايره مكياج و رسمة عين زي اللي فالصوره💓
أنتصار : خلي تليفون البنت يا همي تحشم علي وجهك
أسامه : اووووه طرف الكلبه
نادر شبح الصوره ضحك : كلهم زي بعض مايغريكش المنظر
أسامه : يا نادر خيرك تعامل في سيرين هكي راهو غلط و مايجيش اللي دير فيه البنت حست بيك
طبعاً قعدو يهدرزو و نادر يسمع بس لن خشت عليهم سيرين و باين في عيونها الحماس : أعطوني رأيكم 😁😍
أنتصار : كان عندي ولد تالت راهو خطبتك ليه هههههه
لجين : عندك زوز لكن تقدري تخطبي😂🙄
أسامه : سيرين أختي لانه زمان شربنا من نفس سنتوب الحليب😂
نادر : هي تصبحوا علي خير
أنت تقرأ
حياتي تؤلمني💔(منقوله )
Любовные романыروايه ليبية منقووووووووله خيانه حزن كره حب انشالله تعجبكم (لم تكتمل بعد )
