لو سنحاول نبي تعليقات طويله يعني نبي نمل وأنا نقرا هههه مانبيش ملصقات
#حياتي_تؤلمني الحلقه 11💓
تالا : أضحكي العفو خيرك منكده هكي اليوم خطوبتك راهو
سيرين : تالا نبي تليفونك ندير مكالمه دوليه
لجين بصوت عالي : ماحد مداير شحن للمكالامات الدوليه إلا نادر و شوفي روحك لو عطاك
سيرين : ضروري نكلم وسيم ضروري ضروري حطت وشاح ع كتوفها و صدرها بس لانه الفستان طويللل
رغم ان بينهم مشاكل و نادر وجعها هلبه بس باش تكلم وسيم مشت اتخلت عن كبريائيها و مشتله
ولان الحوش كبير هلبه لقت نادر في الصالون يدير في مكالمه وقفت عليه سيرين و هو شبحلها بـ أستغراب
سيرين : نبي تليفونك نديد مكالمه ضروري ضروري
نادر فتح الباسورد و عطاها التليفون مشت في تركينه بعيد شويه : الو
وسيم : مني
سيرين : انيي
وسيم : نعم يا سيرين نعم اني توا خاطب
سيرين : تعرررف اليوم شني
وسيم : لا مانعرفش
سيرين بوجع : اليوم خطوبتي
وسيم سكت مشوار بعدها رد : مبروك
سيرين : بكلمه منك نلغي الخطوبه كلها
وسيم : بعد شنو ؟ بعد ما عرسي مازال عليه 3شهور بس
سيرين : تقدرررر تلغي
وسيم : اسف .. ربي يهنيك مع خطيبك
سيرين : هذا كلامك الاخير أنت ؟
وسيم : هذا كلامي الاخير اسف
سيرين : تعرررف نحمد ربي ماعمري سلمتك نفسي ماعمري ركبت معاك سياره ماعمري درت معاك حاجه حرام ماعمري خنتك ماعمري كلمت شاب غيرك ماعمري كلمتك مكالمات في نص الليل ماعمري كلمتك فيديو ماعمري دويت معاك بقلة أدب .. تعرف نكرهك نكرهك نكرهك
وسيم صكر عليها الخط ... بينما سيرين وقفت ضحكت هه ربي نزل عليها الصبر عطت لنادر تليفونه و مشت حولت الفستان و مسحت المكياج لبست البجاما طلعت بتكلم اسامه
اسامه : 😰😰 خيرك لابسه هكي
سيرين : لغيت الخطوبه صليت صلاة الاستخارة مارتحتش
اسامه : صلاة شني يا طنجرة تي معقوله في اخر لحظه و الراجل عازم صحابه كلهم
سيرين : اووووف باهي توا نكلمه ياودي نعرف كيف نوزعه
اسامه : مع اني نكرره لكن سخفني😑
مشت سيرين للدار من غير مايشوفها حد كلمت قصي : الو قصي شن جو راهو اني مش موافقه
أنت تقرأ
حياتي تؤلمني💔(منقوله )
Romanceروايه ليبية منقووووووووله خيانه حزن كره حب انشالله تعجبكم (لم تكتمل بعد )
